PM Jeevan Jyoti Bima Yojana: జస్ట్ రూ. 330తో రూ. 2 లక్షల బీమా.. ఏ బ్యాంకులోనైనా అప్లై చేసుకోవచ్చు.. వివరాలు

కేంద్ర ప్రభుత్వం అన్ని తరగతుల ప్రజల కోసం ప్రధానమంత్రి జీవన్ జ్యోతి బీమా యోజనను తీసుకువచ్చింది. భారతీయుడై ఉంటే చాలు ఈ బీమాను పొందడానికి అర్హులు. ఏటా రూ. 330 ప్రీమియంతో ఈ బీమాను తీసుకోవడానికి ఛాన్స్ ఉంది. ఈ బీమా పాలసీలో కస్టమర్ రూ. 2 లక్షల వరకు కవరేజీని పొందుతారు. అదే సమయంలో ఈ పాలసీని మళ్లీ రెన్యువల్ చేసుకోవల్సిన  అవసరం లేదు. ఎందుకంటే ప్రతి సంవత్సరం ప్రీమియం ఆటోమేటిక్‌గా బ్యాంకు ఖాతా నుంచి విత్ డ్రా అవుతాయి. దేశవ్యాప్తంగా 12.12 కోట్ల మంది ప్రజలు ప్రధానమంత్రి జీవన్ జ్యోతి బీమా యోజనను సద్వినియోగం చేసుకుంటున్నారు. మీరు కూడా PM జీవన్ జ్యోతి పాలసీ ప్రయోజనాన్ని పొందాలనుకుంటే.. మీరు ఈ విధంగా దరఖాస్తు చేసుకోవచ్చు.

జూన్ 1 నుండి మే 31 వరకు.. ఇది ఒక సంవత్సరంగా పరిగణించబడుతుంది –

పీఎం జీవన్ జ్యోతి పథకంలో బీమా పాలసీ జూన్ 1 నుండి ప్రారంభమవుతుంది. మే 31 వరకు చెల్లుబాటులో ఉంటుంది. అదే సమయంలో, పాలసీ ప్రీమియం మొత్తం ప్రతి సంవత్సరం గడువు తేదీలో చందాదారుల బ్యాంక్ ఖాతా నుంచి స్వయంచాలకంగా తీసివేయబడుతుంది. కాబట్టి, ఈ పాలసీని ప్రతి సంవత్సరం రెన్యూవల్ చేయాల్సిన అవసరం లేదు.

ఎలా దరఖాస్తు చేయాలి –

18 నుంచి 50 సంవత్సరాల మధ్య ఉన్న వ్యక్తులు PM జీవన్ జ్యోతి పాలసీ కోసం దరఖాస్తు చేసుకోవచ్చు. దీని కోసం మీకు బ్యాంకు ఖాతా ఉండాలి. ఫారమ్‌ను పూరించడం ద్వారా మీరు ఈ పాలసీని ఎక్కడ పొందగలరు. మరోవైపు, క్లెయిమ్ చేయాల్సిన అవసరం ఉన్నట్లయితే.. సంబంధిత బ్యాంక్ బ్రాంచ్‌లో అవసరమైన పత్రాలను ఇవ్వడం ద్వారా మీరు క్లెయిమ్ చేయవచ్చు.

మీకు రూ. 2 లక్షలు ఎప్పుడు లభిస్తాయి –

ప్రధానమంత్రి జీవన్ జ్యోతి బీమా పథకం కింద 18 నుంచి 50 సంవత్సరాల మధ్య పాలసీదారు మరణించిన తర్వాత.. ఈ పథకం కింద ప్రభుత్వం ఇచ్చే రూ. 2 లక్షల మొత్తాన్ని పాలసీదారు కుటుంబానికి అందజేస్తారు. తద్వారా, అటువంటి ఇబ్బందుల సమయంలో, వారికి ఆర్థిక సహాయం అందుబాటులో ఉంటుంది.

ఇవి కూడా చదవండి: Petrol Diesel Price: రష్యా-ఉక్రెయిన్ రచ్చ కారణంగా పెరిగిన ముడి చమురు ధరలు.. మన దేశంలో మాత్రం పెట్రోల్-డీజిల్ ధరలు ఇలా..

CM Jagan: గుంటూరు జిల్లాలో ఇస్కాన్ అక్షయపాత్ర.. ప్రారంభించనున్న సీఎం జగన్..