High Speed Bullet Train: రయ్ రయ్‌మంటూ గంటకు 450 కిలోమీటర్ల దూసుకెళ్లే రైలు.. ఎక్కడంటే?
చైనా కొత్త ఆవిష్కరణలతో దూసుకుపోతుంది. తాజాగా మరో ఆవిష్కరణతో చైనా ప్రపంచం దృష్టిని ఆకర్షించింది. గంటకు 450 కిలోమీటర్ల దూసుకెళ్లే రైలును చైనా అందుబాటులొకి తీసుకొచ్చింది. ఈ రైలు బీజింగ్‌ నుంచి షాంఘైకి కేవలం 2.5 గంటల్లోనే ప్రయాణిస్తుందని చైనా రైల్వే శాఖ అధికారలు వెల్లడించారు.
CR450 EMU (ఎలక్ట్రిక్ మల్టిపుల్ యూనిట్లు) హై-స్పీడ్ రైలు నమూనాను చైనా ఇటీవల రూపొందించిన హై-స్పీడ్ బుల్లెట్ రైలు మోడల్ ఆదివారం బీజింగ్‌లో ప్రారంభమైంది. ఈ రైలు గంటకు 400 కిలోమీటర్ల వేగంతో వెళ్తుతుంది.
ఇది ప్రపంచంలోనే అత్యంత వేగవంతమైన హై-స్పీడ్ రైలుగా మారుతుందని ఆ దేశ రైల్వే ఆపరేటర్ తెలిపారు. ఈ రైలు ప్రయాణ సమయాన్ని మరింత తగ్గిడంతో పాటు కనెక్టివిటీని మెరుగుపరుస్తుంది.
ప్రయాణీకులకు ప్రయాణాన్ని మరింత సౌకర్యవంతంగా, సమర్థవంతంగా చేస్తుందని చైనా స్టేట్ రైల్వే గ్రూప్ కో (చైనా రైల్వే) ఆదివారం తెలిపింది. CR450 ప్రోటోటైప్ గంటకు 450 కిలోమీటర్ల పరీక్ష వేగాన్ని చేరుకుందన్నారు.
ఈ సందర్బంగా చైనా రైల్వే మాట్లాడుతూ.. ఈ రైలు చూడడానికి బుల్లెట్ షేపులో ఉంటుందని చెప్పారు. ఈ రైలు బీజింగ్‌ నుంచి షాంఘైకి కేవలం 2.5 గంటల్లోనే ప్రయాణిస్తుందని వారు వెల్లడించారు.
ఈ రైలు లేకముందు ఇదే ప్రయాణానికి 4 గంటల సమయం పట్టేది. ఈ ట్రైన్ బరువు 10 టన్నులు ఉంటుంది. ఇది ప్రస్తుతం ఉన్న సీఆర్‌400 మోడల్ కంటే కూడా 12 శాతం తక్కువ.
దీని సీఆర్‌400 మోడల్ కంటే విద్యుత్తు 20 శాతం తక్కువగానే వినియోగించుకుంటుంది. CR400 గరిష్టంగా గంటకు 350 కిలోమీటర్ల వేగం వెళ్తుతుంది. చైనా ప్రపంచంలోనే అత్యంత పొడవైన, అధునాతనమైన హై-స్పీడ్ రైలు నెట్‌వర్క్‌ను నిర్మించింది.