uzbec sisters: నమ్మి దేశం దాటి వస్తే.. రెడ్ లైట్ ఏరియాకు అమ్మేయబోయాడు..వీడియో.

ఫేస్​బుక్​ ద్వారా పరిచయమైన ​ఓ యువకుడి మాటలు నమ్మి భారత్​కు వచ్చారు ఉజ్బెకిస్థాన్​కు చెందిన అక్కాచెల్లెళ్లు. వారిని వ్యభిచార గృహంలోకి దింపాలని ఆ యువకుడు ప్రయత్నిస్తుండగా.. బాధిత యువతులు బిహార్​ పోలీసులకు చిక్కారు. ప్రస్తుతం జైలులో ఉన్న వారి కోసం ఆ యువతుల అక్క.. 3,000 కిలోమీటర్లు ప్రయాణించి ఉజ్బెకిస్థాన్ నుంచి భారత్​కు వచ్చింది. ఎలాగైనా వారిని తన వెంట పంపించాలని అధికారులకు విజ్ఞప్తి చేస్తోంది. అధికారులు తెలిపిన వివరాల ప్రకారం.. ఫేస్​బుక్​ ద్వారా పరిచయమైన ఓ భారతీయ యువకుడి మాటలు నమ్మి.. ఉజ్బెకిస్థాన్​కు చెందిన ముగ్గురు అక్కాచెల్లెళ్లు భారత్​కు వచ్చారు. వీసా లేకుండా నేపాల్​ గుండా అక్రమంగా భారత్​లోకి ప్రవేశించారు. అనంతరం బిహార్​లో ఆ యువకుడిని కలుసుకున్నారు. ప్రణాళిక ప్రకారమే ఉజ్బెకిస్థాన్ యువతులను భారత్​కు రప్పించిన ఆ వ్యక్తి.. వారిని వ్యభిచారంలోకి దించాలని చూశాడు. కానీ 2022 అక్టోబర్ 27న ​సశస్త్ర సీమ బల్ పోలీసులకు ఆ ముగ్గురు యువతులు చిక్కారు. అక్రమంగా దేశంలోకి ప్రవేశించారని వారిపై బిహార్​ పోలీసులు కేసు నమోదు చేసి కోర్టులో హాజరపరిచారు. అనంతరం విచారణ చేపట్టిన అరారియా కోర్టు.. ఆ ముగ్గురు అక్కాచెల్లెళ్లను నిర్దోషులుగా ప్రకటించింది. వారిని ఉజ్బెకిస్థాన్ వెళ్లేందుకు ఏర్పాట్లు చేయాలని అధికారులను ఆదేశించింది. కానీ రెండు దేశాల మధ్య ఉన్న న్యాయపరమైన చిక్కులతో ఆ బాధిత యువతులు తమ దేశానికి వెళ్లలేకపోయారు. గత పది నెలలుగా వారు వైశాలిలోని ఇన్‌స్టిట్యూట్ ఆఫ్ కరెక్షనల్ అడ్మినిస్ట్రేషన్​లోనే కాలం వెల్లదీస్తున్నారు. కాగా యువతుల కోసం తీవ్రంగా వెతుకుతున్న వారి కుటుంబ సభ్యులకు.. ఆ ముగ్గురు భారత్​లో ఉన్నారనే సమాచారం అందింది. దీంతో తన చెల్లెళ్లను ఉజ్బెకిస్థాన్​ తీసుకువెళ్లేందుకు ఆ యువతుల అక్క భారత్​కు వచ్చింది. ఎలాగైనా చెల్లెళ్లను తనతో పంపించాలని ఆమె భారత ప్రభుత్వాన్ని వేడుకుంటోంది.

మరిన్ని వీడియోస్ కోసం:
Videos
Adipurush Fake News: ఆదిపురుష్‌ విషయంలో అది ఫేక్ న్యూస్‌.. క్లారిటీ ఇచ్చిన మేకర్స్..
Newly Couple: పెళ్లింట తీరని విషాదం.. ఫస్ట్ నైట్ రోజే.. ఆవిరైన ఆశలు.. వీడియో.

Prabhas – Kriti sanon: కృతి ఓర చూపులకి ప్రభాస్‌ పడిపోయేనా..? ఆ లుక్స్ ఎవరైనా పడిపోలసిందే..!