Narayana Arrest : మాజీ మంత్రి నారాయణ అరెస్ట్‌కు పోలీస్‌ల పక్కా స్కెచ్.. అన్ని ఆధారాలు సేకరించాకే..!

Narayana Arrest : మాజీ మంత్రి నారాయణ అరెస్ట్‌కు పోలీస్‌ల పక్కా స్కెచ్.. అన్ని ఆధారాలు సేకరించాకే..!
Narayana Arrest

Narayana Arrest - Paper Leakage: మాజీ మంత్రి నారాయణ అరెస్ట్‌కు పోలీస్‌ల స్కెచ్‌ వర్కౌట్‌ అయింది. SSC పరీక్షల మాల్‌ ప్రాక్టీస్‌, కాపీయింగ్‌పై పక్కా ఆధారాలు..

Shiva Prajapati

|

May 11, 2022 | 6:09 AM

Narayana Arrest – Paper Leakage: మాజీ మంత్రి నారాయణ అరెస్ట్‌కు పోలీస్‌ల స్కెచ్‌ వర్కౌట్‌ అయింది. SSC పరీక్షల మాల్‌ ప్రాక్టీస్‌, కాపీయింగ్‌పై పక్కా ఆధారాలు సేకరించిన చిత్తూరు జిల్లా పోలీసులు.. ఏ మాత్రం ఛాన్స్‌ ఇవ్వకుండా వల వేసి పట్టేశారు. లేకపోతే ఫారన్‌కు చెక్కేసే వారేనంటన్నారు పోలీసులు. ఇంతకు పోలీసులు దగ్గర ఉన్న ఆధారాలేంటి? ఎలాంటి అభియోగాలు మోపారు అనేది ఇప్పుడు తెలుసుకుందాం..

ఫైనల్‌గా కార్పొరేట్‌ స్కూళ్లలో జోరుగా మాస్‌ కాపీయింగ్‌ జరుగుతోందని తేల్చారు అధికారులు. ఇదంతా నారాయణ స్కూల్స్‌ కేంద్రంగానే సాగిందని నిర్ధారించారు. చిత్తూరులోని నారాయణ స్కూల్‌ ప్రిన్సిపల్‌ గిరిధర్‌ ఇచ్చిన చిన్న క్లూతోనే ఈ బండారం మొత్తం బయట పెట్టారు. మాల్‌ ప్రాక్టీస్‌కు సంబంధించి గిరిధర్‌రెడ్డి ఇచ్చిన ఇన్ఫర్మేషన్‌ ఆధారంగానే నారాయణను అరెస్ట్‌ చేసినట్లు తెలిపారు పోలీసులు. ఇంటరాగేషన్‌లో పేపర్ల లీకేజీ అసలు గుట్టును బయటపెట్టాడు గిరిధర్‌. ర్యాంకులు, ఎక్కువ అడ్మిషన్స్‌ కోసమే కొన్నేళ్లుగా మాల్‌ ప్రాక్టీస్‌ చేస్తున్నట్టు పోలీసుల విచారణలో వెల్లడించాడు. నారాయణ విద్యాసంస్థల్లోని స్టూడెంట్స్‌.. తెలుగు, హిందీ, సోషల్‌ స్టడీస్‌లో స్టూడెంట్స్‌ వీక్‌గా ఉంటారట. అందుకోసమే.. లాంగ్వేజ్‌ పేపర్ల లీకేజీకి పాల్పడినట్టు ఇంటరాగేషన్‌లో ఒప్పుకున్నారు గిరిధర్‌. ముందుగానే ఇన్విజిలేటర్స్‌తో డీల్ మాట్లాడుకుని, నారాయణ విద్యాసంస్థలు మాల్‌ ప్రాక్టీస్‌కు పాల్పడుతున్నాయన్నారు చిత్తూరు ఎస్పీ రిశాంత్‌రెడ్డి. ఇది, ఎప్పట్నుంచో జరుగుతోందన్నారు.

ఇవి కూడా చదవండి

ఇన్విజిలేటర్స్‌ ద్వారానే నారాయణ విద్యార్ధులకు సమాధానాలు చెరవేస్తారన్న గుట్టు మొత్తం విచారణలో బయట పడింది. వాటర్ బాయ్స్‌, అటెండర్స్‌ ద్వారా ఆన్సర్స్‌ పంపిస్తారట. ఈ మొత్తం వ్యవహారమంతా కూడా నారాయణ ఆదేశాల మేరకే చేస్తారని ఎస్పీ వెల్లడించారు. ముందుగానే సెంటర్స్‌, విద్యార్థుల వివరాలు కూడా సేకరిస్తారని ఎస్పీ రిశాంత్‌రెడ్డి తెలిపారు. ఈ కేసులో కీలక నిందితుడిగా నారాయణను చేర్చిన పోలీసులు.. 408, 409 సెక్షన్ల కింద కేసులు నమోదు చేశారు. 409 సెక్షన్‌ కింద కనీసం 10ఏళ్ల జైలు శిక్ష పడుతుందని తెలిపారు ఎస్పీ రిశాంత్‌రెడ్డి.

Follow us on

Related Stories

Most Read Stories

Click on your DTH Provider to Add TV9 Telugu