Indian Railways: భారత రైల్వే గుడ్‌న్యూస్‌.. 1 రూపాయితో రూ.10 లక్షల ఉచిత బీమా సదుపాయం
రైలు ప్రయాణంలో ప్రమాదం జరిగి శాశ్వత వైకల్యం లేదా గాయాల కారణంగా ఆసుపత్రి పాలైనప్పుడు ప్రయాణికుల ఖర్చులను భరించేందుకు భారతీయ రైల్వే ఇటీవల కొత్త బీమా పథకాన్ని..
రైలు ప్రయాణంలో ప్రమాదం జరిగి శాశ్వత వైకల్యం లేదా గాయాల కారణంగా ఆసుపత్రి పాలైనప్పుడు ప్రయాణికుల ఖర్చులను భరించేందుకు భారతీయ రైల్వే ఇటీవల కొత్త బీమా పథకాన్ని ప్రవేశపెట్టింది. ప్రమాదాల్లో ప్రయాణికులు మరణిస్తే, వారిపై ఆధారపడిన వారికి, కుటుంబ సభ్యులకు ఆర్థికంగా మరింత బలాన్ని చేకూర్చడంతోపాటు వారు మరింతగా ఇబ్బంది పడకుండా ఉండాలనే లక్ష్యంతో రైల్వే శాఖ బీమా పథకాన్ని ప్రవేశపెట్టింది. ఇందు కోసం 10 లక్షల వరకు కవరేజ్‌ అందిస్తోంది. ఈ బీమాను రైల్వే శాఖ ఆపరేషనల్ ఇన్సూరెన్స్ స్కీమ్ ఆఫ్ రైల్వేస్ కింద ప్రకటించింది. ఈ బీమా సేవలను అందించే కంపెనీల జాబితాను కూడా రైల్వే శాఖ ఖరారు చేసింది.
ఏ కంపెనీల బీమా సేవలు?
కొన్ని నెలల క్రితం బీమా సేవలను అందించడానికి రైల్వే శాఖ వేలం ప్రక్రియను నిర్వహించింది. దాదాపు 19 బీమా కంపెనీలు బిడ్డింగ్‌లో పాల్గొన్నాయి. వీటిలో శ్రీరామ్ జనరల్ ఇన్సూరెన్స్ కంపెనీ లిమిటెడ్, రాయల్ సుందరం జనరల్ ఇన్సూరెన్స్ కంపెనీ లిమిటెడ్, ఐసిఐసిఐ లాంబార్డ్ జనరల్ ఇన్సూరెన్స్ కంపెనీ లిమిటెడ్‌లను బీమా ప్లాన్ సేవలను అందించడానికి రైల్వే శాఖ ఖరారు చేసింది. ప్రమాణాలను పాటించడంలో విఫలమైన మిగిలిన కంపెనీలను బిడ్డింగ్ ప్రక్రియ నుండి తొలగించారు.
ప్రయోజనాలు ఏమిటి?
రైల్వే శాఖ ఈ బీమా పథకం వల్ల అనేక ప్రయోజనాలు ఉన్నాయి. ప్రయాణికులు టికెట్ తీసుకునే సమయంలో 1 రూపాయి చెల్లిస్తే ఈ బీమా సదుపాయం పొందవచ్చు. ప్రయాణంలో మరణిస్తే కుటుంబానికి 10 లక్షలు. శాశ్వత వైకల్యం ఏర్పడితే రూ.10 లక్షల వరకు పరిహారం లభిస్తుంది. పాక్షిక వైకల్యం అయితే రూ.7.5 లక్షలు, తీవ్ర గాయాలతో ఆసుపత్రిలో చేరితే రూ.5 లక్షలు వరకు అందుబాటులో ఉంటుంది. మీరు మీ రైలు టిక్కెట్‌ను బుక్ చేసుకునేటప్పుడు ఆ సమయంలో మీరు ఒక విషయాన్ని గుర్తించుకోవాలి. మీరు యాప్ ద్వారా స్లీపర్ లేదా ఇతర రిజర్వేషన్ చేసినప్పుడు ఈ బీమా అందుబాటులో ఉంటుంది. మీరు ఆఫ్‌లైన్ రిజర్వేషన్ చేస్తే అంటే మీరు రైల్వే టికెట్ కౌంటర్ నుండి టికెట్ బుక్ చేస్తే ఫారమ్‌లో బీమా ఎంపిక ఉంటుంది.
మరిన్ని బిజినెస్ వార్తల కోసం ఈ లింక్ క్లిక్ చేయండి..