వేసవిలో వచ్చే సీజనల్‌ పండ్లలో నేరేడు పండ్లు ఒకటి. ఇవి రుచికి తియ్యగా.. పుల్లగా ఉంటాయి. అందుకే ఇవి చాలా మందికి ఇష్టం. నేరేడు పండ్లు పోషకాలతో నిండి ఉంటాయి. ముఖ్యంగా మధుమేహం, హృద్రోగులకు నేరేడు పండ్లు చాలా మేలు చేస్తాయి. ప్రస్తుత కాలంలో మధుమేహ వ్యాధిగ్రస్తుల సంఖ్య రోజురోజుకూ పెరుగుతోంది. షుగర్ వ్యాధిగ్రస్తుల పాలిట నేరేడు పండ్లు దివ్య ఔషధం అనే చెప్పాలి. నేరేడులో ఫైబర్ పుష్కలంగా ఉంటుంది. ఫలితంగా ఇవి జీర్ణక్రియను మెరుగుపరచడానికి, మలబద్ధకం నుంచి ఉపశమనం పొందేందుకు సహాయపడతాయి. నేరేడులో విటమిన్-సి అధిక స్థాయిలో ఉంటుంది. ఈ పండును క్రమం తప్పకుండా తినడం వల్ల రోగనిరోధక శక్తి మెరుగు పడుతుంది. అలాగే జలుబు, ఫ్లూ వంటి ఇతర ఇన్ఫెక్షన్ల నుంచి రక్షిస్తుంది. వివిధ చర్మ సమస్యలలో కూడా నేరేడు చాలా ఉపయోగకరంగా ఉంటుంది. దంతాలు, చిగుళ్ళ సమస్యలను నివారించడంలో నేరేడు చాలా ఉపయోగకరంగా ఉంటుంది. ఇవి చిగుళ్ళను బలోపేతం చేయడానికి, నోటి దుర్వాసనను తొలగించడానికి సహాయపడతాయి. రక్తంలో చెడు కొలెస్ట్రాల్ స్థాయిని తగ్గించడంలో కూడా నేరేడు పండు సహాయపడుతుంది. నేరేడు పండ్లు తినడం వల్ల గుండె జబ్బులు వచ్చే ప్రమాదం చాలా వరకు తగ్గుతుంది. శరీరంలో హానికరమైన కార్బన్-డయాక్సైడ్ స్థాయిని తగ్గించడం ద్వారా శరీరంలోని ప్రతి భాగానికి ఆక్సిజన్ చేరుకోవడానికి నేరేడులోని పోషకాలు సహాయపడతాయి. ఇది అధిక రక్తపోటును తగ్గించడంలో కూడా సహాయపడుతుంది. ఈ సమాచారం కేవలం మీ అవగాహన కోసం మాత్రమే. వైద్య చికిత్సకు ఇది ఏమాత్రం ప్రత్యామ్నాయం కాదు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch: