ఇది నిజమేనండోయ్..! ఒక్క విమానాశ్రయం కూడా లేని ప్రపంచంలోని 5 దేశాలు ఏవి?
ఈ దేశాలు పరిమాణంలో చాలా చిన్నవి. అయినా కూడా కష్టమైన భౌగోళిక స్థానాన్ని కలిగి ఉంటాయి. అక్కడ విమానాశ్రయాలను నిర్మించడంలో ఇదే ప్రధాన అడ్డంకిగా మారుతుంది. ఇప్పటికీ ఆయా దేశాల అందాలను, ప్రత్యేకతను చూసేందుకు సుదూర ప్రాంతాల నుంచి ప్రజలు వస్తుంటారు. కాబట్టి, ఆ దేశాలు, వాటి ప్రత్యేకత ఏమిటి.? విమానాశ్రయాలు లేకపోతే, ప్రజలు అక్కడికి ఎలా చేరుకుంటారు? విమానాశ్రయం జాడ కూడా లేని ఆ దేశాల గురించి తెలుసుకుందాం.
Vatican City: వాటికన్ సిటీ.. ప్రపంచంలోనే అతి చిన్న దేశమైన వాటికన్ సిటీలో విమానాశ్రయం లేదు. ఇక్కడ విమానాశ్రయం నిర్మించడానికి సరిపడ స్థలం లేదు. వాటికన్ సిటీని సందర్శించడానికి వచ్చే వ్యక్తులు రోమ్ (ఇటలీ) విమానాశ్రయాన్ని ఉపయోగిస్తారు. ఇది సమీప విమానాశ్రయం.
Liechtenstein: లీచ్టెన్‌స్టెయిన్ చాలా చిన్న దేశం. దీని వైశాల్యం కేవలం 75 కి.మీ. ఇక్కడ విమానాశ్రయం నిర్మించేందుకు స్థలం లేదు. ఇక్కడి ప్రజలు ఎక్కువగా స్విట్జర్లాండ్‌లోని జ్యూరిచ్ విమానాశ్రయం నుండి తమ ప్రయాణాన్ని ప్రారంభిస్తారు.
Andorra: అండోరా ప్రపంచంలోని 16వ అతి చిన్న దేశం, అన్ని వైపులా పర్వతాలతో చుట్టుముట్టబడి ఉంది. దీంతో ఇక్కడ విమానాశ్రయం నిర్మించడం సాధ్యం కాలేదు. అయితే, ఈ దేశంలో మూడు ప్రైవేట్ హెలిప్యాడ్‌లు ఉన్నాయి. ఇవి ప్రజల ప్రయాణానికి ఉపయోగపడతాయి.
Monaco: మొనాకో ఫ్రాన్స్, ఇటలీ మధ్య ఉన్న ప్రపంచంలో రెండవ అతి చిన్న దేశం. ఇక్కడ విమానాశ్రయం కూడా లేదు. మొనాకోను సందర్శించడానికి వచ్చే ప్రజలు ఫ్రాన్స్‌లోని సమీప విమానాశ్రయాన్ని ఉపయోగిస్తారు.
San Marino: శాన్ మారినో ఇది కూడా ఒక చిన్న, అందమైన దేశం. కానీ ఇప్పటి వరకు ఇక్కడ ఎలాంటి విమానాశ్రయాన్ని నిర్మించలేదు. ఇక్కడికి వచ్చే పర్యాటకులు ఇటలీ విమానాశ్రయం నుండి సహాయం తీసుకోవాలి. ఎందుకంటే ఇది సమీపంలోని విమానాశ్రయం.