హాయిగా రాత్రంతా నిద్రపోయినందుకు .. రూ.9 లక్షలు వచ్చిపడ్డాయి వీడియో
నిద్రపోయినందుకు ఓ యువతికి ఏకంగా రూ.9 లక్షలు ఇచ్చిందో కంపెనీ. అదేంటీ అనుకుంటున్నారా? నిజమండీ.. చక్కగా రాత్రంగా పడుకుని హాయిగా నిద్రపోయినందుకు నగదు బహుమతి ఇచ్చిమరీ సత్కరించింది. ఇలా 60 రోజులపాటు ప్రతి రాత్రి 9 గంటలపాటు నిద్రపోయింది. బెంగళూరులో జరిగిన 60 రోజుల స్లీప్ ఇంటర్న్షిప్లో పూణేకు చెందిన UPSC అభ్యర్థి పూజా మాధవ్ వావల్ ప్రథమ స్థానంలో నిలిచింది. ప్రతి రాత్రి సగటున తొమ్మిది గంటలు నిద్రపోయిన 14 మంది ఫైనలిస్టులను అధిగమించి అగ్రస్థానాన్ని అధిరోహించింది. దీంతో రూ. 9.1 లక్షల నగదు బహుమతితోపాటు ‘స్లీప్ ఛాంపియన్ ఆఫ్ ది ఇయర్’ టైటిల్ కూడా గెలుచుకుంది.
దేశంలో పెరుగుతున్న నిద్ర లేమిపై అవగాహన పెంచడమే లక్ష్యంగా స్లీప్ ఇంటర్న్షిప్ ను నిర్వహిస్తుంటారు. ఈ కార్యక్రమానికి లక్ష మందికి పైగా దరఖాస్తు చేసుకున్నారు. అందులో కేవలం 15 మందిని మాత్రమే షార్ట్లిస్ట్ చేశారు. ప్రతి దరఖాస్తుదారునికి ఒక పరుపు , ప్రతి రాత్రి వారి అలవాట్లను పర్యవేక్షించే కాంటాక్ట్లెస్ స్లీప్ ట్రాకర్ను అందించారు. ఈ ఇంటర్న్షిప్ అంతటా వారు బెడ్పై పడుకుని హాయిగా నిద్రపోవడమే టాస్క్. మెరుగైన నిద్రను పెంచే వర్క్షాప్ల్లో కూడా పాల్గొన్నారు. ఫైనలిస్టులు కళ్ళకు గంతలు కట్టుకుని మంచం తయారు చేయడం, అలారం గడియారం నిధి వేటలు, వారి క్రమశిక్షణను పరీక్షించడానికి స్లీప్-ఆఫ్ వంటి సరదా గేమ్లను కూడా నిర్వహించారు. ఈ ఇంటర్న్షిప్లో వావల్ 91.36 స్కోరుతో ఇతర ఇంటర్న్లను అధిగమించి టైటిల్ని గెలుచుకుంది. ఇంటర్న్షిప్ పూర్తి చేసిన 15 మందికి ఒక్కొక్కరికి రూ. లక్ష చొప్పున బహుమతి అందించారు.
మరిన్ని వీడియోల కోసం :