చిన్న సినిమాలకే పరిమితమవుతున్న తెలుగమ్మాయిలు

ఒకప్పుడు టాలీవుడ్‌లో చిన్న సినిమాతో హిట్ కొట్టిన తెలుగుమ్మాయిలకు వెంటనే స్టార్ హీరోల సరసన అవకాశాలు లభించేవి. కానీ నేటి పరిస్థితి పూర్తిగా భిన్నంగా మారింది. కంటెంట్ ఉన్న చిత్రాల్లో అద్భుతమైన నటన కనబరచిన యువ కథానాయికలకు టాప్ లీగ్‌లో స్థానం దక్కడం లేదు. ఈ అంతరానికి గల కారణాలపై ఇప్పుడు చర్చ జరుగుతోంది. రాజారాజు వెడ్స్ రాంబాయి, కోర్ట్ ఎనిమిది వసంతాలు వంటి సినిమాల్లో హీరోయిన్ల నటనకు ప్రేక్షకులు ఫిదా అయ్యారు. స్క్రీన్ ప్రెజెన్స్‌లో వీరు ఏ స్టార్ హీరోయిన్‌కు తీసిపోరనే ప్రశంసలు అందుకున్నారు. అయినా సరే, తదుపరి ప్రాజెక్ట్‌లకు వచ్చేసరికి వీరిని చిన్న సినిమాలకే పరిమితం చేస్తున్నారు. ఈ జాబితాలో వైష్ణవి చైతన్య పేరు ప్రముఖంగా వినిపిస్తోంది. కల్ట్ బ్లాక్‌బస్టర్‌తో కెరీర్ ప్రారంభించిన ఈ తెలుగమ్మాయికి మీడియం రేంజ్ హీరోల నుంచి ఆఫర్లు వస్తున్నప్పటికీ, స్టార్ హీరోల క్యాంప్ నుంచి పిలుపు రాకపోవడం ఆశ్చర్యం కలిగిస్తోంది.