Online Insurance: మీరు ఆన్‌లైన్‌లో బీమా పాలసీ తీసుకుంటున్నారా? ఈ విషయాలు తెలుసుకోండి

Online Insurance Policy

చాలా మంది వ్యక్తులు ఇంటర్నెట్‌లో ఆరోగ్య బీమా పాలసీలను కొనుగోలు చేయడానికి వెనుకాడతారు. ఆన్‌లైన్‌లో పాలసీ తీసుకుంటే క్లైయిమ్‌ విషయంలో ఇబ్బందులు తలెత్తుతాయని, సరైన రెస్పాన్స్‌ ఉండదని చాలా మంది భయపడుతుంటారు. ఒక ఏజెంట్‌ ద్వారా అయితే క్లెయిమ్‌ చేసుకునేందుకు సహాయపడతారని భావిస్తుంటారు. అయితే ఇది పొరపాటు. ఏజెంట్‌తో క్లెయిమ్ సెటిల్‌మెంట్ సులభం అవుతుందని, మీరు ఆన్‌లైన్‌లో పాలసీని కొనుగోలు చేస్తే, క్లెయిమ్‌లను ప్రాసెస్ చేయడంలో ఇబ్బందులు ఎదురవుతాయని ప్రజలు భావిస్తారు. ఇది క్లెయిమ్‌ను చెల్లించేది ఏజెంట్ కాదు.. బీమా కంపెనీ. ఆన్‌లైన్‌లో లేదా ఆఫ్‌లైన్‌లో కొనుగోలు చేసిన పాలసీతో సంబంధం లేకుండా, మీరు కొనుగోలు చేసే ముందు కొన్ని కీలకమైన అంశాలను జాగ్రత్తగా చూసుకోవాలి. ఆరోగ్య బీమా పాలసీలో మీరు ఏమి చూడాలి అనేదానిని తెలుసుకునే ముందు ఆన్‌లైన్ బీమా మార్కెట్‌ గురించి అర్థం చేసుకుందాం.

మార్కెట్ రీసెర్చ్ ఏజెన్సీ మోర్డోర్ ఇంటెలిజెన్స్ నివేదిక ప్రకారం.. భారతదేశ ఆన్‌లైన్ బీమా విభాగం 2023లో సుమారు $92.60 బిలియన్ల విలువైన వాణిజ్యాన్ని నమోదు చేస్తుందని, 2028 నాటికి మార్కెట్ $120.05 బిలియన్లకు వృద్ధి చెందుతుందని అంచనా వేసింది. వార్షిక వృద్ధి రేటు 5.23%. ప్రస్తుతం 30 బీమా కంపెనీలు ఆరోగ్య బీమా పాలసీలను విక్రయిస్తున్నాయి. వీటిలో 25 సాధారణ బీమా కంపెనీలు, 5 ప్రత్యేకంగా ఆరోగ్య బీమా పాలసీలను విక్రయిస్తాయి. ఈ కంపెనీలు కలిసి వందలాది హెల్త్‌ ఇన్సూరెన్స్‌ పాలసీను అందిస్తున్నాయి. మీరు మీ పాలసీని ఆఫ్‌లైన్‌లో కొనుగోలు చేయాలనుకుంటే, వాటిలో కొన్నింటి గురించి మాత్రమే మీరు కనుగొంటారు. కానీ మీరు వాటి కోసం ఆన్‌లైన్‌లో సెర్చ్ చేస్తుంటే, కొన్ని సెకన్లలో మీరు వందలాది పాలసీలను కనుగొంటారు.

మీ ఆన్‌లైన్‌లో మీరు ఏ పాలసీని షార్ట్‌లిస్ట్ చేసినా, బీమా అగ్రిగేటర్, వెబ్‌సైట్‌, బీమా కంపెనీ హెల్ప్‌లైన్‌ నంబర్‌ ద్వారా దాని గురించి మరిన్ని వివరాలను తెలుసుకోండి . మీరు డిఫరెంట్‌గా ఉన్న బీమా పాలసీలను పోల్చకుండా ఏ బీమా పాలసీలను కొనుగోలు చేయవద్దు. పాలసీ కవరేజీ పరిధిని తనిఖీ చేయండి. వెయిటింగ్ పీరియడ్ గురించి అడగండి. అలాగే ఏ కంపెనీకి ఎక్కువ క్లెయిమ్ సెటిల్మెంట్ రేషియో ఉందో చెక్ చేయండి. ఆన్‌లైన్‌లో బీమా పాలసీని కొనుగోలు చేయడం వల్ల కలిగే మరో ప్రయోజనం ఏమిటంటే మీరు అనేక ఉపయోగకరమైన రైడర్‌లకు సంబంధించిన సమాచారాన్ని ఒకే చోట పొందవచ్చు. మీరు మీ అవసరాన్ని బట్టి వాటిని కొనుగోలు చేయవచ్చు. ఆన్‌లైన్‌లో పాలసీలను కొనుగోలు చేయడానికి వెనుకాడేవారు వారి క్లెయిమ్‌లు, ఇతర సందేహాల గురించి నిపుణులను అడిగి తెలుసుకోండి.

ఆరోగ్య బీమాను ఆన్‌లైన్‌లో కొనుగోలు చేస్తే, క్లెయిమ్ సెటిల్‌మెంట్ల సమయంలో ఎలాంటి సమస్యలు ఎదురవుతాయి?

మీరు ఏజెంట్ ద్వారా బీమా పాలసీని కొనుగోలు చేసినప్పుడు పాలసీకి సంబంధించిన మొత్తం సమాచారం అతనిపైనే ఆధారపడతారు. ఏజెంటు చెప్పేది నిజమని నమ్ముతారు. మరోవైపు ఆన్‌లైన్‌లో పాలసీని కొనుగోలు చేసే ముందు మీరే కొంత పరిశీలన చేయాలి. ఇది పాలసీని మరింత మెరుగ్గా అర్థం చేసుకోవడంలో మీకు సహాయపడుతుంది. మీరు ఆన్‌లైన్‌లో పాలసీని కొనుగోలు చేసినా లేదా ఏజెంట్ ద్వారా కొనుగోలు చేసినా క్లెయిమ్ సంబంధిత సమస్యల కోసం మీరు Third-Party Administrator (TPA)ని సందర్శించాలి. TPAలు పాలసీదారు, బీమా కంపెనీ మధ్య వారధిగా పనిచేస్తాయి. వారి ప్రాథమిక పని క్లెయిమ్‌లు, సెటిల్‌మెంట్-సంబంధిత ప్రక్రియలను సులభతరం చేయడమే. నగదు రహిత చికిత్సలను పొందడంలో మీకు సహాయపడే మీ మెడికల్ కార్డ్,  TPA ద్వారా కూడా జారీ చేస్తారు. మీ చికిత్సకు సంబంధించిన అన్ని వైద్య బిల్లులను Third-Party Administratorకి సమర్పించాలి. ఇది ఆన్‌లైన్‌లో చేయవచ్చు.

ఆన్‌లైన్‌లో కొనుగోలు చేయడం కంటే ఏజెంట్ ద్వారా పాలసీని కొనుగోలు చేయడం ఉత్తమమైన ఎంపిక కాదా?

మీరు ఆన్‌లైన్‌లో బీమా కోసం సెర్చ్ చేసినప్పుడు, మీ మొబైల్ నంబర్ బీమా కంపెనీల ద్వారా క్యాప్చర్ చేయబడుతుంది. దీని తర్వాత వారి సేల్స్ ఏజెంట్లు మిమ్మల్ని సంప్రదిస్తారు. వారు కేవలం సేల్స్ ఏజెంట్లు, బీమా నిపుణులు కాదు. అందుకే మీరు కేవలం వారి ఒత్తిడితో బీమా పాలసీలను కొనుగోలు చేయకూడదు. మీరు ఫోన్‌లో కూడా అలాంటి ఆఫర్‌ను స్వీకరించినట్లయితే దానిని రాత పూర్వకంగా తీసుకోండి.

ఆన్‌లైన్‌లో బీమా కొనుగోలు చేసేటప్పుడు గుర్తుంచుకోవలసిన కొన్ని విషయాలు ఏమిటి?

మీరు ఆన్‌లైన్‌లో పాలసీని కొనుగోలు చేస్తుంటే, మీ అవసరాలకు అనుగుణంగా దాన్ని విశ్లేషించాలి. పాలసీ నిబంధనలు, షరతులను జాగ్రత్తగా చదవండి. అలాగే సబ్‌ లిమిట్స్‌, సహ-చెల్లింపు నిబంధనలపై ప్రత్యేక శ్రద్ధ వహించండి. ఎందుకంటే ఇవి అదనపు వ్యయాన్ని సూచిస్తాయి. ఉదాహరణకు, సబ్‌ లిమిట్‌ల ప్రకారం బీమా కంపెనీలు నిర్దిష్ట చికిత్స లేదా ప్రక్రియ కోసం చెల్లించాల్సిన గరిష్ట మొత్తాన్ని నిర్ణయిస్తాయి. పైగా ఏవైనా ఖర్చులు మీరు భరించవలసి ఉంటుంది. కోపేమెంట్ నిబంధన ప్రకారం.. మీరు మొత్తం చికిత్స ఖర్చులో కొంత శాతాన్ని మీరే చెల్లించాలి. ఈ నిబంధన గణనీయంగా ప్రీమియంను తగ్గించినప్పటికీ, క్లెయిమ్ సెటిల్‌మెంట్ సమయంలో ఖర్చు ఎక్కువ అయ్యేలా చేస్తుంది.

మీరు మీ ఆరోగ్య బీమాను ఆన్‌లైన్‌లో కొనుగోలు చేసినా లేదా ఆఫ్‌లైన్‌లో కొనుగోలు చేసినా, ఉత్పత్తులు, దాని ఫీచర్‌లు అలాగే ఉంటాయని మీరు కూడా అర్థం చేసుకున్నారని ఆశిస్తున్నాము. మీరు చేయాల్సిందల్లా ఎక్కువగా కష్టపడడమే. మీకు కావలసిన ఫీచర్‌లు నిర్దిష్ట పాలసీలో అందుబాటులో ఉంటే, మీరు దాన్ని ఆన్‌లైన్‌లో కొనుగోలు చేయవచ్చు. ఆఫ్‌లైన్ మోడ్‌తో పోలిస్తే మీరు డిస్కౌంట్‌లను పొందవచ్చు. చెల్లించాల్సిన ప్రీమియం తక్కువగా ఉంటుంది. క్లెయిమ్ సెటిల్‌మెంట్ విషయానికి వస్తే, మీరు పాలసీని ఆన్‌లైన్‌లో కొనుగోలు చేసినా లేదా ఆఫ్‌లైన్‌లో కొనుగోలు చేసినా, మీరు Third-Party Administratorని సందర్శించాలి. అందుకే మీరు ఆన్‌లైన్ బీమాలో క్లెయిమ్ సెటిల్‌మెంట్ గురించి ఆందోళన చెందాల్సిన అవసరం లేదు.

మరిన్ని బిజినెస్ వార్తల కోసం ఇక్కడ క్లిక్ చేయండి