చరిత్రలోనే అత్యంత తీవ్రమైన ముప్పు! సముద్రాల్లో రికార్డు స్థాయి వేడి.. తీవ్ర కరవు, వరదల ప్రమాదం!
2026 చివరి నుంచి 2027 ప్రారంభం వరకు ఎల్‌నినో తీవ్రత పెరగవచ్చంటూ ప్రచారంలో ఉన్న హెచ్చరికలు ఆందోళన కలిగిస్తున్నాయి. పసిఫిక్ మహాసముద్ర ఉపరితల ఉష్ణోగ్రతలు భారీగా పెరిగితే భారత్‌తో పాటు పలు దేశాల్లో వర్షపాతం, ఉష్ణోగ్రతల్లో మార్పులు సంభవించవచ్చు. వ్యవసాయం, నీటి లభ్యతపై ప్రభావం పడే అవకాశం ఉంది. అయితే 3.8 డిగ్రీల పెరుగుదల, డబ్ల్యూఎంవో పేరుతో ప్రచారమవుతున్న తాజా అంచనాలను అధికారిక వాతావరణ నివేదికతో నిర్ధారించుకోవాలి.
ప్రపంచ వాతావరణ వ్యవస్థపై తీవ్ర ప్రభావం చూపే ‘ఎల్‌నినో’ భయానక రూపం దాల్చబోతోంది. ప్రస్తుతం కొనసాగుతున్న ఎల్‌నినో.. చరిత్రలోనే ఎన్నడూ లేని విధంగా అత్యంత తీవ్రస్థాయికి చేరుకోవచ్చని ప్రపంచ వాతావరణ సంస్థ డబ్ల్యూఎంవో సంచలన హెచ్చరిక జారీ చేసింది. నవంబరు నుంచి 2027 జనవరి మధ్య కాలంలో పసిఫిక్ మహాసముద్ర ఉపరితల ఉష్ణోగ్రతలు సగటు కన్నా ఏకంగా 3.8 డిగ్రీల సెల్సియస్ వరకు పెరిగే ప్రమాదం ఉందని ఆందోళన వ్యక్తం చేసింది. సాధారణంగా సముద్ర ఉపరితల ఉష్ణోగ్రత కేవలం 0.5 డిగ్రీలు పెరిగితేనే దానిని ఎల్‌నినోగా ప్రకటిస్తారు. కానీ ఈసారి అది ఏకంగా 3.8 డిగ్రీల మేర పెరిగే అవకాశం ఉండటం వాతావరణ నిపుణులను కలవరపెడుతోంది. రాబోయే డిసెంబరు నాటికి ఇది గరిష్ఠ స్థాయికి చేరుకుంటుందని డబ్ల్యూఎంవో వెల్లడించింది. గత నాలుగు దశాబ్దాల వాతావరణ రికార్డులను, చార్ట్‌ల అంచనాలను మించి ప్రస్తుత పరిస్థితి అత్యంత క్లిష్టంగా మారిందని డబ్ల్యూఎంవో సెక్రటరీ జనరల్ సెలెస్టే సౌలో స్పష్టం చేశారు. ఈ అసాధారణ ఎల్‌నినో ప్రభావం వల్ల ప్రపంచవ్యాప్తంగా వాతావరణ వ్యవస్థ పూర్తిగా తారుమారయ్యే ప్రమాదం ఉంది. ముఖ్యంగా భారత్‌తో పాటు దక్షిణ, ఆగ్నేయాసియా దేశాల్లో రాబోయే శీతాకాలంలో కూడా సాధారణం కంటే అధిక ఉష్ణోగ్రతలు నమోదయ్యే అవకాశం ఉంది. దీనికి తోడు వర్షపాతం గణనీయంగా తగ్గిపోయి, తీవ్ర నీటి ఎద్దడి తలెత్తవచ్చని, ఇది వ్యవసాయ రంగానికి భారీ గండి కొడుతుందని హెచ్చరిస్తున్నారు. అదే సమయంలో, తూర్పు ఆఫ్రికా, అమెరికాలోని కొన్ని ప్రాంతాల్లో అనూహ్యంగా భారీ వర్షాలు, విధ్వంసకర వరదలు సంభవించే ముప్పుంది. దక్షిణాఫ్రికాలో పొడి వాతావరణం, మధ్య అమెరికా మరియు అమెజాన్ అటవీ ప్రాంతాల్లో భయానక కరవు పరిస్థితులు నెలకొనవచ్చని నిపుణులు అంచనా వేస్తున్నారు. 2026 చివరి నాటికి ఎల్‌నినో పరాకాష్ఠకు చేరుకున్నప్పటికీ, దాని భయంకర ప్రభావాలు చాలా కాలం పాటు కొనసాగుతాయి. ఈ ముప్పును ఎదుర్కొనేందుకు ప్రపంచ దేశాలన్నీ ముందస్తు హెచ్చరిక వ్యవస్థలను బలోపేతం చేసుకోవాలని డబ్ల్యూఎంవో పిలుపునిచ్చింది.
మరిన్ని వీడియోల కోసం ఇక్కడ క్లిక్ చేయండి
Also Watch:
కుక్క కరిచిన ఆవు మృతి.. పాలు తాగిన 450 మందికి టీకాలు.. పాలతో రేబిస్‌ సోకుతుందా?
వ్యర్థం కాదు.. సంపద GWMC వినూత్న ప్రయోగం!
అయ్యో.. భర్త హగ్‌ చేసుకోగానే కుప్పకూలిన మహిళ
కేదార్‌నాథ్‌లో మంచు వర్షం.. సెల్ఫీలతో యాత్రికుల సందడి
ఎస్‌బీఐ కస్టమర్ల డేటా లీక్ ! పాస్‌వర్డ్స్ మార్చుకోవాలని నిపుణుల సూచన