Watch Video: చంద్రబాబు స్క్రిప్ట్‌ను పురంధేశ్వరి చదువుతున్నారు.. మంత్రి రోజా ఫైర్

ఏపీ బీజేపీ రాష్ట్రాధ్యక్షురాలు దగ్గుబాటి పురంధేశ్వరిపై మరోసారి మంత్రి రోజా ఫైరయ్యారు. పురంధేశ్వరికి నీతి, నిజాయితీ ఉంటే..చంద్రబాబు స్కాంలపై CBI విచారణ కోసం లేఖ రాయాలన్నారు. ముఖ్యమంత్రి సీటు కోసం చంద్రబాబు, పురంధేశ్వరి..ఎలా పోట్లాడుకున్నారో రాష్ట్ర ప్రజలందరికీ తెలుసన్నారు. పురంధేశ్వరికి నియోజకవర్గం లేదు..ఓట్లేసే వాళ్లులేరని ఎద్దేవా చేశారు. పురందేశ్వరి తండ్రి ఎన్టీఆర్ పేరు చెప్పుకుని పదవులు అనుభవిస్తున్నారని అన్నారు. చంద్రబాబు స్క్రిప్ట్‌ను పురంధేశ్వరి చదువుతున్నారని మండిపడ్డారు. మరోసారి జగన్‌పై దిగజారుడు వ్యాఖ్యలు చేస్తే.. పురంధేశ్వరిని మహిళ అని కూడా చూడమంటూ మంత్రి రోజా వార్నింగ్ ఇచ్చారు. తిరుపతి జిల్లా వడమాల పేటలో రైతు భరోసా నిధుల విడుదల కార్యక్రమంలో పాల్గొన్న మంత్రి ఆర్కే రోజా.. ఈ వ్యాఖ్యలు చేశారు.