అయ్యయ్యో.. ఎంత కష్టం వచ్చింది ఈ పాముకి వీడియో
సోషల్ మీడియాలో నిత్యం పాములకు సంబంధించిన వీడియోలు వైరల్ అవుతూ ఉంటాయి. అవి చాలావరకు భయం కలిగించేలా ఉంటాయి. అయితే ఈ పాము వీడియో చూస్తే మాత్రం మీ మనసు చివుక్కుమంటుంది. పాము తల ప్లాస్టిక్ బాటిల్లో ఇరుక్కుపోవడంతో ఓ పాము తీవ్రంగా బాధపడుతున్న దృశ్యాలు సోషల్ మీడియాలో వైరల్ అవుతున్నాయి. ఈ వీడియో వన్య ప్రాణి ప్రేమికులనే కాకుండా.. సామాన్యులకు కూడా బాధ కలిగిస్తుంది.
పాము తల ఒక బాటిల్లో ఇరుక్కుపోయినట్టు కనిపిస్తోంది. దీంతో దానికి దిక్కుతోచక అటూ ఇటూ తిరుగుతూ, ఎటుపోతుందో తెలియక అయోమయంగా మారింది ఆ పాము పరిస్థితి. మార్గం కనిపించకపోవడం, శ్వాస తీసుకోవడంలో ఇబ్బంది.. ఆ పాము శరీర కదలికల ద్వారా స్పష్టమవుతోంది. ఈ పాము పరిస్థితికి కారణం మనుషులే అని గుర్తించాలి. అడవుల్లో, కాలువల్లో, రోడ్ల పక్కన ప్లాస్టిక్, ఇతర పనికిరాని వస్తువులు విసిరేయడం వల్ల అమాయక జీవుల ప్రాణాలకు ముప్పు వాటిల్లుతోంది. ఈ వీడియో చూసిన నెటిజన్లు తీవ్రంగా స్పందిస్తున్నారు. “ప్లాస్టిక్ వాడకం కేవలం మనకే కాదు, మిగిలిన జీవులకు కూడా ముప్పే” అని ఓ నెటిజన్ కామెంట్ పెట్టాడు. చెత్త నిర్వహణ కేవలం ప్రభుత్వ బాధ్యత మాత్రమే కాదు… ప్రతీ ఒక్కరి వ్యక్తిగత బాధ్యత అని మరొకరు వ్యాఖ్యానించారు. ప్లాస్టిక్ వినియోగాన్ని తగ్గించాలి. వాటిని రీసైకిల్ చేయాలి. నింగి, నీరు, ఈ నేల అందరిదీ అని గుర్తెరిగి బాధ్యతగా నడుచుకోవాలి.
మరిన్ని వీడియోల కోసం :