స్విమ్మింగ్ పూల్ లో ఆఫీస్ డెస్కులు.. వినూత్న ఆలోచనకు ఉద్యోగులు ఫిదా..

చైనాకు చెందిన లుబన్‌ డెకరేషన్‌ గ్రూప్‌ ఖాళీగా ఉన్న ఈత కొలనును తాత్కాలిక వర్క్‌స్పేస్‌గా మార్చింది. జిమ్‌ పక్కన ఉన్న గాజు తలుపు నుంచి పూల్‌ ఆఫీస్‌లోకి వస్తారు. పూల్‌లో ఉన్న సైడ్‌ నిచ్చెనలు ఉపయోగించి తమ డెస్క్‌ దగ్గరకు వెళ్తారు. అలాగే.. వాటి ద్వారా తిరిగి బయటికి వస్తారు. సిబ్బంది రెండు నెలలుగా అక్కడ పనిచేస్తున్నారు. ఈ విచిత్రమైన సెటప్‌కు సంబంధించిన వీడియో ఒకటి సిబ్బంది ఆన్‌లైన్‌లో పెట్టడంతో చర్చనీయాంశమైంది. ఉద్యోగులు తమ డెస్క్‌ నుంచి కిందికి చూస్తే, కనిపించే పూల్‌ లేన్‌ గుర్తుల కారణంగా వారు చిన్న డైవింగ్‌ ట్యాంక్‌లో ఉన్నట్లు అనిపిస్తుంది. తాము ఒక సైన్స్‌ ఫిక్షన్‌ సినిమాలో ఉన్నట్లు అనిపిస్తుందని, వింతగా ఉన్నప్పటికీ బాగుందని అన్నారు. కొందరు ఇది సృజనాత్మకంగా ఉందంటే.. మరికొందరేమో ఉద్యోగుల భద్రత పై అనుమానాలు వ్యక్తం చేశారు. మంటలు చెలరేగడం వంటి అత్యవసర సమయాల్లో తరలింపు మార్గాలు లేకపోవడం ఆన్‌లైన్‌లో చర్చకు దారితీసింది. పూల్‌ ప్రాంతంలో పనిచేసే ఉద్యోగుల భద్రత గురించి ఆందోళనలు తలెత్తాయి. ‘ఈ కార్యాలయ సెటప్‌ నిజంగా ప్రత్యేకమైంది. అయితే నిర్లక్ష్యంగా ఉంటే మాత్రం కష్టమే’ అని కొందరు, ‘ఈ కార్యాలయం ట్రెండీగా కనిపించవచ్చు, కానీ తేమ వల్ల రుమాటిజం రావచ్చు. లోతైన చివరలో ఎక్కువ గంటలు కూర్చోవడం వల్ల కీళ్ళకు నష్టం జరగుతుంది’అని మరికొందరు హెచ్చరించారు. అయితే.. ఆఫీస్‌ పునరుద్ధరణ కారణంగా పూల్‌కు మార్చా మని, ఈ సెటప్‌ తాత్కాలిక పరిష్కారమేనని సంస్థ తెలిపింది. అయినప్పటికీ.. కంపెనీ తాత్కాలిక కార్యాలయాన్ని పరిశీలించిన స్థానిక అగ్నిమాపక విభాగం ఆ స్థలాన్ని ఖాళీ చేయించింది.

మరిన్ని వీడియోల కోసం ఇక్కడ క్లిక్ చేయండి

Also Watch:

నాకు ఉద్యోగం ఇవ్వండి.. నా ట్యాలెంట్‌ ఏంటో చూపిస్తా..

వేగంగా కదులుతున్న రైల్లో రీల్స్‌ చేస్తున్న యువతి, ఇంతలో..

ఆర్డర్‌ పెట్టకుండానే వందలకొద్దీ పార్శిళ్లు..

అవి విష పురుగులు కాదు.. జెల్లీఫిష్‌లు..

తల్లి ప్రేమను చాటుకున్న గొరిల్లా..ఏం చేసిందో చూడండి