Horoscope Today: ఈ రాశుల వారు శుభవార్తలు వింటారు.. 12 రాశుల వారికి సోమవారం నాటి దిన ఫలాలు ఇలా..
Today Horoscope (July 21, 2025):మేషం రాశివారికి ఆర్థికంగా బాగా కలిసి వచ్చే అవకాశం ఉంది. ఒకటి రెండు ముఖ్యమైన ఆర్థిక సమస్యలు పరిష్కారం అవుతాయి. వృషభం రాశి వారికి ఉద్యోగంలో ప్రాధాన్యం పెరుగుతుంది. అధికారులు ఎక్కువగా మీ మీద ఆధారపడే అవకాశం ఉంది. మిథునం రాశి వారు ఏ ప్రయత్నం తలపెట్టినా విజయవంతం అవుతుంది. వృత్తి, వ్యాపారాల్లో కీలకమైన మార్పులు చేపట్టి లబ్ధి పొందుతారు. మేష రాశి మొదలు మీన రాశి వరకు 12 రాశుల వారికి సోమవారం నాటి రాశిఫలాలు ఎలా ఉన్నాయో ఈ కథనంలో చూడండి..
Updated on: Jul 21, 2025 | 6:42 AM
మేషం (అశ్విని, భరణి, కృత్తిక 1): ఆర్థికంగా బాగా కలిసి వచ్చే అవకాశం ఉంది. ఒకటి రెండు ముఖ్యమైన ఆర్థిక సమస్యలు పరిష్కారం అవుతాయి. ఉద్యోగంలో అధికార యోగం పడుతుంది. వృత్తి జీవితంలో యాక్టివిటీ బాగా పెరుగుతుంది. వ్యాపారులు అంచనాలకు మించి లాభాలు కలుగుతాయి. ఏ ప్రయత్నం తలపె ట్టినా విజయవంతం అవుతుంది. ముఖ్యంగా ఉద్యోగ, పెళ్లి ప్రయత్నాలు తప్పకుండా సఫలమవుతాయి. విద్యార్థులు చదువుల్లో బాగా ముందుంటారు. ప్రేమ వ్యవహారాలు హ్యాపీగా సాగిపోతాయి.
వృషభం (కృత్తిక 2,3,4, రోహిణి, మృగశిర 1,2): ఉద్యోగంలో ప్రాధాన్యం పెరుగుతుంది. అధికారులు ఎక్కువగా మీ మీద ఆధారపడే అవకాశం ఉంది. వృత్తి జీవితంలో కూడా బాగా డిమాండ్ పెరుగుతుంది. వ్యాపారాలు లాభసాటిగా సాగు తాయి. ఉద్యోగ ప్రయత్నాలు సానుకూలంగా ఉంటాయి. బంధువర్గంలో పెళ్లి సంబంధం కుదరవచ్చు. ఒకరిద్దరు బంధుమిత్రులకు ఆర్థికంగా సహాయం చేస్తారు. స్వల్ప అనారోగ్య సూచనలున్నాయి. విద్యార్థులకు చదువుల్లో శ్రమ తప్పదు. ప్రేమ వ్యవహారాల్లో అపార్థాలు తలెత్తే అవకాశముంది.
మిథునం (మృగశిర 3,4, ఆర్ద్ర, పునర్వసు 1,2,3): ఏ ప్రయత్నం తలపెట్టినా విజయవంతం అవుతుంది. వృత్తి, వ్యాపారాల్లో కీలకమైన మార్పులు చేపట్టి లబ్ధి పొందుతారు. ఉద్యోగంలో అధికార యోగానికి అవకాశం ఉంది. నిరుద్యోగులకు మంచి సంస్థల నుంచి ఆశించిన ఆఫర్లు అందుతాయి. వ్యక్తిగత సమస్యలు తగ్గుముఖం పడతాయి. కుటుంబంలో సుఖ సంతోషాలు చోటు చేసుకుంటాయి. పిల్లల నుంచి శుభవార్తలు వింటారు. విద్యార్థులు చదువుల్లో, పరీక్షల్లో విజయాలు సాధిస్తారు. ప్రేమ వ్యవహారాలు హ్యాపీగా సాగుతాయి.
కర్కాటకం (పునర్వసు 4, పుష్యమి, ఆశ్లేష): వృత్తి, వ్యాపారాలు సంతృప్తికరంగా సాగిపోతాయి. ఉద్యోగంలో ప్రమోషన్ వచ్చే సూచనలున్నాయి. ఆశించిన స్థాయిలో జీతభత్యాలు పెరుగుతాయి. కుటుంబంతో కలిసి ఇష్టమైన ఆలయాలను సందర్శిస్తారు. ఆరోగ్యం మీద శ్రద్ధ పెట్టడం మంచిది. తోబుట్టువులతో ఆస్తి వివాదం పరిష్కారం అవుతుంది. ఆదాయం కొద్దిగా వృద్ధి చెందే అవకాశం ఉంది. ఒకటి రెండు శుభవార్తలు వినడం జరుగుతుంది. విద్యార్థులు కొద్ధి శ్రమతో మంచి ఫలితాలు సాధిస్తారు. ప్రేమ వ్యవహారాలు సాఫీగా సాగిపోతాయి.
సింహం (మఖ, పుబ్బ, ఉత్తర 1): వృత్తి, ఉద్యోగాలు ప్రోత్సాహకరంగా సాగిపోతాయి. వ్యాపారాల్లో లాభాలు పెరుగుతాయి. ఎదురు చూస్తున్న శుభ వార్తలు వినే అవకాశం ఉంది. నిరుద్యోగుల ఉద్యోగ ప్రయత్నాలు ఫలిస్తాయి. కొద్ది ప్రయత్నంతో వివాహ సంబంధం కుదిరే సూచనలున్నాయి. పిల్లలకు సమయం అనుకూలంగా ఉంది. ఆధ్యాత్మిక విషయాల పట్ల శ్రద్ధాసక్తులు పెరుగుతాయి. ఆకస్మిక ధనలాభం కలుగుతుంది. విద్యార్థులకు కొద్దిపాటి శ్రమ తప్పకపోవచ్చు. ప్రేమ వ్యవహారాలు సానుకూలంగా సాగిపోతాయి.
కన్య (ఉత్తర 2,3,4, హస్త, చిత్త 1,2): ఆర్థికంగా ఆశించిన పురోగతి ఉంటుంది. వృత్తి, వ్యాపారాలు లాభదాయకంగా సాగిపోతాయి. అదనపు ఆదాయ ప్రయత్నాలు అనుకూల ఫలితాలనిస్తాయి. ఖర్చులు తగ్గించుకోవడం మంచిది. ఉద్యోగంలో సహోద్యోగుల వల్ల ఇబ్బందులు కలుగుతాయి. వ్యాపారాల్లో పోటీదార్ల మీద పైచేయి సాధిస్తారు. ఆరోగ్యం బాగానే ఉంటుంది. ముఖ్యమైన వ్యక్తులతో పరిచయాలు పెరుగుతాయి. మీ మాటకు విలువ ఉంటుంది. విద్యార్థులు విజయాలు సాధిస్తారు. ప్రేమ వ్యవహారాల్లో సఖ్యత పెరుగుతుంది.
తుల (చిత్త 3,4, స్వాతి, విశాఖ 1,2,3): ఉద్యోగంలో ముఖ్యమైన మార్పులు చోటు చేసుకునే అవకాశముంది. ఒకటి రెండు శుభ పరిణామాలు సంభవిస్తాయి. వృత్తి, ఉద్యోగాల్లో ఆదరాభిమానాలు పెరుగుతాయి. వ్యాపారం బాగా కలిసి వస్తుంది. అదనపు ఆదాయ ప్రయత్నాలు ఆశించిన దాని కంటే ఎక్కువగా సఫలం అవుతాయి. ఒకటి రెండు ఆర్థిక, వ్యక్తిగత సమస్యలు పరిష్కారం అవుతాయి. ఉద్యోగ ప్రయత్నాల్లో ఆశించిన శుభవార్తలు వింటారు. విద్యార్థులు విజయాలు సాధిస్తారు. ప్రేమ వ్యవహారాల్లో దూసుకుపోతారు.
వృశ్చికం (విశాఖ 4, అనూరాధ, జ్యేష్ట): వృత్తి, ఉద్యోగాల్లో అధికారులకు మీ మీద నమ్మకం పెరిగి ప్రత్యేక బాధ్యతలు అప్పగిస్తారు. వృత్తి, వ్యాపారాల్లో రాబడి కొద్దిగా పెరుగుతుంది. ఇంటా బయటా బాగా ప్రాధాన్యం పెరుగుతుంది. ఆశించిన స్థాయిలో ఆదాయం వృద్ధి చెందుతుంది. ప్రస్తుతానికి ఎవరికీ వాగ్దానాలు చేయడం, హామీలు ఉండడం మంచిది కాదు. ఇతరుల విషయాల్లో జోక్యం చేసుకోవద్దు. ఆరోగ్యానికి లోటు ఉండదు. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాలు హ్యాపీగా సాగిపోతాయి.
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగంలో పదోన్నతితో లభించడంతో పాటు, జీతభత్యాలు కూడా పెరిగే సూచనలున్నాయి. వృత్తి, వ్యాపారాలు కొద్దిగా అభివృద్ధి చెందుతాయి. ఆర్థిక పరిస్థితి చాలావరకు మెరుగుపడుతుంది. ఆరోగ్యం సజావుగా సాగిపోతుంది. ఎటువంటి ప్రయత్నం తలపెట్టినా సఫలమవుతుంది. ముఖ్యంగా ఉద్యోగ, పెళ్లి ప్రయత్నాలకు సానుకూల స్పందన లభిస్తుంది. ఆశించిన శుభవార్తలు వింటారు. విద్యార్థులు తేలికగా ఉత్తీర్ణతలు సాధిస్తారు. ప్రేమ వ్యవహారాలు ఉత్సాహంగా సాగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఉద్యోగ జీవితం అనుకూలంగా సాగిపోతుంది. వృత్తి జీవితంలో డిమాండ్ పెరుగుతుంది. వ్యాపారాల్లో లాభాలు గడిస్తారు. అనుకున్న పనులు అనుకున్నట్టు పూర్తవుతాయి. ఆశించిన దాని కంటే ఆదాయం పెరుగుతుంది. ఆరోగ్యం బాగానే ఉంటుంది. కుటుంబ జీవితం సాఫీగా సాగిపోతుంది. జీవిత భాగస్వామితో అన్యోన్యత పెరుగుతుంది. నిరుద్యోగులకు విదేశాల నుంచి ఆశించిన శుభవార్త అందుతుంది. విద్యార్థులకు శ్రమ తప్పకపోవచ్చు. ప్రేమ జీవితం ఉత్సాహంగా సాగిపో తుంది.
కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగంలో పనిభారం కాస్తంత ఎక్కువగా ఉంటుంది. వృత్తి, వ్యాపారాల్లో శ్రమాధిక్యత ఉన్నా రాబడికి లోటుండదు. ఆదాయం నిలకడగా ఉంటుంది. ఆహార, విహారాల్లో జాగ్రత్తగా ఉండాలి. ప్రయాణాల వల్ల లాభాలు కలుగుతాయి. పెళ్లి ప్రయత్నాల్లో బంధువుల నుంచి శుభ వార్తలు వింటారు. ఉద్యోగ ప్రయత్నాలు సానుకూలపడతాయి. అనవసర ఖర్చులు తగ్గించుకోవడం చాలా మంచిది. కొద్ది శ్రమతో ముఖ్యమైన వ్యవహారాలు పూర్తి చేస్తారు. ఇతరుల విషయాల్లో తలదూర్చవద్దు. విద్యార్థులు తేలికగా విజయాలు సాధిస్తారు. ప్రేమ వ్యవహారాలు బాగా ఉత్సాహంగా సాగిపోతాయి.
మీనం (పూర్వాభాద్ర 4, ఉత్తరాభాద్ర, రేవతి): వృత్తి, వ్యాపారాల్లో డిమాండ్ బాగా పెరుగుతుంది. ఉద్యోగంలో బరువు బాధ్యతలు కూడా కాస్తంత ఎక్కువగానే ఉంటాయి. నిరుద్యోగులకు దూర ప్రాంతం నుంచి ఆఫర్ అందుతుంది. ఆర్థికంగా ఎవరికీ వాగ్దానాలు చేయవద్దు. ప్రముఖులతో సాన్నిహిత్యం పెరుగుతుంది. కుటుంబంలో శుభ పరిణామాలు చోటు చేసుకుంటాయి. ఆధ్యాత్మిక చింతన పెరిగి దైవ కార్యాల్లో పాల్గొంటారు. ఆరోగ్యం మీద శ్రద్ధ పెట్టాలి. విద్యార్థులకు శ్రమ తప్పదు. ప్రేమ వ్యవహారాల్లో అపార్థాలు తలెత్తుతాయి.
