గంటలు తరబడి బురదలోనే 91 ఏళ్ల వృద్ధురాలు.. తలను పైకి ఉంచి ప్రాణాలతో బయటపడి
నేపాల్లో భారీ వరదల మధ్య 91 ఏళ్ల గుణ మాయ బోహరా అద్భుతంగా ప్రాణాలతో బయటపడ్డారు. నువాకోట్లోని వృద్ధాశ్రమాన్ని ఆకస్మిక వరదలు ముంచెత్తగా, ఏడుగురు వృద్ధులు ప్రాణాలు కోల్పోయారు. కాళ్ల సమస్యతో బాధపడుతున్న గుణ మాయ కిటికీ తెరిచి, మెడ వరకు బురదలో చిక్కుకున్నా ధైర్యం కోల్పోలేదు. దాదాపు రెండు నుంచి మూడు గంటలు తలను పైకి ఉంచుకుని ప్రాణాలు కాపాడుకున్నారు. చివరకు వాలంటీర్లు జేసీబీతో ఆమెను రక్షించారు.
నేపాల్ను అతలాకుతలం చేస్తున్న భారీ వరదలు జనజీవితాన్ని పూర్తిగా అస్తవ్యస్తం చేశాయి. ఇళ్లు నీట మునిగి, వేలాది మంది నిరాశ్రయులయ్యారు. ప్రాణాలను అరచేతిలో పెట్టుకుని ప్రజలు బిక్కుబిక్కుమంటూ గడుపుతున్నారు. ఈ విలయతాండవంలోనూ ఆశను వదలని ఓ 91 ఏళ్ల వృద్ధురాలు ఆశ్చర్యంగా ప్రాణాలతో బయటపడింది. నువాకోట్లోని దేవీఘాట్లో ఉన్న ‘సీనియర్ సిటిజన్స్ వెల్ఫేర్ ఫౌండేషన్’ వృద్ధాశ్రమాన్ని ఆకస్మిక వరదలు ముంచెత్తాయి. అల్పాహారం తీసుకుంటున్న సమయంలో ఒక్కసారిగా నీరు రావడంతో ఏడుగురు వృద్ధులు ప్రాణాలు కోల్పోయారు. కింది అంతస్తులోని గదిలో ఉన్న గుణ మాయ బోహరా అనే 91 ఏళ్ల వృద్ధురాలికి కాళ్ల సమస్య ఉన్నప్పటికీ ఆమె ధైర్యం కోల్పోలేదు. కిటికీ తెరిచి, మెడ వరకు బురదలో కూరుకుపోయి దాదాపు 2 నుంచి 3 గంటల పాటు తలను పైకి పెట్టి ప్రాణాలు కాపాడుకున్నారు. చివరికి వాలంటీర్లు ఆమెను జేసీబీ సహాయంతో సురక్షితంగా వెలికితీశారు. ప్రస్తుతం ఖాట్మండులోని తాత్కాలిక శిబిరంలో ఆమె కోలుకుంటున్నారు. ప్రకృతి సృష్టించిన ఈ బీభత్సంలో నేపాల్లో ఇప్పటివరకు 1,252 మంది మరణించగా, వేలాది మంది గల్లంతయ్యారు. సహాయక చర్యలు ముమ్మరంగా సాగుతున్నప్పటికీ, ప్రజల కష్టాలు వర్ణనాతీతంగా ఉన్నాయి. 91 ఏళ్ల వయసులోనూ చావుతో పోరాడి గుణ మాయ నిలిచిన తీరు.. మనిషి మొక్కవోని సంకల్ప బలానికి, జీవన పోరాటానికి గొప్ప ప్రతీకగా నిలిచింది.
మరిన్ని వీడియోల కోసం ఇక్కడ క్లిక్ చేయండి
Also Watch:
వారెవ్వా.. ఇకపై కరెంట్ బిల్లు, గ్యాస్ బిల్లు కూడా వాట్సప్లోనే
Bethlehem Kudumba Unit Review: కేరళలో హిట్టే.. మరి మన దగ్గర?
I’m Game Review: సగం గెలిచాడు.. సగంలో ఓడాడు..! హిట్టా..? ఫట్టా..?
Mirzapur Review: మున్నా భయ్యా ఈజ్ బ్యాక్! హిట్టా..? ఫట్టా..?