కింగ్ కోబ్రాను ఒడిసి పట్టేసిన లేడీ పోలీస్.. వీడియో చూస్తే షాక్ అవ్వాల్సిందే వీడియో
దారిలో ఓ చిన్న పాము కనిపిస్తేనే భయంతో పరుగులు పెడతాం. కొందరైతే పాము పేరు చెప్పగానే గడగడా వణుకుతారు. అలాంటిది ఓ లేడీ ఫారెస్ట్ బీట్ ఆఫీసర్ మాత్రం అతి విషపూరితమైన భారీ కింగ్ కోబ్రాను అలవోకగా బంధించింది. ఆ వీడియో ఇప్పుడు సోషల్ మీడియలో వైరల్ అవుతోంది. ఈ వీడియో చూసిన నెటిజన్లు ఫారెస్ట్ ఆఫీసర్ ధైర్యానికి సెల్యూట్ చేస్తున్నారు. ఈ ఘటన కేరళలో జరిగింది.
తిరువనంతపురంలోని పెప్పరలో ఓ నివాస ప్రాంతంలోని కాలువలో స్థానికులు ఓ భారీ కింగ్ కోబ్రాను గుర్తించారు. వెంటనే అటవీశాఖ అధికారులకు సమాచారమిచ్చారు. అక్కడికి చేరుకున్న పరుథిపల్లి రేంజ్ ఫారెస్ట్ బీట్ ఆఫీసర్ రోషిణి దాన్ని ఎంతో చాకచక్యంగా పట్టుకున్నారు. 18 అడుగుల పొడవున్న ఆ కింగ్ కోబ్రాను చాలా ప్రశాంతంగా ఓ కట్టె సాయంతో పట్టుకొని సంచిలో బంధించారు. స్థానికులు దీన్ని రికార్డ్ చేసి సోషల్ మీడియాలో పోస్ట్ చేయడంతో ఈ వీడియో కాస్తా నెట్టింట వైరల్గా మారింది. ఆమె ధైర్యానికి నెటిజన్లు సెల్యూట్ చేస్తున్నారు. గతంలోనూ రోషిణి ఇలాగే 500లకు పైగా పాములను బంధించినట్లు తెలిసింది.
మరిన్ని వీడియోల కోసం :