Horoscope Today: వారి ఆర్థిక ప్రయత్నాలు సఫలం.. 12 రాశుల వారికి రాశిఫలాలు

దిన ఫలాలు (సెప్టెంబర్ 3, 2025): మేష రాశి వారికి ఈ రోజు ఆర్థిక వ్యవహారాలు, ప్రయత్నాలు బాగా కలిసి వస్తాయి. ఇతరులకు మేలు జరిగే పనులు చేపడతారు. వృషభ రాశి వారికి వృత్తి, ఉద్యోగాలపరంగా ఆశించిన పురోగతి ఉంటుంది. ఉద్యోగంలో అధికారులు ప్రత్యేక బాధ్యతలు అప్పగించే అవకాశం ఉంది. మిథున రాశి వారికి వృత్తి, ఉద్యోగాల్లో కొత్త అవకాశాలు వస్తాయి. వ్యాపారాల్లో ఆశించిన స్థాయిలో లాభాలు అందుకుంటారు. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఆర్థిక వ్యవహారాలు, ప్రయత్నాలు బాగా కలిసి వస్తాయి. ఇతరులకు మేలు జరిగే పనులు చేపడతారు. కుటుంబ ఖర్చులు పెరిగే అవకాశం ఉంది. ఉద్యోగంలో మీ మాటకు ఎదురుండదు. ఏ ప్రయత్నం తలపెట్టినా విజయవంతం అవుతుంది. వృత్తి జీవితంలో యాక్టివిటీ బాగా పెరుగు తుంది. ఆదాయం బాగానే వృద్ధి చెందుతుంది. ఆర్థిక, వ్యక్తిగత సమస్యల నుంచి చాలావరకు బయటపడతారు. మిత్రుల వల్ల నష్టపోయే అవకాశం ఉంది. వ్యాపారంలో లాభాలకు లోటుండదు.

వృషభం (కృత్తిక 2,3,4, రోహిణి, మృగశిర 1,2)

వృత్తి, ఉద్యోగాలపరంగా ఆశించిన పురోగతి ఉంటుంది. ఉద్యోగంలో అధికారులు ప్రత్యేక బాధ్యతలు అప్పగించే అవకాశం ఉంది. వ్యాపారాలు లాభసాటిగా, ఆశాజనకంగా కొనసాగుతాయి. కుటుంబ పరంగా కూడా అభివృద్ధి కనిపిస్తోంది. కొద్దిగా నిదానంగానే అయినా ముఖ్యమైన పనులు పూర్తవు తాయి. ఉద్యోగ, పెళ్లి ప్రయత్నాలకు సంబంధించి ఆశించిన సమాచారం అందుతుంది. ఆరోగ్యం పరవాలేదనిపిస్తుంది. ఇతరుల విషయాల్లో జోక్యం చేసుకుంటే ఇబ్బందులు పడాల్సి వస్తుంది.

మిథునం (మృగశిర 3,4, ఆర్ద్ర, పునర్వసు 1,2,3)

వృత్తి, ఉద్యోగాల్లో కొత్త అవకాశాలు మీ ముందుకు వస్తాయి. వ్యాపారాల్లో ఆశించిన స్థాయిలో లాభాలు అందుకుంటారు. ఆర్థిక లావాదేవీలు అంచనాలకు మించి లాభిస్తాయి. బంధుమిత్రులతో విందుల్లో పాల్గొంటారు. స్థిరాస్తి వ్యవహారాలు సానుకూలంగా పురోగమిస్తాయి. నిరుద్యోగులకు తప్పకుండా కార్యసిద్ధి కలుగుతుంది. ఆర్థిక ప్రయత్నాలు సఫలమవుతాయి. దైవ కార్యాల్లో, సహాయ కార్యక్రమాల్లో పాల్గొంటారు. ఆరోగ్యం పరవాలేదు. కుటుంబంలో సామరస్యం పెరుగుతుంది.

కర్కాటకం (పునర్వసు 4, పుష్యమి, ఆశ్లేష)

వృత్తి, ఉద్యోగాల్లో శ్రమాధిక్యత ఉంటుంది. వ్యాపారం నిలకడగా సాగిపోతుంది. ఆదాయానికి లోటు ఉండకపోవచ్చు. కొందరు బంధుమిత్రులకు ఇతోధికంగా సహాయం చేస్తారు. ఇంటా బయటా పలుకుబడి పెరుగుతుంది. ఆరోగ్యం నిలకడగా ఉంటుంది. సొంత పనుల మీద శ్రద్ధ పెట్టడం మంచిది. ఒకటి రెండు ముఖ్యమైన పనులు నిదానంగా పూర్తవుతాయి. ఆస్తి, ఆర్థిక వ్యవహారాలు సజావుగా సాగిపోతాయి. ప్రయాణాలను వాయిదా వేయడం మంచిది. మంచి పరిచయాలు ఏర్పడతాయి.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో ప్రోత్సాహకర పరిస్థితులు ఉంటాయి. వ్యాపారాలు సజావుగా సాగిపోతాయి. చిన్నచిన్న సమస్యలను భూతద్దంలో చూడడం మంచిది కాదు. ఎంత సానుకూల దృక్పథంతో వ్యవహరిస్తే అంత మంచిది. మధ్య మధ్య కుటుంబ సంబంధమైన ఇబ్బందులు, అనారోగ్యాలు తప్పకపోవచ్చు. పిల్లలు బాగా వృద్ధిలోకి వస్తారు. మంచి పెళ్లి సంబంధం కుదిరే అవకాశం ఉంది. ఆర్థిక విషయాల్లో ఎవరికీ వాగ్దానాలు చేయవద్దు. నిరుద్యోగులు ఉద్యోగ యోగం పట్టే అవకాశం ఉంది.

కన్య (ఉత్తర 2,3,4, హస్త, చిత్త 1,2)

వృత్తి, ఉద్యోగాల్లో ఆశించిన గుర్తింపు లభించడంతో పాటు గౌరవ మర్యాదలు పెరుగుతాయి. వ్యాపారాల్లో లాభాలు నిలకడగా ఉంటాయి. ఆర్థిక పరిస్థితి గతం కంటే బాగా మెరుగ్గా ఉంటుంది. ఏ ప్రయత్నం చేపట్టినా విజయవంతం అవుతుంది. ఆరోగ్యానికి, ఆదాయానికి లోటు ఉండదు. ఆశించిన శుభవార్తలు వింటారు. ముఖ్యమైన పనులు నిదానంగా పూర్తవుతాయి. కుటుంబంలో సుఖ సంతోషాలు నెలకొంటాయి. ఉద్యోగ, పెళ్లి ప్రయత్నాల్లో ఆశించిన శుభవార్తలు వినడం జరుగుతుంది.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాలు కొత్త పుంతలు తొక్కుతాయి. అధికారులు ప్రత్యేక బాధ్యతలు అప్పగించే అవకాశం ఉంది. వ్యాపారాల్లో అంచనాలకు మించి లాభాలు గడించే అవకాశం ఉంది. ఇష్టమైన బంధు మిత్రుల నుంచి కొన్ని శుభవార్తలు వింటారు. ఆర్థిక పరిస్థితి పరవాలేదనిపిస్తుంది. తలపెట్టిన పనులు సజావుగా సాగిపోతాయి. దైవ చింతన పెరుగుతుంది. పిల్లలు బాగా వృద్ధిలోకి వస్తారు. వ్యక్తిగత సమస్యల పరిష్కారం మీద దృష్టి పెడతారు. నిరుద్యోగులకు మంచి ఆఫర్ అందుతుంది.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో పని భారంతో ఇబ్బంది పడతారు. వృత్తి, వ్యాపారాల్లో లాభాలు కొద్దిగా పెరుగుతాయి. ఆదాయానికి లోటుండకపోవచ్చు. విందు కార్యక్రమంలో పాల్గొంటారు. దూర ప్రాంతంలో ఉన్న బంధువులతో పెళ్లి సంబంధం కుదిరే అవకాశం ఉంది. నిరుద్యోగుల ప్రయత్నాలకు ఆశించిన స్పందన లభిస్తుంది. వ్యక్తిగత సమస్యల నుంచి కొద్దిగా విముక్తి లభిస్తుంది. సరికొత్త పరిచయాలు ఏర్పడతాయి. తలపెట్టిన పనులు వేగంగా, ఉత్సాహంగా పూర్తి చేస్తారు. ఆరోగ్యం బాగానే ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగ జీవితం ప్రశాంతంగా, సంతృప్తికరంగా సాగిపోతుంది. వృత్తి, వ్యాపారాల్లో రాబడి వృద్ధి చెందుతుంది. ఆర్థిక వ్యవహారాలు నిలకడగా ముందుకు సాగుతాయి. ఆధ్యాత్మిక చింతన పెరుగుతుంది. ఆదాయం బాగా పెరుగుతుంది. ముఖ్యమైన పనులు నిదానంగా పూర్తవుతాయి. ఒకటి రెండు వ్యక్తిగత సమస్యలు పరిష్కారమయ్యే అవకాశం ఉంది. ఆహార, విహారాల్లో కొద్దిగా జాగ్రత్తగా ఉండడం మంచిది. ప్రయాణాల వల్ల ఆశించిన ఫలితం ఉండకపోవచ్చు. పెళ్లి ప్రయత్నాలు ఫలిస్తాయి.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో సహచరుల నుంచి సహాయ సహకారాలు లభిస్తాయి. వృత్తి, వ్యాపారాలు నిలకడగా ముందుకు సాగుతాయి. ఆదాయానికి లోటుండకపోవచ్చు. ఆస్తి, ఆర్థిక వ్యవహారాల్లో స్థిరమైన నిర్ణయాలు తీసుకుని ఆచరణలో పెట్టడం మంచిది. బంధుమిత్రులతో మంచి కాలక్షేపం చేస్తారు. జీవిత భాగస్వామి ఆరోగ్యం చాలావరకు కుదుటపడుతుంది. ముఖ్యమైన వ్యవహారాలు, పనులను పట్టుదలగా పూర్తి చేస్తారు. నిరుద్యోగులకు సొంత ఊర్లోనే తగిన ఉద్యోగం లభించే అవకాశం ఉంది.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగంలో బాధ్యతల్లో మార్పులు జరిగే అవకాశం ఉంది. వృత్తి, వ్యాపారాల్లో లాభాలు పెరుగుతాయి. ముఖ్యంగా వృత్తి జీవితంలో తీరిక ఉండని పరిస్థితి ఏర్పడుతుంది. ఆర్థిక వ్యవహారాల్లో ముందడుగు వేస్తారు. ఆర్థిక పరిస్థితి ఆశాజనకంగా ఉంటుంది. చేపట్టిన పనులను సమయానికి ముందే పూర్తి చేయగలుగుతారు. ఆశించిన స్థాయిలో ఆదాయం పెరుగుతుంది. వృథా ఖర్చులకు కళ్లెం వేస్తారు. ప్రస్తుతానికి ఎవరికీ వాగ్దానాలు చేయడం గానీ, హామీలు ఉండడం కానీ మంచిది కాదు.

మీనం (పూర్వాభాద్ర 4, ఉత్తరాభాద్ర, రేవతి)

ఉద్యోగంలో సానుకూల మార్పుల చోటు చేసుకుంటాయి. పని ఒత్తిడి నుంచి చాలావరకు ఉపశమనం కలుగుతుంది. వృత్తి జీవితం సానుకూల మలుపు తిరుగుతుంది. వ్యాపారాల్లో కొత్త ఆలోచనలు అమలు చేస్తారు. అనుకున్న పనులు అనుకున్నట్టు పూర్తవుతాయి. సమాజంలో ప్రముఖులతో పరిచయాలు పెరుగుతాయి. ఇంటా బయటా గౌరవమర్యాదలకు లోటు ఉండదు. ఆదాయానికి, ఆరోగ్యానికి లోటు ఉండకపోవచ్చు. బంధువుల్లో మంచి పెళ్లి సంబంధం కుదురుతుంది.