Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

కేటీఆర్ ఫోటో షేర్ చేసిన సాహో ప్రభాస్..

Telangana Minister KTR Thanks To Actor Prabhas, కేటీఆర్ ఫోటో షేర్ చేసిన సాహో ప్రభాస్..

హైదరాబాద్‌లో వ్యాపిస్తున్న డెంగ్యూ జ్వరాలపై తెలంగాణ మంత్రి కేటీఆర్ స్పందించారు. పరిసరాలను శుభ్రంగా ఉంచుకోవాలని అధికారులకు సూచించారు. ఆయన చేసిన పనికి హీరో ప్రభాస్ ఫిదా అయ్యారు. కేటీఆర్ తన ఇంటి పరిసరాలను శుభ్రం చేస్తున్న ఫోటోలను ప్రభాస్ తన ఫేస్‌బుక్ ద్వారా పంచుకున్నారు. డెంగ్యూ, విషజ్వరాలు రాకుండా ఇంటి పరిసరాలను శుభ్రంగా ఉంచుకోవాలని అందరికీ చెప్పాలని ప్రభాస్ కోరారు.

హైదరాబాద్‌తో సహా చాలా ప్రాంతాల్లో డెంగ్యూ, వైరల్ ఫీవర్లతో ప్రజలు బాధపడుతున్నారు. నగరవ్యాప్తంగా ఎక్కడ చూసినా జ్వరాల కేసులే నమోదవుతున్నాయని తెలిపారు. జ్వరాలు వ్యాపించకుండా ప్రజలకు పరిసరాలపై శుభ్రతపై అవగాహన కల్పించాలని కేటీఆర్ అధికారులను ఆదేశించారు. అలాగే నీటి తొట్టెలు, పూల కుండీలు, ఎయిర్ కూలర్లలో నీరు నిల్వవుండకుండా చూడాలని అన్నారు. దోమలు వ్యాపించడానికి ఇవే కారణమని చెప్పారు. సీజనల్ వ్యాధులు వ్యాపించకుండా తీసుకోవలసిన జాగ్రత్తలపై ఆయన విస్తృత ప్రచారం నిర్వహించారు. తానే స్వయంగా ఇంటిని శుభ్రం చేసిన ఫోటోలను ట్విట్టర్ ద్వారా పంచుకున్నారు. అలాగే అందరూ ఇంటి పరిసరాలను క్లీన్ చేసి ఆ ఫోటోలను తనతో పంచుకోవాలని పిలుపునిచ్చారు. దీనిపై స్పందించిన హీరో ప్రభాస్.. మంత్రి కేటీఆర్‌ను మెచ్చుకున్నారు. అందుకు బదులుగా తన ఫోటోలను షేర్ చేసినందుకు.. ఈ వినూత్న కార్యక్రమంలో తనవంతు కృషి చేస్తున్నందుకు ప్రభాస్‌కు కేటీఆర్ థ్యాంక్స్ చెప్పారు.