House Construction: ఇంటి నిర్మాణంలో చాలా మంది చేసే పెద్ద పొరపాటు ఏదో తెలుసా..? ఇది ఇల్లు బలానికే పెద్ద దెబ్బ..!

House Construction: కొత్త ఇంటి నిర్మాణం అనేది ప్రతి ఒక్కరి కల. అయితే చాలా మంది ఇంటి నిర్మాణంలో మొదటిగా చేసే పొరపాట్లు కొన్ని ఉంటాయి. ఆ పొరపాట్లే మీ ఇంటి బలానికి పెద్ద దెబ్బ అని ఇంటి నిర్మాణ నిపుణులు సూచిస్తున్నారు. ముందుగా నిర్మాణం చేపట్టేటప్పుడు ఎట్టి పరిస్థితుల్లో ఈ పొరపాట్లు అస్సలు చేయకూడదని సూచిస్తున్నారు..

House Construction Tips

Subhash Goud |
Updated on: Aug 21, 2026 | 8:16 PM

House Construction: ఇంటి నిర్మాణం లో అనేక అంశాలు ఉన్నప్పటికీ, దాని జీవితకాలాన్ని గణనీయంగా ప్రభావితం చేసే మొదటి, అతి ముఖ్యమైన పొరపాటు పునాది (ఫుట్టింగ్) నిర్మాణంలోనే జరుగుతుంది. బిల్డింగ్ కన్స్ట్రక్షన్స్ లో కొన్ని లోపాల వలన భవన జీవితం తగ్గిపోతూ ఉంటుంది. ఇందులో ముఖ్యమైBUILD IT RIGHTనది ఫుట్టింగ్ స్థాయి. ఫుట్టింగ్ (బేస్) స్థాయి వద్ద, ప్రాపర్ గా PCC (ప్లెయిన్ సిమెంట్ కాంక్రీట్)ని 40mm గ్రావెల్ తో కనీసం 6 అంగుళాల మందంతో వేసి, దానిపై ఫుట్టింగ్ మ్యాట్ ఉంచాలి. ఫుట్టింగ్ మ్యాట్ స్టీల్, ఎట్టి పరిస్థితుల్లోనూ PCCని లేదా చుట్టూ ఉన్న మట్టిని తాకకూడదు. అలా తాకడం వలన స్టీల్ త్వరగా తుప్పు పట్టి, పునాది బలహీనపడి, భవనం పటిష్టత దెబ్బతింటుంది. దీనిని నివారించడానికి కాంక్రీట్ కవర్ కోసం 50mm కవర్ బ్లాక్‌లను తప్పనిసరిగా ఉపయోగించాలి.

ఇంకో ముఖ్యమైన విషయం ఏమిటంటే మ్యాట్‌కు చుట్టూ స్టీల్‌ను బెండ్ చేయడం. దీనివల్ల కాంక్రీట్ బలంగా పట్టుకోవడమే కాకుండా, భవనంపై వచ్చే బెండింగ్ మూమెంట్స్, వైబ్రేషన్స్ ను సమర్థవంతంగా తట్టుకుంటుంది. దురదృష్టవశాత్తు, దాదాపు 90% మంది ప్రజలు ఈ కీలకమైన దశలో పొరపాట్లు చేస్తుంటారు. పునాది మ్యాట్స్ మన పాదాల వంటివి. వాటి చుట్టూ ఉన్న బెండ్స్ మన కాలి వేళ్ళ వంటివి. ఇవి మనం బరువు మోసినా, కుదుపులకి తట్టుకుని నిలబడటానికి ఎలా సహాయపడతాయో, అలాగే భవనానికి స్థిరత్వాన్ని అందిస్తాయి. ఈ జాగ్రత్తలు పాటించడం ద్వారా భవన జీవితాన్ని సుదీర్ఘకాలం ఉండేలా చేయవచ్చు.

గృహ నిర్మాణంలో మొదటి పొరపాటు సరైన ఫుట్టింగ్ (బేస్) వేయకపోవడమేనని చెబుతున్నారు నిపుణులు. నాణ్యమైన సిమెంట్, సరైన కంకర నిష్పత్తి, తగిన లోతు, మట్టి పరీక్ష, సరైన క్యూరింగ్ చేయకపోతే భవనం పటిష్టత దెబ్బతింటుంది. బలమైన పునాది కోసం ఇంజనీర్ సలహా తీసుకోవడం చాలా ముఖ్యం.

ఇవి కూడా చదవండి