రూ.400 కోట్లు దాటినా తగ్గేదే లేదు.. భన్సాలీ ‘లవ్ అండ్ వార్’
బాలీవుడ్లో సంజయ్ లీలా భన్సాలీ తెరకెక్కిస్తున్న లవ్ అండ్ వార్ చిత్రం బడ్జెట్ అంచనాలను మించిపోయింది. రణ్బీర్ కపూర్, విక్కీ కౌశల్, ఆలియా భట్ నటిస్తున్న ఈ సినిమా కోసం ఇప్పటికే రూ.425 కోట్లకు పైగా ఖర్చు చేశారు. షూటింగ్ ఆలస్యం అవుతున్నప్పటికీ, భన్సాలీ సినిమాపై నమ్మకంతో ఉన్నారు. ఈ ప్రాజెక్ట్పై భారీ అంచనాలున్నాయి.
బాలీవుడ్లో భారీ బడ్జెట్ చిత్రాలకు కేరాఫ్ అడ్రస్గా నిలుస్తున్న దర్శకుడు సంజయ్ లీలా భన్సాలీ తెరకెక్కిస్తున్న తాజా చిత్రం లవ్ అండ్ వార్. ఈ ప్రాజెక్ట్ ప్రస్తుతం అంచనాలకు మించి బడ్జెట్, షూటింగ్ ఆలస్యంతో వార్తల్లో నిలుస్తోంది. రణ్బీర్ కపూర్, విక్కీ కౌశల్, ఆలియా భట్ ప్రధాన పాత్రల్లో నటిస్తున్న ఈ ట్రయాంగులర్ లవ్ స్టోరీని భన్సాలీ తన కెరీర్లోనే అత్యంత భారీ చిత్రంగా రూపొందిస్తున్నారు. వాస్తవానికి ఈ సినిమాను రూ.250 కోట్ల బడ్జెట్తో ప్రారంభించాలని ప్లాన్ చేశారు. అయితే, నిర్మాణ దశలో ఇప్పటికే రూ.425 కోట్లకు పైగా ఖర్చు అయినట్లు తెలుస్తోంది. రెండున్నరేళ్లకు పైగా షూటింగ్ జరుగుతున్నప్పటికీ, చిత్రం విడుదలకు సిద్ధం కావడం లేదు. ఇప్పటికే విడుదల కావాల్సిన ఈ సినిమా ఇంకా చిత్రీకరణ దశలోనే ఉంది. మరో భారీ షెడ్యూల్ కోసం టీమ్ సిద్ధమవుతోంది. ఒక ప్రత్యేక పాటను కూడా చిత్రీకరించాలని ప్లాన్ చేస్తున్నారు. బడ్జెట్ ఎంత పెరిగినా, ఆలస్యం అవుతున్నా, రణ్బీర్, విక్కీ, ఆలియా కాంబినేషన్, బ్రహ్మాస్త్ర తర్వాత రణ్బీర్-ఆలియా తెరను పంచుకోవడంతో సినిమాపై భారీ అంచనాలు నెలకొన్నాయి. భన్సాలీ తన విజయంపై పూర్తి నమ్మకంతో ఉన్నట్లు సమాచారం
మరిన్ని వీడియోల కోసం :