Breaking News
  • కరోనా నియంత్రణ చర్యల్లో భాగంగా ప్రధాని నరేంద్ర మోదీని డబ్ల్యూహెచ్‌ఓ ప్రశంసించింది. కరోనాపై పోరాటంలో ప్రపంచదేశాలన్నీ కూడా భారత్‌ను ఆదర్శంగా తీసుకోవాలని సూచించింది. భారత్‌లో కరోనా రికవరీ రేటు బాగుందని.. మోదీ సర్కార్ తీసుకుంటున్న చర్యలు సత్ఫలితాలను ఇస్తున్నాయని తెలిపింది.
  • హేమంత్ హత్య కేసులో మరో ట్విస్ట్ . హేమంత్ కేసులో మరో ఇద్దరు ప్రమేయం ఉన్నట్లు ఆరోపిస్తున్న అవంతి. సందీప్ రెడ్డి గూడూరు, ఆశిష్ రెడ్డి ప్రమేయం కూడా ఉందంటున్న అవంతి . గతంలో హేమంత్ తండ్రితో బెదిరింపులకు దిగిన సందీప్ రెడ్డి . నాతో రెండు లక్షలు డబ్బులు తీసుకున్నాడు అంటూ నెల రోజులు క్రితం బెదిరింపులు . హేమంత్ కిడ్నాప్ అయిన రోజు సందీప్ రెడ్డి ని అదుపులోకి తీసుకున్న గచ్చి బౌలి పోలీసులు . సందీప్ రెడ్డి నుండి నాకు ప్రాణ హాని ఉందంటున్న అవంతి.
  • చెన్నై : ఎస్పీబీ మెమోరియల్ ఫై స్పందించిన ఎస్పీ చరణ్ . నాన్నగారి అభిమానులకోసం అయన స్మారకమందిరాన్ని తప్పకుండ నిర్మిస్తాము . అయన ఎంతో ఇష్టపడే అయన ఫార్మ్ హౌస్లోనే మా సొంత ఖర్చులతో నిర్మిస్తాము . తెలుగు, తమిళ భాషలతో పాటు దేశ వ్యాప్తంగా ఉన్న నాన్నగారి అభిమానులు ఆయన్ని స్మరించుకునేలా , ప్రజలు అందరూ వచ్చి సందర్శించేలా ఏర్పాటు చేస్తాము .
  • తండ్రిని చంపి పాతిపెట్టిన కొడుకు సహకరించిన తల్లి. కన్నకొడుకే తండ్రిని కిరాతకంగా అంతమొందించిన ఘటన . చేవెళ్ల‌ గుండాల గ్రామంలో ఘటన .   నెలరోజులుగా తండ్రి కనిపించకపోవడంతో బంధువులు కొడుకుని గట్టిగా నిలదీయడంగ అసలు విషయం బట్టబయలు . నెల రోజులుగా కనిపించకుండా పోయిన కిష్టయ్య. తల్లితో కలసి తండ్రిని చంపేశానని ,తమ పొలంలోనే పాతిపెట్టినట్లు అంగీకరించిన కొడుకు . మృతదేహం బయటికి తీసి పోస్ట్ మార్టం నిమిత్తం ప్రభుత్వ ఆస్పత్రికి తరలించిన పోలీసులు.
  • వివాదాస్పద 3 రైతు బిల్లలకు రాష్ట్రపతి ఆమోదముద్ర. గెజిట్ నోటిఫికేషన్ విడుదల. నేటి నుంచి చట్టరూపం సంతరించుకున్న బిల్లులు.
  • తూర్పు బీహార్‌ పరిసర ప్రాంతాల్లో కొనసాగుతున్న అల్పపీడనం. ఈశాన్య జార్ఖండ్‌, ఒడిశా మీదుగా మరో ఉపరితల ద్రోణి. అక్కడక్కడా ఉరుములు, మెరుపులతో కూడిన వర్షాలు. పలు చోట్ల భారీ నుంచి అతిభారీ వర్షాలు. నేడు, రేపు ఒకట్రెండు చోట్ల భారీ వర్షాలు-వాతావరణశాఖ.
  • నిజామాబాద్ జిల్లాలో తీవ్ర విషాదం నెలకొంది. అప్పటి వరకు కళ్ల ముందు ఆడుకుంటున్న చిన్నారి క్షణాల్లో విగతజీవిగా మారింది. యువకుడి నిర్లక్ష్యానికి నిండు ప్రాణం బలైంది. చిన్నారి మృతితో కుటుంబ సభ్యులు కన్నీరుమున్నీరవుతున్నారు. నిజామాబాద్ నగరంలోని కంఠేశ్వర్ ప్రాంతంలోని శివం అపార్ట్‌మెంట్‌లో ఈ విషాద ఘటన చోటుచేసుకుంది

“మండే” టెన్షన్..మండలి రద్దు షురూనా..!

AP government to scrap Legislative Council, “మండే” టెన్షన్..మండలి రద్దు షురూనా..!

ఏపీ రాజకీయాల్లో సోమవారం కీలక పరిణామం చోటు చేసుకోనుంది. శాసనమండలి రద్దు వార్తల నేపథ్యంలో రేపటి కేబినెట్‌ భేటి ప్రాధాన్యత సంతరించుకుంది. అసలు ప్రభుత్వ వ్యూహమేంటి ? మండే మండలికి ఎండ్‌ కార్డ్‌ వేసేందుకే సిద్ధమైందా ? అదే జరిగితే ప్రభుత్వ ప్రయత్నాలను ప్రతిపక్ష టీడీపీ అడ్డుకోగలదా ? ఇలాంటి ఎన్నో ప్రశ్నలు ఉత్కంఠను పెంచుతున్నాయి.

ఏపీలో ఇప్పుడున్న రాజకీయ పరిస్థితి చూస్తుంటే శాసన మండలి రద్దుకు కౌంట్‌డౌన్ మొదలయినట్లే కనబడతోంది. మండలి రద్దుకు సంబంధించి సీఎం జగన్‌ ఇప్పటికీ క్లారిటీ ఇచ్చారు. మండలితో దండగ ఖర్చుతో పాటు అభివృద్ధిని అడ్డుకుంటోందని చెప్పకనే చెప్పారు. ఒకవేళ మండలి రద్దు చేయాలని ప్రభుత్వం ఫిక్సైతే..ఎలాంటి వ్యూహంతో ముందుకెళ్తుందన్నది ఆసక్తికరంగా మారింది. మొదట కేబినెట్‌ భేటిలో శాసనమండలి రద్దుపై ఓ నిర్ణయం తీసుకోనున్నారు. ఉదయం 9.30కి ఏపీ కేబినెట్ భేటీ జరగనుంది. అసెంబ్లీ సమావేశంలోనూ ఇదే అంశంపై హాట్‌ డిబేట్‌ జరగనుంది. సభలో రద్దు తీర్మానం ప్రవేశపెడితే దానిపై వాడీవేడీ చర్చ జరిగే అవకాశముంది. రద్దు నిర్ణయంపై ఓటింగ్ జరిగితే… ఆటోమేటిక్‌గా ప్రభుత్వానిదే మెజార్టీ కాబట్టి… రద్దు నిర్ణయానికి అసెంబ్లీలో ఆమోదం లభిస్తుంది. అనంతరం ఆ తీర్మాన బిల్లును కేంద్రానికి పంపనున్నారు. అందుకే కేబినెట్‌ భేటీ కీలకం కాబోతోంది.

ప్రధాన ప్రతిపక్షం టీడీపీ కూడా వ్యూహాత్మకంగానే వ్యవహరిస్తోంది. అసెంబ్లీకి హాజరయ్యే అంశంపై కీలక నిర్ణయం తీసుకుంది. చంద్రబాబు అధ్యక్షతన జరిగిన టీడీఎల్పీ సమావేశంలో తాజా రాజకీయ పరిణామాలపై చర్చించారు. మండలిలో జరిగిన పరిణామాలపై అసెంబ్లీలో చర్చ చేపట్టడం రాజ్యాంగ విరుద్ధమని టీడీపీ నేతలు అభిప్రాయపడ్డారు. అందుకే అసెంబ్లీ సమావేశానికి హాజరు కాకూడదని నిర్ణయం తీసుకున్నారు.

మరోవైపు మండలి చైర్మన్‌ సెలెక్ట్‌ కమిటీకి పేర్లు ఇవ్వాలని అన్నీ పార్టీలకు లేఖ రాశారు. 9 మందితో సెలక్ట్‌ కమిటీ ఏర్పాటుకు నిర్ణయం తీసుకున్నారు. రెండు బిల్లులకు రెండు సెలెక్ట్‌ కమిటీలను ఏర్పాటు చేశారు. కమిటీ చైర్మన్‌గా సంబంధిత మంత్రులను నియమించారు. ప్రస్తుతం బిల్లు కౌన్సిల్‌ పరిధిలో ఉందని చైర్మన్‌ షరీఫ్‌ తెలిపారు. తాను నిబంధనలకు విరుద్ధంగా ఎక్కడా వ్యవహరించలేదని స్పష్టం చేశారు. మండలి రద్దు వార్తల నేపథ్యంలో అసెంబ్లీలో అధికార ప్రతిపక్షాల మధ్య పెద్ద వార్‌ జరుగుతుందని అనుకుంటే…. అసలు సభకే వెళ్లకూడదని టీడీపీ నిర్ణయించడం షాక్‌కి గురి చేసింది. దీని వెనుక ఇంకేదైనా వ్యూహం ఉందా అన్న అనుమానాలు కలుగుతున్నాయి.

Related Tags