మంచును కరిగించేస్తున్న పెంగ్విన్ల మలం.. పరిశోధనలో షాకింగ్ విషయాలు!
అంటార్కిటికాలో మంచు కరగడాన్ని పెంగ్విన్ల మలం పరోక్షంగా వేగవంతం చేస్తుండవచ్చని ఓ కొత్త అధ్యయనం సూచిస్తోంది. వాటి విసర్జనలోని పోషకాలు మంచుపై పెరిగే శైవలాల విస్తరణకు తోడ్పడుతున్నాయి. ఈ శైవలాలు మంచు ఉపరితలాన్ని ముదురు రంగులోకి మార్చడంతో సూర్యరశ్మి ఎక్కువగా గ్రహించి మంచు కరిగే ప్రక్రియ వేగవంతం కావచ్చు. వాతావరణ మార్పుల ప్రభావాన్ని అంచనా వేయడంలో ఈ జీవసంబంధమైన అంశం కీలకమని పరిశోధకులు చెబుతున్నారు.
మారుతున్న వాతావరణ పరిస్థితుల వల్ల అంటార్కిటికా వేగంగా మంచును కోల్పోతున్న తరుణంలో ఒక ఆసక్తికరమైన సంచలన విషయం వెలుగులోకి వచ్చింది. పెంగ్విన్ల మలం అంటార్కిటిక్ మంచు కరగడాన్ని మరింత వేగవంతం చేస్తుండవచ్చని ఒక కొత్త అధ్యయనంలో తేలింది. ఈ పరిశోధనా వివరాలు ‘జర్నల్ ఆఫ్ జియోఫిజికల్ రీసెర్చ్: బయోజియోసైన్సెస్’లో ప్రచురితమయ్యాయి. పెంగ్విన్ల విసర్జనలో ఉండే పోషకాలు మంచుపై పెరిగే శైవలాలకు ఆహారంగా ఉపయోగపడి, అవి వేగంగా విస్తరించేందుకు తోడ్పడుతున్నాయి. సాధారణంగా పోషకాలు లేనప్పుడు ఎరుపు రంగులో ఉండే ఈ శైవలాలు, పోషకాలు లభించగానే క్లోరోఫిల్ సహాయంతో ఆకుపచ్చగా మారి వేగంగా పెరుగుతాయి. ఈ మంచు శైవలాలు అంటార్కిటికా అంతటా విస్తరిస్తూ మంచు ఉపరితలాన్ని నల్లగా మారుస్తున్నాయి. తెల్లటి మంచు కంటే నల్ల రంగు ఉపరితలాలు సూర్యరశ్మిని ఎక్కువగా గ్రహించడం వల్ల మంచు వేగంగా కరిగిపోతోంది. ఈ జీవసంబంధమైన ప్రభావాన్ని పరిగణనలోకి తీసుకోకపోతే, అంటార్కిటికాలో మంచు ఎంత వేగంగా కరుగుతోందో అంచనా వేయడం కష్టమవుతుందని సైంటిస్టులు వివరించారు. మరోవైపు గత 47 ఏళ్లలో అంటార్కిటికా, గ్రీన్‌లాండ్‌లు ఏకంగా 12.5 ట్రిలియన్ టన్నుల మంచును కోల్పోయాయని పరిశోధకులు వెల్లడించారు. అంతరిక్షం నుంచి చూసినప్పుడు శాటిలైట్లకు పెంగ్విన్ల విసర్జన వల్ల ఏర్పడిన మచ్చలు కనిపిస్తుండటంతో, కొత్త పెంగ్విన్ కాలనీలను గుర్తించడానికి కూడా ఇవి ఉపయోగపడుతున్నాయి.
మరిన్ని వీడియోల కోసం ఇక్కడ క్లిక్ చేయండి
Also Watch:
దారం లాంటి ఈ చేపలను అంత ఇష్టంగా ఎందుకు తింటారు.. చీరమేను అసలు సీక్రెట్స్ ఇవే..
రైలు ప్రయాణంలో డైపర్లు అయిపోయాయా? డోంట్ వర్రీ!
ChatGPT లో కీలక మార్పు.. ఇక చాట్‌లోనే గేమ్స్, కాలిక్యులేటర్లు!