డిఫరెంట్ మూవీస్ చేస్తున్న విక్కీ కౌశల్
బాలీవుడ్లో విక్కీ కౌశల్ విభిన్న పాత్రలతో దూసుకుపోతున్నారు. మహావతార్లో పరశురాముడి పాత్ర కోసం 2027 సంవత్సరాన్ని పూర్తిగా కేటాయించడంతో పాటు, షూటింగ్ సమయంలో మాంసాహారాన్ని విడిచిపెట్టాలని నిర్ణయించుకున్నారు. ఉరి, సామ్ బహదూర్, ఛావా చిత్రాలతో ప్రశంసలు అందుకున్న విక్కీ, తన అంకితభావంతో అగ్రస్థానంలో నిలుస్తున్నారు.
ప్రస్తుతం బాలీవుడ్ మీడియాలో విక్కీ కౌశల్ పేరు ప్రముఖంగా వినిపిస్తోంది. వైవిధ్యభరితమైన చిత్రాలతో ప్రేక్షకులను ఆకట్టుకుంటున్న ఈ యంగ్ హీరో, ఇప్పుడు పరశురాముడి కథ ఆధారంగా తెరకెక్కుతున్న మహావతార్ చిత్రం కోసం సిద్ధమవుతున్నారు. ఈ ప్రతిష్టాత్మక ప్రాజెక్ట్ కోసం 2027 సంవత్సరం మొత్తాన్ని కేటాయించడమే కాకుండా, షూటింగ్ సమయంలో మాంసాహారాన్ని కూడా తినకూడదని నిర్ణయించుకున్నారు.ఉరి: ది సర్జికల్ స్ట్రైక్ మరియు సామ్ బహదూర్ వంటి చిత్రాలతో ఉత్తమ నటుడిగా విమర్శకుల ప్రశంసలు అందుకున్నారు విక్కీ కౌశల్. తెరమరుగైన హీరోల పాత్రలకు తాను ఉత్తమ ఎంపిక అని నిరూపించుకోవడంతో, మీడియా కూడా ఈ యంగ్ హీరోపై దృష్టి సారిస్తోంది. ఈ ఇమేజ్ను కొనసాగిస్తూ విక్కీ అనేక విభిన్న చిత్రాలను లైన్లో పెడుతున్నారు. ఛావా చిత్రంతో మరోసారి తనపై ఉంచిన నమ్మకాన్ని నిలబెట్టుకున్నారు.
మరిన్ని వీడియోల కోసం :