రీ రిలీజ్లైనా చేయొచ్చుగా..సమ్మర్ను ఖాళీగా వదిలేస్తున్నారెందుకు
తెలుగు సినీ పరిశ్రమలో వేసవిలో థియేటర్లు ఖాళీగా ఉండటం చర్చనీయాంశంగా మారింది. గతంలో రీ రిలీజ్లు కొత్త సినిమాలపై ప్రభావం చూపగా, ప్రస్తుతం కనీసం పాత చిత్రాలైనా లేకపోవడంతో ప్రైమ్ సీజన్ను కోల్పోతున్నారు. సరైన ప్రణాళిక లేకపోవడం వల్ల ఎగ్జిబిటర్లు నష్టపోతున్నారని విశ్లేషకులు హెచ్చరిస్తున్నారు, థియేటర్ల మనుగడకే ప్రమాదం అంచులో ఉందని చెబుతున్నారు.
ప్రస్తుతం తెలుగు సినీ పరిశ్రమలో కనీసం రీ రిలీజ్ సినిమాలు వచ్చినా బాగుంటుందనే పరిస్థితి నెలకొంది. గతంలో, వరుస రీ రిలీజ్లు రెగ్యులర్ సినిమాల మార్కెట్ను దెబ్బతీశాయి. స్టార్ హీరోల పాత చిత్రాలు రీమాస్టర్ అయి వచ్చినప్పుడు తమ కొత్త సినిమాల ఓపెనింగ్స్ దెబ్బతింటున్నాయని మీడియం రేంజ్ హీరోలు బహిరంగంగానే ఆవేదన వ్యక్తం చేశారు. ఆ స్థాయిలో ఒకప్పుడు బాక్స్ ఆఫీస్ను షేక్ చేసిన చరిత్ర రీ రిలీజ్లకు ఉంది. కలెక్షన్లకు డోకా లేని వేసవి వంటి డ్రై సీజన్లో పాత బ్లాక్బస్టర్లను సరైన విధంగా ప్లాన్ చేసుకోకపోవడం మేకర్స్ వైఫల్యమే అని క్రిటిక్స్ అభిప్రాయపడుతున్నారు. మంచి పబ్లిసిటీతో, టెక్నికల్గా అప్డేట్ చేసి రిలీజ్ చేస్తే ఆడియన్స్ తప్పకుండా థియేటర్లకు బ్రహ్మరథం పడతారని ట్రేడ్ అనలిస్టులు చెబుతున్నారు. సమ్మర్ లాంటి ప్రైమ్ సీజన్ను ఇలా ఖాళీగా వదిలేయడం వల్ల ఎగ్జిబిటర్లు భారీ నష్టాలను మూటగట్టుకోవాల్సి వస్తుంది. పక్కా స్ట్రాటజీతో కనీసం పాత హిట్ చిత్రాలను లైన్లో పెట్టి ఉంటే థియేటర్లు కలకలలాడేవి. పరిశ్రమ పెద్దలు ఇప్పటికైనా ఈ లోటును పూడ్చే దిశగా అడుగులు వేయకపోతే థియేటర్ల మనుగడకే ముప్పు వాటిల్లే ప్రమాదం ఉందని విశ్లేషకులు హెచ్చరిస్తున్నారు.