ఓరుగల్లు పశ్చిమ కాంగ్రెస్ లో రగిలిన ఆధిపత్య పోరు పీక్స్‌ చేరింది. వరంగల్ డీసీసీ అధ్యక్షురాలిగా బాధ్యతలు స్వీకరించిన ఎర్రబెల్లి స్వర్ణ ఏర్పాటు చేసిన ఆత్మీయ సమావేశం రసాభాసగా మారింది.. ఇరు వర్గీయుల మధ్య విభేదాలు భగ్గుమన్నాయి. మొన్న హనుమకొండ.. నిన్న జనగామ.. నేడు వరంగల్.. కాంగ్రెస్ నేతల వర్గపోరు ముష్టియుద్ధంగా మారింది. కాంగ్రెస్ ను బలోపేతం చేసేందుకు ఒకవైపు రాష్ట్రస్థాయి నేతలు పాదయాత్రలు.. మరోవైపు జిల్లా స్థాయిలో ముష్టియుద్ధాలు.. రచ్చరచ్చే. మాజీ మేయర్ ఎర్రబెల్లి స్వర్ణ వరంగల్ జిల్లా కాంగ్రెస్ పార్టీ అధ్యక్షురాలిగా నియమితులైన సందర్భంగా కార్యకర్తలు ఆత్మీయ సమావేశం.. ప్రమాణ స్వీకారం కార్యక్రమం ఏర్పాటు చేశారు. ఇదే సమావేశంలో కాంగ్రెస్‌లోని రెండు వర్గాల మధ్య ఘర్షణ తారాస్థాయికి చేరింది.