అనారోగ్యంతో ఆసుపత్రికి పోతే.. కాన్పు చేసిన వైద్యులు వీడియో
ఆస్ట్రేలియాలో ఓ ఇరవయ్యేళ్ల యువతికి వింత అనుభవం ఎదురైంది. అప్పటివరకు రోజూలాగే అన్ని పనులు చేసుకున్న ఆ యువతి చిన్న సమస్యతో డాక్టరు వద్దకు వెళ్లింది. అక్కడ డాక్టర్ ఆమెకు పరీక్షలు చేసి.. ఆమె నిండు గర్భవతి అని నిర్ధారించటంతో.. ఆ యువతి షాక్కు గురైంది. అంతేకాదు.. ఆ తర్వాత 17 గంటల్లోనే ఆమె పండంటి మగబిడ్డకు జన్మనిచ్చింది.
తనకు ఎదురైన ఈ అనుభవాన్ని ఆ మహిళ తన సోషల్ మీడియా ఖాతాలో పంచుకుంది. షార్లెట్ సమ్మర్స్ అనే ఆస్ట్రేలియా యువతి రెండేళ్లుగా ఓ యువకుడితో రిలేషన్లో ఉంది. గత కొంతకాలంగా ఆమె శరీరంలో కొన్ని మార్పులు వచ్చినా..కాస్త ఒళ్లు చేశానని అనుకొనులే.. అనుకుని సరిపెట్టుకుంది. రోజులాగే అన్ని పనులు చేసుకుంటూ వచ్చింది. కానీ, జూన్ 6న గ్లూటెన్ సెన్సిటివిటీ సమస్యతో జనరల్ చెకప్ కోసం డాక్టర్ వద్దకు వెళ్ళగా.. ఆయన గర్భధారణ పరీక్ష చేయించుకోవాలని సూచించారు. ఆ పరీక్షలో షార్లెట్ 8 నెలల గర్భవతి అని తేలింది. దీంతో షార్లెట్, ఆమె కుటుంబ సభ్యులు ఆశ్చర్యపోయారు. వెంటనే తన భాగస్వామికి ఫోన్ చేసి విషయం చెప్పింది. క్రిప్టిక్ ప్రెగ్నెన్సీ కేసులో ఇలా జరుగుతుందని వైద్యులు ఆమెకు వివరించారు.
మరిన్ని వీడియోల కోసం :