The Raja Saab Review: అన్నీ ఉన్నా అల్లుడి నోట్లో శని అంటే ఇదే! రాజాసాబ్

ప్రభాస్ సినిమా అంటేనే అంచనాలు ఆకాశంలో ఉంటాయి. అందులోనూ హారర్ ఫ్యాంటసీ జానర్ కావడంతో ‘ది రాజా సాబ్’పై ఆసక్తి ఇంకా పెరిగింది. మరి ఈ సినిమా ఆ అంచనాలను అందుకుందా..? ఈ కాన్సెప్ట్ ప్రేక్షకులను మెప్పించిందా? అనేది ఈ పూర్తి రివ్యూలో చూద్దాం. రాజాసాబ్‌ కథలోకి వెళితే.. జమీందారీ వైభవాన్ని, ఆస్తులను కోల్పోయి సాదాసీదా జీవితం గడుపుతున్న యువకుడే రాజా సాబ్ అలియాస్ ప్రభాస్. అల్జీమర్స్ వ్యాధితో బాధపడుతున్న తన నానమ్మ గంగమ్మ అలియాస్ జరీనా వాహబ్ బాగోగులు చూసుకోవడమే రాజు ప్రపంచం. అయితే గంగమ్మ మాత్రం గతం తాలూకు జ్ఞాపకాల్లోనే జీవిస్తుంటుంది. తన యవ్వనంలో అమ్మవారి ఆభరణాలు వెతికి తెస్తానని వెళ్లిన తన భర్త కనకరాజు అలియాస్ సంజయ్ దత్ ఎప్పటికైనా తిరిగి వస్తాడని ఆమె వెయ్యి కళ్లతో ఎదురు చూస్తుంటుంది. ఇలాంటి పరిస్థితుల్లో అనుకోకుండా తాత ఫోటో కంటపడటంతో, ఆయన్ని వెతికి పట్టుకునేందుకు రాజు హైదరాబాద్ బయలుదేరుతాడు. ఈ అన్వేషణలో ఉండగానే బెస్సి అలియాస్ నిధి అగర్వాల్‌ని చూసి తొలిచూపులోనే ప్రేమలో పడతాడు. కానీ ఆమెకు తన ప్రేమను వ్యక్తపరిచే లోపే భైరవి అలియాస్ మాళవిక మోహనన్ కథలోకి ఎంటర్ అవుతుంది. అసలు హైదరాబాద్ వచ్చిన రాజుకు ఎలాంటి సవాళ్లు ఎదురయ్యాయి? కనకరాజుకు, గంగరాజు అలియాస్ సముద్రఖనికి మధ్య ఉన్న వైరం ఏంటి..? చివరికి రాజు తన తాత ఆచూకీ కనుక్కున్నాడా..? తన నానమ్మ నిరీక్షణకు తెరదించి.. తాతను ఆమె దగ్గరకు చేర్చగలిగాడా? అనేవి సిల్వర్ స్క్రీన్ పై చూడాల్సిందే. ‘ది రాజా సాబ్’ కోసం ఎంచుకున్న పాయింట్ చాలా బలంగా ఉంది. ఒక ఇంట్రెస్టింగ్ హారర్ ఫ్యాంటసీ కాన్సెప్ట్ ఇది. కానీ.. ఫ్రాంక్‌గా చెప్పాలంటే.. పేపర్ మీద ఉన్నంత స్ట్రాంగ్‌గా తెరమీదకు రాలేదనే చెప్పాలి. మారుతీ రైటింగ్ చాలా చోట్ల తేలిపోయినట్లు అనిపిస్తుంది. ముఖ్యంగా స్క్రీన్ ప్లే ఒక ఫ్లోలో కాకుండా.. అక్కడక్కడా అతికించినట్లుగా అనిపించడం సినిమాకు పెద్ద మైనస్. కొన్ని సీక్వెన్స్ లు బాగున్నా, ఓవరాల్ గా సినిమాను నిలబెట్టడంలో డైరెక్షన్ టీమ్ ఇంకాస్త శ్రద్ధ పెడితే బాగుండేదేమో..! కాకపోతే వింటేజ్ ప్రభాస్ ను గుర్తు చేసేలా డార్లింగ్‌ ఎనర్జీ లెవెల్స్ సిల్వర్ స్క్రీన్‌ పై మనల్ని ఆకట్టుకుంటాయి. అందులోనూ హీరోయిన్స్ తో వచ్చే రొమాంటిక్ సీన్స్ లో ప్రభాస్ ఈజ్ చాలా రోజుల తర్వాత కనిపించింది. మునుపటి ప్రభాస్ ను గుర్తుకు తెస్తుంది. ఇక డైరెక్టర్ మారుతి విషయానికి వస్తే.. ఉన్నది లేనట్లు.. లేనిది ఉన్నట్లు.. సిల్వర్ స్క్రీన్ పై ఏదో మాయ చేయాలని చూశాడు. కానీ మారుతీ అనుకుఉన్నది వర్కవుట్ కాలేదేమో అనిపిస్తుంది. నో డౌట్‌.. ఆయన ఇంట్రెస్టింగ్ కాన్సెప్ట్‌ నే తీసుకున్నాడు. అయితే అంతే ఆసక్తికరంగా చెప్పడంలో ఎక్కడో కాస్త తడబడ్డాడు. చెప్పాలంటే.. ఫస్ట్ 10 నిమిషాలు రాజాసాబ్‌ చాలా ఇంట్రెస్టింగ్‌గా ఉంటుంది. మంచి సీన్‌తో ఇంటర్వెల్ బ్రేక్ కూడా పడుతుంది.ఆ తర్వాత వచ్చే సెకండాఫ్ అంతా.. కోటలోనే సాగుతుంది. చివరి అరగంట సినిమా అంతా హెల్యూజినేషన్ చుట్టూ తిరుగుతుంది. సినిమా మొత్తం ఒక ఎత్తు అయితే.. చివరి 25 నిమిషాలు మరో ఎత్తు. ఇక క్లైమాక్స్ ఎపిసోడ్ ను చాలా సాలిడ్ గా ఎగ్జిక్యూట్ చేశారు మారుతీ. ‘నేనొక్కడినే’ సినిమా గుర్తుకొస్తుంది. రొటీన్ గా కాకుండా కొత్తగా ట్రై చేసిన హారర్ ఫ్యాంటసీ ఐడియా ఇది. అయితే కథనం అంత గ్రిప్పింగ్ గా లేదు, అక్కడక్కడా సాగదీసినట్లు అనిపిస్తుంది. దానికి తోడు ట్రైలర్ లో చూపించి ఆసక్తి రేకెత్తించిన ‘ముసలి గెటప్’ సినిమాలో లేకపోవడం పెద్ద డిసప్పాయింట్మెంట్. అది మేజర్ మిస్‌స్టెప్ అని చెప్పొచ్చు. చాలా కాలం తర్వాత ప్రభాస్ ను ఇంత ఎనర్జిటిక్ గా చూడటం ఫ్యాన్స్ కు విపరీతంగా నచ్చుతుంది. ఆయన స్క్రీన్ ప్రెజెన్స్ రిఫ్రెషింగ్ గా ఉంది. ఇక నిధి అగర్వాల్ తో ప్రభాస్ కెమిస్ట్రీ స్క్రీన్ మీద చాలా బాగా వర్కౌట్ అయ్యింది. వీరిద్దరి కాంబినేషన్ సీన్స్ ఆకట్టుకుంటాయి. మాళవిక మోహనన్, రిద్దీ కుమార్ పర్లేదు. సంజయ్ దత్ తన విలనిజాన్ని బాగా పండించాడు. జరినా వహాబ్ నాన్నమ్మ పాత్ర బాగుంది. మిగిలిన పాత్రలు ఓకే.. తమన్ అందించిన మ్యూజిక్ సినిమాను ముందుకు నడిపించడంలో హెల్ప్ అయ్యింది. అక్కడక్కడా లౌడ్ మ్యూజిక్ అనే కంప్లైంట్ పక్కకు పెడితే.. తన BGMsతో సినిమాను పైకి లేపాడు తమన్. విజువల్ ఎఫెక్ట్స్ చాలా వరకు బాగున్నాయి. అయితే క్వాలిటీ విషయంలో ఇంకాస్త కేర్ తీసుకోవాల్సింది. ల్యాగ్ లేకుండా ఎడిటింగ్ ఉంటే ఇంకాస్త బాగుండేదేమో..! ఇక ఓవరాల్ గా చెప్పాలంటే.. రాజా సాబ్.. it’s మారుతి మైండ్ గేమ్..!

మరిన్ని వీడియోల కోసం ఇక్కడ క్లిక్ చేయండి

Also Watch:

బట్టతల దాచిపెట్టి పెళ్లి.. బండారం బయటపడగానే.. బ్లాక్‌ మెయిల్‌

ఆ వివాహం ఓ పీడకల.. ఆ పదం వాడకండి.. మీడియాకు మోడల్‌ విజ్ఞప్తి

ఏడేళ్లుగా ఒంటికాలిపై సాధువు !! అన్న పానీయాలు, నిద్రా ఆ భంగిమలోనే

మనుషులు ఎందుకు దండగా.. ఏఐ ఉండగా..

కొత్త రకం రెల్లుజాతి పామును చూసారా ??