శ్రీవారి భక్తులకు బిగ్ అలర్ట్… రేపటి నుండి తిరుపతి ఆలయం మూసివేత.! దర్శనం మళ్ళీ ఎప్పుడంటే..
ఆదివారం ఊంజల్ సేవ, బ్రహ్మోత్సవం, సహస్రదీపాలంకార సేవలను రద్దు చేస్తున్నట్లు టీటీడీ తెలిపింది. అలాగే, ఆదివారం మధ్యాహ్నం 3 గంటల నుండి అన్నప్రసాద పంపిణీ కేంద్రాలు మూసివేయబడతాయి. సోమవారం ఉదయం 8.30 గంటల నుండి అన్నప్రసాద పంపిణీ తిరిగి ప్రారంభమవుతుంది. ఆ సమయంలో దర్శనానికి అనుమతి ఉండదని, భక్తులు ఈ విషయాన్ని గమనించగలరని టీటీడీ సూచించింది.
Updated on: Sep 06, 2025 | 8:37 AM
తిరుమల శ్రీవారి భక్తులకు ముఖ్యమైన సమాచారం. (రేపు) సెప్టెంబర్ 6 నుంచి 7 తేదీలలో శ్రీవారి ఆలయం మూసివేయబడుతుంది. భక్తులు ఈ విషయాన్ని గమనించగలరని తిరుమల తిరుపతి దేవస్థానం బోర్డు వివరాలు వెల్లడించింది. సెప్టెంబర్ 7న చంద్రగ్రహణం కారణంగా ఆదివారం మధ్యాహ్నం 3.30 గంటల నుండి సోమవారం తెల్లవారుజామున 3 గంటల వరకు శ్రీవారి ఆలయం 12 గంటల పాటు మూసివేయబడుతుంది. ఆదివారం రాత్రి 9.50 గంటల నుండి సోమవారం తెల్లవారుజామున 1.31 గంటల వరకు చంద్రగ్రహణం కొనసాగుతుంది. గ్రహణానికి 6 గంటల ముందు ఆలయ తలుపులు మూసివేయబడతాయి.
సోమవారం తెల్లవారుజామున 3 గంటలకు సుప్రభాతంతో ఆలయాన్ని తెరిచి శుద్ధి చేస్తారు. ఆ తర్వాత పుణ్యాహవచనం నిర్వహిస్తారు. తోమల సేవ, అర్చన వంటి కార్యక్రమాలు ప్రైవేట్గా నిర్వహించబడతాయని ఆలయ అధికారులు వివరించారు. ఆ సమయంలో దర్శనానికి అనుమతి ఉండదని, భక్తులు ఈ విషయాన్ని గమనించగలరని సూచించింది.
సోమవారం ఉదయం 6 గంటల నుంచే భక్తులను దర్శనానికి అనుమతిస్తారు. చంద్రగ్రహణం కారణంగా ఆదివారం ఊంజల్ సేవ, బ్రహ్మోత్సవం, సహస్రదీపాలంకార సేవలను రద్దు చేస్తున్నట్లు టీటీడీ తెలిపింది. అలాగే, ఆదివారం మధ్యాహ్నం 3 గంటల నుండి అన్నప్రసాద పంపిణీ కేంద్రాలు మూసివేయబడతాయి. సోమవారం ఉదయం 8.30 గంటల నుండి అన్నప్రసాద పంపిణీ తిరిగి ప్రారంభమవుతుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
