Horoscope Today: వారి ఆరోగ్యానికి, ఆదాయానికి ఢోకా ఉండదు.. 12 రాశుల వారికి రాశిఫలాలు

దిన ఫలాలు (సెప్టెంబర్ 9, 2025): మేష రాశి వారు ఈ రోజు ఒకటి రెండు ముఖ్యమైన ఆర్థిక సమస్యల నుంచి బయటపడే అవకాశముంది. వృషభ రాశి వారికి ఉద్యోగ జీవితం అనుకూలంగా సాగిపోతుంది. మిథున రాశికి చెందిన నిరుద్యోగులకు దూర ప్రాంతం నుంచి ఆశించిన శుభ వార్త అందే అవకాశముంది. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఉద్యోగంలో ప్రోత్సాహకర వాతావరణం ఉంటుంది. వృత్తి, వ్యాపారాల్లో లాభాలు అంచనాలను దాటుతాయి. ఒకటి రెండు ముఖ్యమైన ఆర్థిక సమస్యల నుంచి బయటపడతారు. పెండింగ్ పనులన్నీ పూర్తవుతాయి. కుటుంబ సభ్యులతో ఉత్సాహంగా గడుపుతా‍రు. అదనపు ఆదాయ ప్రయత్నాలు ఆశాజనకంగా ఉంటాయి. ఉద్యోగ ప్రయత్నాలు కలిసి వస్తాయి. వ్యక్తిగత సమస్య ఒకటి పరిష్కారమవుతుంది. ప్రేమ వ్యవహారాలు సంతృప్తికరంగా సాగిపోతాయి. ఆరోగ్యానికి ఇబ్బంది ఉండదు.

వృషభం (కృత్తిక 2,3,4, రోహిణి, మృగశిర 1,2)

రోజంతా సంతృప్తికరంగా సాగిపోతుంది. ఉద్యోగ జీవితం అనుకూలంగా సాగిపోతుంది. అధికారులతో సామరస్యం పెరుగుతుంది. వృత్తి, ఉద్యోగాల్లో శ్రమకు తగ్గ ఫలితం ఉంటుంది. ఆర్థిక పరిస్థితి నిలకడగా ఉంటుంది కానీ, వృథా ఖర్చుల్ని తగ్గించుకోవడం, వీలైనంతగా పొదుపు పాటించడం మంచిది. ఆరోగ్యం మీద శ్రద్ధ పెట్టాల్సిన అవసరం ఉంది. వ్యాపారాలు ఆశాజనకంగా సాగిపోతాయి. ప్రేమ వ్యవహారాలు సాదా సీదాగా సాగిపోతాయి. ఆస్తి వివాదంలో తప్పకుండా విజయం లభిస్తుంది.

మిథునం (మృగశిర 3,4, ఆర్ద్ర, పునర్వసు 1,2,3)

వృత్తి, ఉద్యోగాల్లో సానుకూల వాతావరణం ఉంటుంది. మీ పనితీరుతో అందరినీ ఆకట్టుకుంటారు. సమర్థత, ప్రత్యేకతలు వెలుగులోకి వస్తాయి. నిరుద్యోగులకు దూర ప్రాంతం నుంచి ఆశించిన శుభ వార్త అందుతుంది. పెళ్లి ప్రయత్నాలు సానుకూలపడతాయి. తలపెట్టిన పనులలో శ్రమకు తగ్గ ఫలితం ఉంటుంది. అదనపు ఆదాయ ప్రయత్నాల్లో బాగా లాభిస్తాయి. వ్యక్తిగత సమస్యలకు పరిష్కారం లభిస్తుంది. ప్రేమ వ్యవహారాల్లో దూసుకుపోతారు. శుభవార్తలు బాగా ఎక్కువగా వింటారు.

కర్కాటకం (పునర్వసు 4, పు‌ష్యమి, ఆశ్లేష)

ఇంటా బయటా పని ఒత్తిడి ఎక్కువై, విశ్రాంతి కరువవుతుంది. వృత్తి, వ్యాపారాల్లో కొద్దిగా సమస్యలున్నా అధిగమిస్తారు. ఉద్యోగంలో పని భారం తప్పకపోవచ్చు. కుటుంబంలో ప్రశాంత వాతావరణం ఉంటుంది. తలపెట్టిన పనులు నిదానంగా పూర్తవుతాయి. పిల్లలు చదువుల్లో పురోగతి సాధిస్తారు. స్వల్ప అనారోగ్యానికి అవకాశం ఉంది. నిరుద్యోగులకు మంచి కంపెనీల నుంచి ఆపర్లు అందుతాయి. ప్రేమ వ్యవహారాల్లో వాగ్దానాలు చేయకపోవడం మంచిది. ఆదాయ మార్గాలు లాభిస్తాయి.

సింహం (మఖ, పుబ్బ, ఉత్తర 1)

ఉద్యోగులకు అధికారుల నుంచి ఆశించిన ఆదరణ, ప్రోత్సాహం లభిస్తాయి. వృత్తి, వ్యాపారాల్లో సొంత ఆలోచనలు కలిసి వస్తాయి. ఒకటి రెండు ముఖ్యమైన వ్యక్తిగత సమస్యల నుంచి విముక్తి లభిస్తుంది. ముఖ్యమైన వ్యవహారాలు సంతృప్తికరంగా పూర్తవుతాయి. ఆర్థిక పరిస్థితి బాగా అనుకూలంగా ఉంటుంది. ఆరోగ్యం విషయంలో వీలైనంత జాగ్రత్తగా ఉండడం మంచిది. ఎటువంటి ప్రయత్నం తలపెట్టినా సఫలం అవుతుంది. ప్రేమ వ్యవహారాలు ఉత్సాహంగా, ఉల్లాసంగా సాగిపోతాయి.

కన్య (ఉత్తర 2,3,4, హస్త, చిత్త 1,2)

వృత్తి, వ్యాపారాల మీద శ్రద్ధ పెంచాల్సిన అవసరం ఉంది. ఆర్థికంగా సమయం చాలావరకు అను కూలంగా ఉంది. కుటుంబపరంగా పరిస్థితులు కూడా బాగా మెరుగుపడతాయి. ఆదాయ మార్గాల వల్ల ఆశించిన ఫలితాలుంటాయి. ముఖ్యమైన వ్యవహారాలు సకాలంలో పూర్తవుతాయి. ఉద్యోగంలో అనుకూలతలు పెరుగుతాయి. నిరుద్యోగులకు ఎదురు చూస్తున్న సమాచారం అందు తుంది. ప్రేమ వ్యవహారాలు హ్యాపీగా గడిచిపోతాయి. ఆరోగ్యం విషయంలో కాస్తంత జాగ్రత్తగా ఉండాలి.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాలు అనుకూలిస్తాయి. వ్యాపారంలో లాభాలకు లోటుండదు. అనుకున్న పనులు అనుకున్నట్టు పూర్తయి, ఊరట లభిస్తుంది. ఆర్థిక వ్యవహారాలు అనుకూలిస్తాయి. ఆర్థిక పరిస్థితి బాగా మెరుగ్గా ఉంటుంది. ఇప్పుడు తీసుకునే నిర్ణయాల వల్ల మంచి ఫలితాలుంటాయి. ఆరోగ్యానికి, ఆదాయానికి ఢోకా ఉండదు. ఉద్యోగ ప్రయత్నం చేస్తున్నవారికి బాగా కలిసి వస్తుంది. మిత్రుల సాయంతో ముఖ్యమైన వ్యవహారాలు పూర్తి చేస్తారు. ప్రేమ వ్యవహారాలు హ్యాపీగా సాగి పోతాయి.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో అధికారుల నమ్మకాన్ని చూరగొంటారు. వృత్తి, వ్యాపారాలు బిజీగా సాగిపోతాయి. వ్యక్తి గత సమస్యల మీద దృష్టి కేంద్రీకరిస్తారు. అదనపు ఆదాయం కోసం కొత్త ప్రయత్నాలు చేపడ తారు. ప్రస్తుతానికి ఎవరికీ ధనపరంగా హామీలు ఉండడం, వాగ్దానాలు చేయడం వంటివి చేయ వద్దు. ఆకస్మిక ధన లాభానికి అవకాశం ఉంది. ఆదాయం వృద్ధి చెందుతుంది. కుటుంబ జీవితం సాఫీగా గడిచిపోతుంది. ఆరోగ్యం అనుకూలిస్తుంది. ప్రేమ వ్యవహారాలు ఉత్సాహంగా సాగిపోతాయి.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగపరంగా ఒకటి రెండు శుభవార్తలు వింటారు. వృత్తి, వ్యాపారాల్లో బాగా బిజీ అయిపోతారు. అనేక విధాలుగా ఆదాయం పెరిగే అవకాశం ఉంది. రావలసిన డబ్బు కూడా సకాలంలో చేతికి అందు తుంది. ఆకస్మిక ధన లాభానికి అవకాశముంది. స్వల్ప అనారోగ్యానికి అవకాశం ఉంది. ఉద్యోగం మారడానికి చేసే ప్రయత్నాలు ఫలిస్తాయి. నిరుద్యోగులకు ఆశించిన సమాచారం అందుతుంది. కొందరు బంధువులతో అపార్థాలు తలెత్తుతాయి. ప్రేమ వ్యవహారాల్లో దూసుకుపోతారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో అధికారుల ఆదరణ పెరుగుతుంది. వృత్తి, వ్యాపారాల్లో ఉన్నవారు అంచనాలకు మించి లాభాలు పొందే అవకాశం ఉంది. కుటుంబ జీవితం సుఖ సంతోషాలతో సాగిపోతుంది. ఇంట్లో శుభ పరిణామాలు చోటు చేసుకుంటాయి. చేపట్టిన పనులు, వ్యవహారాల్లో కార్యసిద్ధి ఉంటుంది. కుటుంబంతో దైవ దర్శనాలు చేసుకుంటారు. నిరుద్యోగులకు మంచి ఆఫర్లు లభిస్తాయి. ఆరోగ్యం మెరుగ్గా ఉంటుంది. ప్రేమ వ్యవహారాలు అనుకూలంగా సాగిపోతాయి. ఆదాయానికి లోటుండదు.

కుంభం (ధనిష్ట 3,4, శతభిషం, పూర్వాభాద్ర 1,2,3)

రోజంతా బాగానే గడిచిపోతుంది. ఉద్యోగ వాతావరణం బాగా అనుకూలంగా ఉంటుంది. కుటుంబ వ్యవహారాలు సంతృప్తికరంగా చక్కబడతాయి. ఆర్థిక పరిస్థితి బాగా అనుకూలంగా ఉంటుంది. దీర్ఘకాలిక ఆర్థిక సమస్యలు తగ్గుముఖం పడతాయి. ప్రముఖులతో లాభదాయక పరిచయాలు ఏర్పడతాయి. నిరుద్యోగులకు శుభవార్తలు అందుతాయి. వృత్తి, వ్యాపారాలు లాభాల బాటపడతాయి. పిల్లల నుంచి ఆశించిన సమాచారం అందుతుంది. ప్రేమ వ్యవహారాలు నిలకడగా సాగిపోతాయి.

మీనం (పూర్వాభాద్ర 4, ఉత్తరాభాద్ర, రేవతి)

ఉద్యోగాల్లో ప్రాధాన్యం పెరుగుతుంది. వృత్తి, వ్యాపారాల్లో క్షణం కూడా తీరిక ఉండని పరిస్థితి ఏర్పడుతుంది. పెళ్లి ప్రయత్నాలలో బంధువుల నుంచి ఆశించిన సమాచారం అందుతుంది. ఆదాయ పరిస్థితి అనుకూలంగా ఉంటుంది. ఆదాయ ప్రయత్నాల్లో తక్కువ శ్రమతో ఎక్కువ లాభం పొందు తారు. నిరుద్యోగులకు మంచి ఆఫర్లు అందివస్తాయి. ఆరోగ్యం బాగా అనుకూలంగా సాగిపోతుంది. కుటుంబంలో సామరస్యం పెరుగుతుంది. ప్రేమ వ్యవహారాల్లో కొద్దిపాటి అపార్థాలు తప్పకపోవచ్చు.