Horoscope Today: ఆ రాశుల వారికి ఆదాయానికి లోటుండదు.. 12 రాశుల వారికి రాశిఫలాలు
Today Horoscope (July 19, 2025): మేష రాశి వారు ఒకటి రెండు ఆర్థిక అవసరాల నుంచి, ఆర్థిక సమస్యల నుంచి బయటపడతారు. అనుకున్న పనులు అనుకున్నట్టు పూర్తవుతాయి. వృషభ రాశి వారి ఆదాయానికి ఇబ్బందేమీ ఉండకపోవచ్చు. రావలసిన సొమ్ము సకాలంలో చేతికి అందుతుంది. మిథున రాశి వారికి అనేక వైపుల నుంచి ఆదాయం వృద్ధి చెందే అవకాశం ఉంది. వృత్తి, వ్యాపారాల్లో లాభాలు బాగానే పెరుగుతాయి. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Jul 19, 2025 | 5:31 AM
దిన ఫలాలు (జూలై 19, 2025): మేష రాశి వారు ఒకటి రెండు ఆర్థిక అవసరాల నుంచి, ఆర్థిక సమస్యల నుంచి బయటపడే అవకాశముంది. వృషభ రాశి వారి ఆదాయానికి ఇబ్బందేమీ ఉండకపోవచ్చు. మిథున రాశి వారికి అనేక వైపుల నుంచి ఆదాయం వృద్ధి చెందే అవకాశం ఉంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
ఆదాయం బాగానే వృద్ధి చెందుతుంది. ఒకటి రెండు ఆర్థిక అవసరాల నుంచి, ఆర్థిక సమస్యల నుంచి బయటపడతారు. అనుకున్న పనులు అనుకున్నట్టు పూర్తవుతాయి. మీ ప్రయత్నాలు ఆశించిన ఫలితాలనిస్తాయి. వృత్తి, ఉద్యోగాల్లో మీ మాటకు విలువ పెరుగుతుంది. వ్యాపారాల్లో కొన్ని కీలకమైన సమస్యలు, ఒత్తిళ్ల నుంచి విముక్తి లభిస్తుంది. ఆర్థిక లావాదేవీలు ఆశాజనకంగా సాగుతాయి. నిరుద్యోగులు మంచి ఆఫర్లు అందుతాయి. కుటుంబ జీవితం హ్యాపీగా, సాగిపోతుంది.
వృషభం (కృత్తిక 2,3,4, రోహిణి, మృగశిర 1,2)
ఆదాయానికి ఇబ్బందేమీ ఉండకపోవచ్చు. రావలసిన సొమ్ము సకాలంలో చేతికి అందుతుంది. ఆర్థిక విషయాల్లో ఎవరికీ మాట ఇవ్వకపోవడం మంచిది. ఇంటా బయటా పనిభారం, ఒత్తిడి కాస్తంత ఎక్కువగా ఉంటాయి. ముఖ్యమైన వ్యవహారాలు సజావుగా పూర్తవుతాయి. ఆస్తి వివాదాల్లో ఆచితూచి వ్యవహరించడం మంచిది. అదనపు ఆదాయ మార్గాలు ఆశించిన ఫలితాలనిస్తాయి. వృత్తి, ఉద్యోగాల్లో అధికారుల నమ్మకాన్ని చూరగొంటారు. వ్యాపారాలు నిలకడగా సాగిపోతాయి.
మిథునం (మృగశిర 3,4, ఆర్ద్ర, పునర్వసు 1,2,3)
చిన్నపాటి మదుపులు చేయడానికి, పెట్టుబడులు పెట్టడానికి సమయం బాగా అనుకూలంగా ఉంది. అనేక వైపుల నుంచి ఆదాయం వృద్ధి చెందే అవకాశం ఉంది. వృత్తి, వ్యాపారాల్లో లాభాలు బాగానే పెరుగుతాయి. ఉద్యోగంలో అధికారులు మీ మీద బాగా ఆధారపడే అవకాశం ఉంది. ఆర్థిక వ్యవహారాలు, ఆస్తి వివాదాల్లో కాస్తంత జాగ్రత్తగా ఉండడం మంచిది. తలపెట్టిన పనులు నిదానంగా పూర్తవుతాయి. నిరుద్యోగులకు ఒకటి రెండు ఆఫర్లు అందుతాయి. ఆరోగ్యం బాగానే ఉంటుంది.
కర్కాటకం (పునర్వసు 4, పుష్యమి, ఆశ్లేష)
ఆర్థిక విషయాల్లో ఎంత జాగ్రత్తగా ఉంటే అంత మంచిది. ఆర్థిక లావాదేవీల్లో నష్టపోయే అవకాశం ఉంది. వృత్తి, ఉద్యోగాలు సాఫీగా, సానుకూలంగా సాగిపోతాయి. పని భారం ఎక్కువగానే ఉన్నా ప్రతిఫలం ఉంటుంది. వ్యాపారాలు నిలకడగా ముందుకు సాగుతాయి. కుటుంబ బాధ్యతల్ని ఉత్సాహంగా పూర్తి చేస్తారు. ఆర్థిక ప్రయత్నాలు కలిసి వస్తాయి. ఆహార, విహారాల్లో జాగ్రత్తగా ఉండడం మంచిది. ఇతరులకు మేలు జరిగే పనులు చేస్తారు. దాంపత్య జీవితంలో అన్యోన్యత పెరుగుతుంది.
సింహం (మఖ, పుబ్బ, ఉత్తర 1)
ఆర్థిక వ్యవహారాలు, ఆర్థిక లావాదేవీలు సవ్యంగా సాగిపోతాయి. షేర్లు, స్పెక్యులేషన్ల వల్ల ఆశించిన లాభాలు కలుగుతాయి. ఆదాయానికి, ఆరోగ్యానికి లోటుండదు. ఉద్యోగంలో పనిభారం పెరుగుతుంది. వృత్తి, వ్యాపారాలు కొద్ది లాభాలతో పురోగమిస్తాయి. డాక్టర్లు, లాయర్ల వంటి వృత్తుల వారికి ఏ మాత్రం తీరిక లేని పరిస్థితి ఏర్పడుతుంది. ఉద్యోగంలో కాస్తంత ఒత్తిడి ఉండే అవకాశం ఉంది. తలపెట్టిన పనుల్ని సకాలంలో పూర్తి చేస్తారు. నిరుద్యోగులకు ఉద్యోగ యోగం పడుతుంది.
కన్య (ఉత్తర 2,3,4, హస్త, చిత్త 1,2)
షేర్లు, స్పెక్యులేషన్లతో సహా అనేక మార్గాల్లో ఆదాయం కలిసి వచ్చే అవకాశం ఉంది. ఖర్చుల్ని తగ్గించుకుని పొదుపు పాటించడం మంచిది. ఉద్యోగ జీవితం సాఫీగా, హ్యాపీగా సాగిపోతుంది. వృత్తి, వ్యాపారాల్లో ఆశించిన లాభాలు కనిపిస్తాయి. డాక్టర్లు, లాయర్లు తదితర వృత్తులవారికి డిమాండ్ పెరుగుతుంది. పెళ్లి ప్రయత్నాల్లో అనుకోకుండా ఒక శుభవార్త వింటారు. నిరుద్యోగులకు సొంత ఊర్లో ఉద్యోగం లభించే అవకాశం ఉంది. ఆరోగ్యం బాగానే ఉంటుంది. ఎవరినీ గుడ్డిగా నమ్మ వద్దు.
తుల (చిత్త 3,4, స్వాతి, విశాఖ 1,2,3)
సొంత పనుల మీద శ్రద్ధ పెట్టడం మంచిది. ఆర్థిక విషయాల్లో వీలైనంత జాగ్రత్తగా ఉండాల్సిన అవసరం ఉంది. వృత్తి, ఉద్యోగాల్లో పదోన్నతులతో పాటు ధన లాభాలు కలుగుతాయి. అను కున్న పనులు అనుకున్నట్టు పూర్తవుతాయి. వ్యాపారాలు మూడు పువ్వులు ఆరు కాయలుగా సాగిపోతాయి. ఆదాయానికి ఏమాత్రం లోటుండదు కానీ, వృథా ఖర్చులు బాగా పెరుగుతాయి. ప్రయాణాల వల్ల ఆశించిన ప్రయోజనాలుంటాయి. వ్యక్తిగత సమస్య ఒకటి పరిష్కారం అవుతుంది.
వృశ్చికం (విశాఖ 4, అనూరాధ, జ్యేష్ట)
ఆదాయం కొద్దిగా పెరుగుతుంది. ఒకటి రెండు ఆర్థిక సమస్యల నుంచి విముక్తి లభిస్తుంది. ఆర్థిక పరిస్థితి చాలావరకు మెరుగుపడుతుంది. ఎటువంటి ప్రయత్నం చేపట్టినా సఫలమవుతుంది. గృహ, వాహన ప్రయత్నాల మీద దృష్టి పెడతారు. వృత్తి, ఉద్యోగాల్లో అధికారులతో అనుకూలతలు పెరుగుతాయి. వ్యాపారాల్లో పోటీదార్లతో జాగ్రత్తగా ఉండాలి. ఆదాయ మార్గాలు అనుకూలంగా ఉంటాయి. నిరుద్యోగులకు అవకాశాలు లభిస్తాయి. పిల్లల నుంచి ఆశించిన శుభవార్తలువింటారు.
ధనుస్సు (మూల, పూర్వాషాఢ, ఉత్తరాషాడ 1)
అనేక విధాలుగా కష్టార్జితం పెరిగే అవకాశం ఉంది కానీ, ఖర్చులు తగ్గించుకోవడం మంచిది. ఉద్యోగంలో మాటకు, చేతకు విలువ పెరుగుతుంది. పదోన్నతికి, వేతనాల పెరుగుదలకు సంబంధించి ఆశించిన శుభవార్తలు వింటారు. వృత్తి, వ్యాపారాలు సంతృప్తికరంగా సాగిపోతాయి. రావలసిన సొమ్ము సకాలంలో చేతికి అందుతుంది. కుటుంబంలో ఒకటి రెండు శుభ పరిణామాలు చోటు చేసుకుంటాయి. దైవ కార్యాలకు హాజరవుతారు. కుటుంబపరంగా బాగా ఒత్తిడి ఉండే అవకాశం ఉంది.
మకరం (ఉత్తరాషాఢ 2,3,4, శ్రవణం, ధనిష్ట 1,2)
అదనపు ఆదాయం బాగా పెరుగుతుంది. షేర్లు, స్పెక్యులేషన్లు, ఆర్థిక లావాదేవీలు బాగా లాభిస్తాయి. ఆర్థికంగా ముఖ్యమైన అవసరాలు తీరిపోవడంతో పాటు ఆర్థిక సమస్యలు కొద్దిగా పరిష్కా రం అవుతాయి. ఒకరిద్దరు బంధువులకు ఆర్థికంగా సహాయం చేస్తారు. ఉద్యోగ జీవితం హ్యాపీగా, సాఫీగా సాగిపోతుంది. వృత్తి జీవితంలో తీరిక ఉండని పరిస్థితి ఏర్పడుతుంది. వ్యాపారాలు లాభ దాయకంగా ముందుకు సాగుతాయి. ఒక వ్యక్తిగత సమస్యకు ఊహించని పరిష్కారం లభిస్తుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఆర్థిక వ్యవహారాల్లో ఎంత జాగ్రత్తగా ఉంటే అంత మంచిది. ఎవరికీ ఎటువంటి వాగ్దానాలూ చేయక పోవడం మంచిది. ఆదాయ వృద్ధికి సమయం బాగా అనుకూలంగా ఉంది. పెండింగులో ఉన్న కొన్ని ముఖ్యమైన పనులను పట్టుదలగా పూర్తి చేస్తారు. ఆస్తి వ్యవహారాలను చక్కబెడతారు. ఇంటా బయటా బాగా ఒత్తిడి ఉంటుంది. అదనపు ఆదాయ ప్రయత్నాలు విజయవంతంగా కొనసాగుతాయి. వృత్తి, ఉద్యోగాలు సానుకూలంగా సాగిపోతాయి. వ్యాపారాల్లో లాభాలు కొద్దిగా పెరుగుతాయి.
మీనం (పూర్వాభాద్ర 4, ఉత్తరాభాద్ర, రేవతి)
ఆర్థిక పరిస్థితి నిలకడగా సాగిపోతుంది. రావలసిన డబ్బు చాలావరకు చేతికి అందుతుంది. ఆర్థిక విషయంలో ఎవరికీ మాట ఇవ్వకపోవడం మంచిది. ఆరోగ్యానికి, ఆదాయానికి లోటు ఉండదు. నిరుద్యోగులకు అనుకోకుండా మంచి ఆఫర్ అందుతుంది. అనారోగ్య సమస్యల నుంచి చాలా వరకు ఉపశమనం లభిస్తుంది. బంధుమిత్రులతో మాట తొందరపాటు రాకుండా చూసుకోవాలి. వృత్తి, ఉద్యోగాలు బాగా అనుకూలంగా ఉంటాయి. స్వయం ఉపాధి, వ్యాపారాలు బాగా కలిసి వస్తాయి.
