AP CRIME: ఉపాధ్యాయుడి కీచక పర్వం.. విద్యార్థినులకు అశ్లీల చిత్రాలు చూపిస్తూ.. ఎవరికీ చెప్పొద్దంటూ
విద్యార్థులకు మంచి బుద్ధులు నేర్పి, వారి అభివృద్ధికి బాటలు వేయాల్సిన ఉపాధ్యాయుడు దారి తప్పాడు. పాఠాలు బోధించి, అందులోని నీతిని వివరించి చెప్పాల్సిన గురువు గాడి తప్పాడు...
Updated on: Feb 24, 2022 | 6:49 PM
విద్యార్థులకు మంచి బుద్ధులు నేర్పి, వారి అభివృద్ధికి బాటలు వేయాల్సిన ఉపాధ్యాయుడు దారి తప్పాడు. పాఠాలు బోధించి, అందులోని నీతిని వివరించి చెప్పాల్సిన గురువు గాడి తప్పాడు. విద్యార్థినులతో అసభ్యంగా ప్రవర్తించాడు. వారికి అశ్లీల చిత్రాలు చూపిస్తూ వేధించాడు. భయానికి గురైన విద్యార్థినులు(Students) వారి తల్లిదండ్రులకు విషయం చెప్పారు. కోపంతో ఊగిపోయిన వారు.. ఉపాధ్యాయుడిని గదిలో బంధించారు. అనంతరం పోలీసులకు అప్పగించారు. శ్రీకాకుళం(Srikakulam) జిల్లా పాలకొండ మండలంలోని నవగాం గ్రామంలోని జిల్లా పరిషత్ ఉన్నత పాఠశాలలో గొర్లె భానోజీ రావు ఉపాధ్యాయుడిగా పని చేస్తున్నాడు. విద్యార్థినులకు అశ్లీల చిత్రాలు చూపిస్తూ వారిని వేధిస్తున్నాడు. విషయం ఎవరికీ చెప్పొద్దని బెదిరించాడు.
అతని వేధింపులు తాళలేక విద్యార్థినులు ఈ విషయాన్ని వారి తల్లిదండ్రులకు చెప్పడంతో అసలు విషయం వెలుగులోకి వచ్చింది. ఉపాధ్యాయుడి నిర్వాకంపై గ్రామ సర్పంచ్ కు తల్లిదండ్రులు విన్నవించుకున్నారు. ఉపాధ్యాయుడుని అదుపులోకి తీసుకుని, గదిలో నిర్బంధించారు. అనంతరం సర్పంచ్.. పోలీసులకు సమాచారం అందించారు. ఉపాధ్యాయుడుని అదుపులోకి తీసుకున్న పాలకొండ పోలీసులు.. పోలీస్ స్టేషన్ కు తరలించి దర్యాప్తు చేపట్టారు.
Also Read
Bheemla Nayak: పవర్ స్టార్ సినిమాపై ఏపీ ప్రభుత్వం ఆంక్షలు.. వాటికి అనుమతి లేదంటూ ఆదేశాలు..
Medaram Jathara 2022: మేడారం హుండిల తొలిరోజు కౌంటింగ్ పూర్తి.. జస్ట్ 65 హుండీల ఆదాయం ఎంతంటే..!
