Horoscope Today: ఆ రాశి వారు ఆర్థిక లావాదేవీల్లో జాగ్రత్త.. 12 రాశుల వారికి రాశిఫలాలు

దిన ఫలాలు (అక్టోబర్ 19, 2025): మేష రాశి వారు ఆస్తి, ఆర్థిక వ్యవహారాల్లో ఎవరినీ గుడ్డిగా నమ్మకపోవడం మంచిది. వృషభ రాశి వారు అధికారుల నమ్మకాన్ని చూరగొనే అవకాశముంది. మిథున రాశి వారికి అధికార యోగం పట్టడానికి కూడా అవకాశం ఉంది. మేష రాశి మొదలు మీన రాశి వరకు 12 రాశుల వారికి ఆదివారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఉద్యోగ జీవితంలో ప్రాధాన్యం పెరుగుతుంది. వృత్తి, వ్యాపారాల్లో ఆశించిన స్థాయిలో రాబడి వృద్ధి చెందుతుంది. ఆదాయ వృద్ధి ప్రయత్నాలకు సమయం బాగా అనుకూలంగా ఉంది. ఎంత ప్రయత్నిస్తే అంత మంచిది. ఆస్తి, ఆర్థిక వ్యవహారాల్లో ఎవరినీ గుడ్డిగా నమ్మకపోవడం మంచిది. ఒకరిద్దరు మిత్రుల వల్ల ఆర్థికంగా నష్టపోయే అవకాశం ఉంది. కుటుంబ సభ్యుల మీద ఖర్చు పెరుగు తుంది. ముఖ్యమైన పనులన్నిటినీ పట్టుదలగా పూర్తి చేస్తారు. ఆరోగ్యం మీద కొద్దిగా శ్రద్ధ పెట్టాలి.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో హోదా, జీతభత్యాలు పెరిగే అవకాశం ఉంది. అధికారుల నమ్మకాన్ని చూరగొంటారు. ఆర్థిక విషయాల్లో ఆలోచించి నిర్ణయాలు తీసుకోవడం మంచిది. కొద్ది ప్రయత్నంతో ముఖ్యమైన వ్యవహారాలన్నీ పూర్తవుతాయి. కుటుంబ సభ్యుల సలహాలు పనికి వస్తాయి. ఆస్తి వివాదంలో తోబుట్టువులతో రాజీ మార్గం అనుసరిస్తారు. కుటుంబ జీవితం సాఫీగా సాగిపోతుంది. ఆదాయం బాగా వృద్ధి చెందుతుంది. నిరుద్యోగులు దూర ప్రాంత సంస్థల నుంచి ఆశించిన శుభవార్తలు వింటారు.

మిథునం (మృగశిర 3,4, ఆర్ద్ర, పునర్వసు 1,2,3)

వృత్తి, ఉద్యోగాల్లో ప్రాధాన్యం బాగా పెరుగుతుంది. అధికార యోగం పట్టడానికి కూడా అవకాశం ఉంది. వ్యాపారాలు లాభసాటిగా పురోగతి చెందుతాయి. ముఖ్యమైన ఆస్తి, ఆర్థిక వ్యవహారాల్ని చక్కబెడతారు. షేర్లు, స్పెక్యులేషన్లు, ఆర్థిక లావాదేవీలు బాగా లాభిస్తాయి. అనుకున్న పనులు అనుకున్నట్టు పూర్తవుతాయి. వ్యక్తిగత సమస్య ఒకటి అనుకోకుండా పరిష్కారమవుతుంది. కుటుంబంలో శుభ పరిణామాలు చోటు చేసుకుంటాయి. ఉద్యోగ, పెళ్లి ప్రయత్నాల్లో శుభవార్తలు వింటారు.

కర్కాటకం (పునర్వసు 4, పుష్యమి, ఆశ్లేష)

వృత్తి, ఉద్యోగాలు ప్రశాంతంగా సాగిపోతాయి. వ్యాపారాల్లో కొద్దిగా లాభాలు గడిస్తారు. ఆర్థికంగా ఆశించిన పురోగతి ఉంటుంది. ఆదాయం బాగా పెరిగే అవకాశం ఉంది. ఆస్తి వివాదం పరిష్కారం అవుతుంది. వ్యక్తిగత పనులు విజయవంతంగా పూర్తవుతాయి. పిల్లల నుంచి శుభవార్తలు వింటారు. ఇంటా బయటా కొద్దిగా ఒత్తిడి ఉంటుంది. ఆహార, విహారాల్లో కాస్తంత జాగ్రత్తగా ఉండడం మంచిది. వాహనాలతో అప్రమత్తంగా ఉండాలి. రావలసిన డబ్బు చేతికి అంది అవసరాలు తీరుతాయి.

సింహం (మఖ, పుబ్బ, ఉత్తర 1)

ఉద్యోగంలో మీ పనితీరుతో అధికారులను ఆకట్టుకుంటారు. ఉద్యోగులకు డిమాండ్ పెరుగుతుంది. వృత్తి, వ్యాపారాలు నిలకడగా సాగిపోతాయి. నిరుద్యోగుల శుభవార్తలు వింటారు. దూర ప్రాంతంలో ఉన్న బంధువుల్లో పెళ్లి సంబంధం కుదురుతుంది. ఆర్థికంగా ఆశించిన పురోగతి ఉంటుంది. ఇతరులకు మేలు జరిగే పనులు చేస్తారు. బంధువులతో అపార్థాలు తలెత్తుతాయి. కుటుంబ సభ్యులతో విహార యాత్రకు ప్లాన్ చేస్తారు. ఆదాయానికి లోటుండదు కానీ ఖర్చులు పెరుగుతాయి.

కన్య (ఉత్తర 2,3,4, హస్త, చిత్త 1,2)

వృత్తి, ఉద్యోగాల్లో బరువు బాధ్యతలు బాగా పెరుగుతాయి. కొద్దిగా మానసిక ఒత్తిడి ఉండే అవకాశం ఉంది. వ్యాపారాల్లో కొద్దిగా లాభాలు పెరిగే సూచనలున్నాయి. అనుకోకుండా వ్యక్తిగత సమస్య ఒకటి పరిష్కారం అవుతుంది. ఆర్థిక పరిస్థితి మెరుగ్గా ఉంటుంది. పెళ్లి ప్రయత్నాల్లో బంధువుల నుంచి ఒకటి రెండు శుభవార్తలు వింటారు. పుణ్యక్షేత్ర సందర్శనకు అవకాశం ఉంది. కుటుంబ సభ్యులతో సంప్రదించి నిర్ణయాలు తీసుకోవడం మంచిది. ఆరోగ్యం బాగానే ఉంటుంది.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాల్లో మీ మాటకు, చేతకు తిరుగుండదు. అధికారులకు మీ సమర్థత మీద నమ్మకం కలుగుతుంది. వ్యాపారాలు లాభసాటిగా పురోగమిస్తాయి. ఆస్తి, ఆర్థిక వ్యవహారాలను సంతృప్తికరంగా చక్కబెడతారు. ఆర్థిక లావాదేవీల్లో జాగ్రత్తగా ఉండడం మంచిది. ఇష్టమైన బంధుమిత్రులతో ఎంజాయ్ చేస్తారు. ఉద్యోగ, పెళ్లి ప్రయత్నాల్లో ఆశించిన శుభవార్తలు వింటారు. కొందరు మిత్రులు పక్కదోవ పట్టించే అవకాశం ఉంది. పలుకుబడి కలిగిన వ్యక్తులతో పరిచయాలు ఏర్పడతాయి.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో ఆశించిన ప్రోత్సాహం, ఆదరణ లభిస్తాయి. వృత్తి జీవితం బాగా బిజీగా సాగిపోతుంది. వ్యాపారాలు నిలకడగా ముందుకు సాగుతాయి. నిరుద్యోగులకు మంచి ఆఫర్ అందే అవకాశం ఉంది. బంధుమిత్రులతో సరదాగా కాలక్షేపం చేస్తారు. మాట తొందర వల్ల ఇబ్బందులకు గురయ్యే అవకాశం ఉంది. ఆరోగ్యం మీద శ్రద్ధ పెట్టాల్సి ఉంటుంది. ప్రయాణాలు వాయిదా వేసుకోవడం శ్రేయస్కరం. ఆదాయం కొద్దిగా వృద్ధి చెందే అవకాశం ఉంది. ఇంటా బయటా బాగా ఒత్తిడి ఉంటుంది.

ధనుస్సు (మూల, పూర్వాషాఢ, ఉత్తరాషాఢ య1)

వృత్తి, ఉద్యోగ, వ్యాపారాల్లో ఊహించని శుభ పరిణామాలు చోటు చేసుకుంటాయి. ముఖ్యంగా ఆదాయం పెరిగే అవకాశం ఉంది. ఏ రంగంలో ఉన్నవారికైనా ఆర్థికంగా బాగా కలిసి వచ్చే సమయం ఇది. కొద్ది ప్రయత్నంతో ముఖ్యమైన వ్యవహారాలన్నీ పూర్తవుతాయి. కొందరు బంధుమిత్రులకు ఆర్థికంగా సహాయం చేయడం జరుగుతుంది. వ్యక్తిగత, కుటుంబ సమస్యలకు పరిష్కారం లభిస్తుంది. ఉద్యోగం మారేందుకు ప్రయత్నాలు చేయడం మంచిది. ఆరోగ్యం అనుకూలంగా ఉంటుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో సానుకూల మార్పులు చోటు చేసుకుంటాయి. వ్యాపారాలు లాభదాయకంగా సాగుతాయి. డాక్టర్లు, లాయర్లకు క్షణం కూడా తీరిక లేని పరిస్థితి ఏర్పడుతుంది. వ్యయ ప్రయాసలు ఉన్నప్పటికీ, అత్యవసరమైన వ్యవహారాలను పట్టుదలగా పూర్తి చేస్తారు. మిత్రుల సహాయంతో ఆర్థిక, వ్యక్తిగత సమస్యలు పరిష్కారం అవడానికి అవకాశం ఉంది. కుటుంబ సభ్యుల మీద బాగా ఖర్చు చేస్తారు. పుణ్యక్షేత్ర యాత్రలకు ప్లాన్ చేస్తారు. ఆరోగ్యం చాలావరకు నిలకడగా ఉంటుంది.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగ జీవితం సాఫీగా, హ్యాపీగా సాగిపోతుంది. డాక్టర్లు, లాయర్లకు మంచి అవకాశాలు అంది వస్తాయి. వృత్తి నిపుణులకు కలిసి వచ్చే సమయం ఇది. వ్యాపారాలు ఆశాజనకంగా ముందుకు సాగుతాయి. ఆస్తి, ఆర్థిక వ్యవహారాలను చక్కబెట్టడంలో కుటుంబ సభ్యుల సహకారం లభిస్తుంది. ఆర్థిక సమస్యల నుంచి బయటపడే అవకాశం ఉంది. ఆరోగ్యం పరవాలేదనిపిస్తుంది. విదేశాల్లో ఉన్న పిల్లల నుంచి శుభవార్తలు వింటారు. రాదనుకున్న డబ్బు చేతికి అందుతుంది.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, ఉద్యోగాల్లో కొద్దిగా ఒత్తిడి ఉన్నప్పటికీ, సకాలంలో బాధ్యతలను పూర్తి చేస్తారు. వ్యాపారాల్లో కొద్దిపాటి లాభాలు ఉంటాయి. వ్యక్తిగత సమస్య ఒకటి పరిష్కారం అవుతుంది. మనసులోని కోరి కలు నెరవేరుతాయి. పెళ్లి ప్రయత్నాల్లో బంధువుల నుంచి శుభవార్తలు వింటారు. ఇష్టమైన ఆలయాలను సందర్శిస్తారు. ఆదాయానికి, ఆరోగ్యానికి ఇబ్బందేమీ ఉండకపోవచ్చు. అదనపు ఆదాయ ప్రయత్నాలు ఒక కొలిక్కి వస్తాయి. ప్రయాణాలు లాభిస్తాయి. పిల్లలు విజయాలు సాధిస్తారు.