EV Battery Safe Tips: ఈ టిప్స్‌ పాటించండి.. మీ ఎలక్ట్రిక్ వాహనాన్ని సురక్షితంగా ఉంచుకోండి..!

Ev

EV Battery Safe Tips: ఎలక్ట్రిక్ వెహికల్! వాటడం సులభం!! ఖర్చు తక్కువ.. మన్నిక ఎక్కువ.. ఇది నాణ్యానికి ఒక వైపే.. ఎప్పుడు అంటుకుంటుందో తెలియదు.. మరెప్పుడు ప్రాణాలు తీస్తుందో తెలియదు.. ఇది నాణానికి రెండో వైపు. ఎక్కడపడితే అక్కడ ప్రమాదాలకు గురవుతున్నాయి ఎలక్ట్రికల్‌ వాహనాలు. ఈ వరుస ఘటనలతో జనాలు బెంబేలెత్తిపోతున్నారు. ఇంధన ధరలు పెరుగుతుండటంతో జనాలంతా ఎలక్ట్రిక్ వాహనాలవైపు చూస్తున్న దశలో ఈ ప్రమాదాలు చోటు చేసుకోవడం చర్చనీయాంశమైంది. అయితే, ఎండ వేడిమి కారణంగా ఎలక్ట్రిక్ వాహనాలు కాలిపోతున్నాయనే టాక్ నడుస్తోంది. ఏది ఏమైనప్పటికీ.. వేసవి కాలంలో ఎలక్ట్రిక్ వాహనాలు కాలిపోకుండా ఉండేందుకు కొన్ని జాగ్రత్తలు తీసుకుంటే మంచిందని నిపుణులు చెబుతున్నారు. మరి ఆ జాగ్రత్తలేంటో ఇప్పుడు తెలుసుకుందాం..

1. వేడెక్కకుండా జాగ్రత్తలు తీసుకోవాలి:

మొదటగా ఎలక్ట్రిక్ వాహనాన్ని వేడికి గురికాకుండా చూడాలి. ఎలక్ట్రిక్ వాహనాన్ని ఎక్కువసేపు ఎండలో ఉంచొద్దు. ఎండలో వాహనాన్ని పార్క్ చేయొద్దు. షెడ్స్ కింద, నీడ ప్రాంతంలో మీ వాహనాన్ని పార్క్ చేయాలి.

2. ఒరిజినల్ ఛార్జర్‌ని ఉపయోగించాలి:

బ్యాటరీలకు ఏదైనా నష్టం జరగకుండా నిరోధించడానికి తప్పనిసరిగా బ్యాటరీకి అనుకూలంగా ఉండే అధీకృత లేదా ఒరిజినల్ ఛార్జర్‌ని ఉపయోగించాలి.

3. తరచుగా ఛార్జింగ్ చేయొద్దు:

బ్యాటరీని తరచుగా ఛార్జ్ చేయొద్దు. బ్యాటరీని రీఛార్జ్ చేయడానికి ముందు బ్యాటరీని కూల్ అయ్యేంత వరకు ఉంచాలి.

4. బ్యాటరీ డ్యామేజ్ లేదా లీకేజీ గుర్తించాలి:

మీ వాహనం బ్యాటరీలో ఏదైనా లీక్ లేదా డ్యామేజీని గమనించినట్లయితే వెంటనే పరికరాన్ని వేరు చేసి డీలర్‌కు సమాచారం అందించారు.

5. ఆప్టిమల్ ఛార్జ్ నిర్వహించాలి:

వాహనం ఎక్కువసేపు పార్క్ చేసినప్పుడు పూర్తిగా ఛార్జ్ చేయబడిన లేదా పూర్తిగా ఛార్జ్ పడిపోయిన బ్యాటరీ రెండూ మీ వాహన సామర్థ్యాన్ని క్షీణింపజేస్తాయి. కావున, 20 శాతం నుంచి 80 శాతం మధ్యలో ఛార్జింగ్ నిర్వహించడం ఉత్తమం.

Also read:

DK Aruna – BJP: గద్వాల్ గడ్డపై డీకే అరుణ మాస్టర్ ప్లాన్ ఇదేనా?.. నెక్ట్స్ ఎన్నికల్లో ఏం జరుగుతోంది?..

Andhra Pradesh: 20 రోజులవుతోంది.. ఆ ఫైర్ బ్రాండ్ ఎక్కడ?.. గుడివాడలో జోరుగా సాగుతున్న చర్చ..!

PK – Congress: కాంగ్రెస్‌ కోసం పీక్స్‌లో పీకే వ్యూహాలు.. ఆ నివేదిక లీక్స్ అందుకోసమేనా..!