Viral Video: పాము, పిల్లికి వైరం ఎందుకు వచ్చిందబ్బా??

నడి రోడ్డుపై పాముతో పిల్లి ఫైట్ చేసిన వీడియో సోషల్ మీడియాలో తెగ వైరల్ అవుతుంది.. ఇంతకీ ఈ పాము, పిల్లి ఫైటింగ్ ఎక్కడ అనుకుంటున్నారా???? అక్కడికే వస్తున్నాం. అనంతపురం పట్టణంలో ఆర్ అండ్ బీ గెస్ట్ హౌస్ ఎదురుగా పాము, పిల్లి ఢిష్యుం… ఢిష్యుం అంటూ కొట్లాడాయి. ఆ దృశ్యాలను అటుగా వెళ్తున్న వాహనదారులు సెల్ ఫోన్లో బంధించారు.. పాము, పిల్లికి మధ్య జాతి వైరం లేదు కదా….మరి ఎందుకు ఫైట్ చేసుకున్నాయబ్బా??? అని ఆశ్చర్యంగా మాట్లాడుకున్నారు.  పాము తన దారిన పోతుంటే….పిల్లి దాన్ని వెళ్ళకుండా మాటి మాటికీ అడ్డు తగిలింది. దీంతో పాము కూడా పిల్లిపై బుసలు కొట్టింది. దీంతో కాసేపు రోడ్డుపై పాము, పిల్లి మధ్య ఫైటింగ్ జరిగింది. పాము, పిల్లి ఫైటింగ్ దృశ్యాలను వాహనదారులు సెల్ ఫోన్లు రికార్డు చేసి….సోషల్ మీడియాలో తెగ వైరల్ చేశారు. ఇప్పటి వరకు పాము, ముంగీస  ఫైట్ చేసిన సందర్భాలు చూశామని, పాము, పిల్లి పోట్లాడటం చూడలేదని నెటిజన్లు కామెంట్స్ చేస్తున్నారు.

మరిన్ని ఆంధ్రప్రదేశ్ వార్తల కోసం క్లిక్ చేయండి..