New Traffic Rules: వాహనదారులకు ఇక దబిడి దిబిడే.. కొత్త ట్రాఫిక్ రూల్స్ ఇవే!
ప్రభుత్వాలు ఎంత కఠిన చర్యలు తీసుకున్నా.. ఎన్ని చలాన్లు వేసినా పట్టించుకోరు కొందరు వాహనదారులు. ఏముందిలే.. చలాన్ కట్టేద్దాం అనుకొని ట్రాఫిక్ రూల్స్కి విరుద్ధంగా వాహనాలను నడుపుతుంటారు. అలాంటి వారికి కేంద్రం కీలక హెచ్చరిక జారీ చేసింది. ఇకపై ట్రాఫిక్ చలాన్లు నిర్ణీత సమయంలోపు కట్టకపోయినా.. ఐదు చలాన్లకు మించి వాహనాలకు చలాన్లు పడినా వెంటనే మీ లైసెన్స్ రద్దు అయిపోతుంది.
ఆ.. ఏముందిలే.. రెన్యువల్ చేసుకుందామననుకున్నా రెన్యువల్ చేయరు.. కనుక వాహనదారులు ట్రాఫిక్ రూల్స్ కచ్చితంగా పాటించాలంటున్నారు. పెండింగ్ చలాన్ల విషయంలో కేంద్రం కఠిన చర్యలను ప్రతిపాదిస్తూ సెంట్రల్ మోటారు వెహికిల్స్ రూల్స్-1989లో కేంద్ర రవాణాశాఖ నిర్ణయం తీసుకుంది. ఈ మేరకు డ్రాఫ్ట్ రూల్స్ నోటిఫికేషన్ను తాజాగా విడుదల చేసింది. చలాన్ల జారీ, చెల్లింపు, అప్పీల్ చేయడం వంటి అంశాలను డిజిటల్ మానిటరింగ్, ఆటోమేషన్ ఆధారంగా వేగవంతం చేయాలని తెలిపింది. నిబంధనలు ఉల్లంఘిస్తే వాహనదారుకు సంబంధిత అధికారులు మూడురోజుల్లోగా ఎలక్ట్రానిక్ రూపంలో నోటీసు జారీ చేయాలని, ఫిజికల్ రూపంలో 15 రోజుల్లోగా నోటీసు పంపాలని స్పష్టం చేసింది. దీని ప్రకారం. పెండింగ్ చలాన్లు ఎన్ని ఉన్నా పోలీసులు ఆపినప్పుడు కడదాంలే అనుకుంటే ఇకపై కుదరదు. చలాన్ పడిన 45 రోజుల్లోగా చెల్లించలేదంటే అంతే.. ఐదు చలాన్లకు మించి పెండింగ్ లో ఉంటే లైసెన్స్ రద్దయినట్లు మీ మొబైల్ కు మెసేజ్ వస్తుంది. డ్రైవింగ్ లైసెన్సు రెన్యువల్ కాకపోవచ్చు కూడా.. మీ వాహనాన్ని ట్రాఫిక్ సిబ్బంది సీజ్ చేసే అవకాశం ఉంది. మోటారు వెహికిల్ యాక్టు కింద ఒక వాహనంపై 5 లేదా అంతకంటే ఎక్కువ చలాన్లు జారీ అయితే డ్రైవింగ్ లైసెన్సును సస్పెండ్ చేయొచ్చు. చలాన్ చెల్లించడానికి ప్రస్తుతం ఉన్న 90 రోజుల గడువు 45 రోజులకు తగ్గించారు. ఈ గడువు దాటితే సదరు వాహనాన్ని అమ్మడం కూడా కుదరదు. డ్రైవింగ్ లైసెన్సులో మార్పులకు కానీ రెన్యువల్ కు కానీ వీలుండదు. చలాన్ కట్టకపోతే వాహనాన్ని స్వాధీనం చేసుకునే అధికారం పోలీసులకు ఉంటుంది. ప్రస్తుత నిబంధనల ప్రకారం.. వాహనం ఎవరు నడిపినా రూల్స్ అతిక్రమిస్తే వాహన యజమాని పేరుపైనే చలాన్ జారీ అవుతోంది. ఇకపై, వాహనం నడిపిన వ్యక్తిని బాధ్యుడిగా చేయనున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
స్పేస్ డెలివరీ వెహికిల్ రెడీ.. గంటలో ప్రపంచంలో ఏ మూలకైనా సరుకు రవాణా
ఊగిపోయిన భవనాలు.. జనం పరుగో పరుగు
చియాసీడ్స్ ఇలా తిన్నారో.. అంతే సంగతులు !!
బంగాళాదుంప తొక్కలు పడేయకండి.. లాభాలు తెలిస్తే వదలరు!
చికున్ గున్యా.. ముప్పులో భారత్ !! మేలుకోకుంటే.. మునగటం ఖాయం