Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

Amit Shah class: కిషన్ రెడ్డికి మళ్ళీ అమిత్‌షా క్లాస్

కేంద్ర హోంశాఖా సహాయమంత్రి కిషన్ రెడ్డికి తన బాస్, హోం మంత్రి అమిత్ షా క్లాస్ తీసుకున్నారు. గతంలో ఓసారి తన నోటి దురుసుతో అమిత్ షా ఆగ్రహానికి గురైన కిషన్ రెడ్డి.. తాజాగా మరోసారి అదే పరిస్థితి ఎదురవడంతో షాక్ తిన్నట్లు తెలుస్తోంది.
amitshah class to kishanreddy, Amit Shah class: కిషన్ రెడ్డికి మళ్ళీ అమిత్‌షా క్లాస్

Amit shah once again takes class to Kishan reddy: తెలంగాణకు చెందిన ఏకైక కేంద్ర మంత్రి కిషన్ రెడ్డికి అమిత్ షా మరోసారి క్లాస్ తీసుకున్నట్లు విశ్వసనీయ సమాచారం. గతంలో హైదరాబాద్‌లో రోహింగ్యాలున్నారంటూ కామెంట్ చేసిన చివాట్లు తిన్న కిషన్ రెడ్డి తాజాగా మరోసారి తన వ్యాఖ్యలతో చివాట్లు తిన్నారని బీజేపీ వర్గాల్లో తెగ ప్రచారం జరుగుతోంది.

ఎన్నార్సీ అంశం జోరుగా ప్రచారంలో వున్న సందర్భంలో కిషన్ రెడ్డి ఎన్నార్సీని సమర్థిస్తూ మాట్లాడారు. మరో అడుగు ముందుకేసి.. హైదరాబాద్‌లో రోహింగ్యాలున్నారంటూ ఘాటైన కామెంట్ చేశారు. అప్పట్లో కిషన్ రెడ్డి వ్యాఖ్యలపై రాజకీయ ప్రత్యర్థులు విరుచుకుపడ్డారు. కిషన్ రెడ్డి వ్యాఖ్యలు జాతీయ స్థాయిలో వివాదాస్పదమవడంతో ఆయన్ను ఢిల్లీకి పిలిపించుకుని మరీ అమిత్ షా క్లాస్ పీకారంటూ వార్తలొచ్చాయి. దీన్ని ఆయన కూడా ఖండించలేదు.

తాజాగా కిషన్ రెడ్డి వ్యాఖ్యలు మరోసారి కలకలం రేపాయి. తెలంగాణ వాసులకు ఎర్ర బస్సే దిక్కంటూ కిషన్ రెడ్డి చేసిన కామెంట్లు తెలంగాణలో కలకలం కలిగించాయి. రాష్ట్రాన్ని, రాష్ట్ర ప్రజలను కిషన్ రెడ్డి కించపరిచారంటూ టీఆర్ఎస్, కాంగ్రెస్ పార్టీల నేతలు కిషన్ రెడ్డిపై విరుచుకుపడ్డారు. తన వ్యాఖ్యల వెనుక ఉద్దేశం ఏంటో చెప్పేందుకు కిషన్ రెడ్డి ప్రయత్నించినా పొలిటికల్ వార్ ఆగలేదు. ఈ నేపథ్యంలో ఢిల్లీ వెళ్ళిన కిషన్ రెడ్డికి అమిత్ షా మరోసారి క్లాస్ తసుకున్నారని పార్టీలో పెద్ద చర్చ జరుగుతోంది. మంత్రి హోదాలో ఏదైనా మాట్లాడేప్పుడు ఆచీతూచీ స్పందించాల్సిన అవసరం వుందని, పదాల ఎంపిక చాలా ముఖ్యమని అమిత్ షా చెప్పినట్లు తెలుస్తోంది.

Read this: Vidyasagar Rao comments irritated BJP presidents

Related Tags