Home Loan: మీరు మొదటిసారి గృహ రుణం తీసుకుంటున్నారా? దరఖాస్తు చేసే ముందు ఈ కీలక విషయాలు తెలుసుకోండి..!

Home Loan: తొలిసారిగా మీ కలల ఇంటిని లేదా ఫ్లాట్‌ను కొనుగోలు చేయడానికి గృహ రుణాలు ఒక ముఖ్యమైన ఆర్థిక సాధనం. అయితే బ్యాంకు నుండి ఈ రుణాన్ని సులభంగా పొందాలంటే మీరు కొన్ని అర్హతలు, నియమాలు, ముఖ్యమైన నియమ నిబంధనల గురించి తెలుసుకోవాలి. గృహ రుణాల కోసం దరఖాస్తు చేసుకునే వారి వయస్సు 21 నుండి 65 సంవత్సరాల మధ్య ఉండాలి. తక్కువ వయస్సులో దరఖాస్తు చేసుకోవడం వల్ల మీరు 30 సంవత్సరాల వరకు దీర్ఘకాలిక కాలపరిమితితో రుణం పొందవచ్చు. దీనివల్ల మీ నెలవారీ EMI ఆర్థిక భారం గణనీయంగా తగ్గుతుంది.

ఉద్యోగులకు కనీసం 2 సంవత్సరాల పని అనుభవం, ప్రస్తుత సంస్థలో కనీసం 1 సంవత్సరం పని అనుభవం ఉండటం తప్పనిసరి. మరోవైపు స్వయం ఉపాధి పొందుతున్నవారు లేదా వ్యాపారవేత్తల విషయంలో వ్యాపారం కనీసం 3 సంవత్సరాల పాతదై ఉండాలి. స్థిరమైన ఆదాయాన్ని కలిగి ఉండాలి. మొదటిసారి రుణం పొందడంలో సిబిల్ స్కోర్ చాలా ముఖ్యమైన పాత్ర పోషిస్తుంది. మీకు 750 లేదా అంతకంటే ఎక్కువ క్రెడిట్ స్కోర్ ఉంటే బ్యాంకులు మిమ్మల్ని నమ్మదగినవారిగా పరిగణిస్తాయి. దీనివల్ల రుణం చాలా త్వరగా, తక్కువ వడ్డీ రేటుకు ఆమోదం పొందే అవకాశాలు పెరుగుతాయి.

ఇది కూడా చదవండి: Personal Finance: నెలకు కేవలం రూ.2,000 ఆదా చేస్తే చాలు… చేతికి రూ.30 లక్షలు..!

ఇవి కూడా చదవండి

నెలకు కేవలం రూ.2,000 ఆదా చేస్తే చాలు... చేతికి రూ.30 లక్షలు..!

జూన్‌లో ఎన్ని రోజులు బ్యాంకులు మూసి ఉంటాయో తెలుసా..?

తెలంగాణ వ్యాప్తంగా 37 లక్షల గృహ ఎల్‌పీజీ సిలిండర్లు..!

పెట్రోల్, డీజిల్ ధరలు మరోసారి ఎంత పెరగనున్నాయో తెలుసా..?

బ్యాంకులు దరఖాస్తు చేసుకున్న ఆస్తి పూర్తి విలువను రుణంగా ఎప్పుడూ ఇవ్వవు. సాధారణంగా ఆస్తి మార్కెట్ విలువలో గరిష్టంగా 80 నుండి 90 శాతం వరకు రుణం లభిస్తుంది. మిగిలిన 10 నుండి 20 శాతాన్ని దరఖాస్తుదారుడే స్వయంగా చెల్లించాల్సి ఉంటుంది.

మీరు కొనుగోలు చేస్తున్న ఇల్లు లేదా ఫ్లాట్ చట్టపరమైన యాజమాన్యం పూర్తిగా చెల్లుబాటులో ఉండాలి. ప్రభుత్వ ఆమోదిత ప్రణాళిక, అన్ని చట్టపరమైన పత్రాలు సరిచూసి బ్యాంకు ప్రతినిధులచే ఆస్తి మార్కెట్ విలువ నిర్ధారించిన తర్వాతే రుణం ఆమోదం పొందుతుంది.

రుణం ఇచ్చే ముందు బ్యాంకు మీ ప్రస్తుత ఆదాయానికి ఇతర ఖర్చులకు మధ్య ఉన్న నిష్పత్తిని చూస్తుంది. నిబంధనల ప్రకారం.. మీ మొత్తం నెలవారీ ఆదాయంలో 50 శాతాన్ని రుణానికి సంబంధించిన వ్యక్తిగత ఆదాయంగా (EAI) ఖర్చు చేయకూడదు. ఒకవేళ మీ ఒక్కరి ఆదాయం రుణ అర్హత కంటే తక్కువగా ఉంటే మీరు కుటుంబ సభ్యునితో కలిసి కూడా దరఖాస్తు చేసుకోవచ్చు. మీ ఇద్దరికీ ఉమ్మడి ఆదాయం ఉంటే బ్యాంకు నుండి పెద్ద మొత్తంలో రుణం పొందడం చాలా సులభం అవుతుంది. సరైన పత్రాలతో రుణాన్ని వేగంగా పొందవచ్చు. రుణ దరఖాస్తుతో పాటు ఉద్యోగులు పాన్, ఆధార్ కార్డు, 3 నెలల జీతం స్లిప్‌లు, ఫారం 16 సమర్పించడం తప్పనిసరి. అలాగే వ్యాపారవేత్తలు 2 నుండి 3 సంవత్సరాల ఆదాయపు పన్ను రిటర్న్‌లను సమర్పించాల్సి ఉంటుంది.

ఇది కూడా చదవండి: Bank Holidays: వినియోగదారులకు అలర్ట్‌.. జూన్‌లో ఎన్ని రోజులు బ్యాంకులు మూసి ఉంటాయో తెలుసా..?

ఇది కూడా చదవండి: Indian Railways: రైలులో ప్రయాణించే ముందు ఈ పొరపాటు అస్సలు చేయకండి.. లేకపోతే మీరు జైలుపాలే..!

మరిన్ని బిజినెస్ వార్తల కోసం ఇక్కడ క్లిక్ చేయండి