విజయ్ ‘జన నాయగన్’ ఓపెనింగ్స్ పై ఆసక్తి

ముఖ్యమంత్రిగా విజయ్ బాధ్యతలు స్వీకరించిన తర్వాత విడుదలవుతున్న తొలి చిత్రం జన నాయగన్ బాక్సాఫీస్ వద్ద సరికొత్త సంచలనాలు సృష్టించడానికి సిద్ధమైంది. రజినీకాంత్ కూలీ పేరుతో ఉన్న ఫస్ట్ డే రికార్డును విజయ్ ఈసారి అధిగమిస్తారా లేదా అన్నది ఆసక్తికరంగా మారింది. గత ఆరు నెలలుగా బాక్సుల్లోనే ఉండిపోయిన జన నాయగన్ రూ. 400 కోట్ల లక్ష్యాన్ని సులభంగా దాటుతుందా అని కోలీవుడ్ వర్గాలు ఎదురుచూస్తున్నాయి.ప్రస్తుతం తమిళనాట ఫస్ట్ డే రికార్డులు రజినీకాంత్ కూలీ (రూ. 156 కోట్లు) పేరిట ఉన్నాయి. విజయ్ లియో (రూ. 148 కోట్లు) రెండో స్థానంలో ఉండగా, G.O.A.T సినిమా రూ. 126 కోట్లు వసూలు చేసింది. ఇప్పుడు ఈ రికార్డులను జన నాయగన్ బద్దలు కొడుతుందా అనేది కీలకం. కోలీవుడ్ చరిత్రలో మొదటిరోజు రూ. 100 కోట్ల గ్రాస్ వసూలు చేసిన సినిమాలు తక్కువే అయినా, జన నాయగన్ ఓపెనింగ్స్ పీక్స్ లో ఉండేలా కనిపిస్తున్నాయి. సీఎం హోదాలో తమ అభిమాన హీరోను స్క్రీన్ పై చూసుకొని అభిమానులు మురిసిపోవడానికి సిద్ధంగా ఉన్నారు. ఆలస్యం కారణంగా పెరిగిన వడ్డీల భారాన్ని అధిగమించి, ఈ చిత్రం కనీసం రూ. 400 కోట్లు వసూలు చేస్తేనే విజయ్ రేంజ్ నిలబడుతుంది. ఏం జరగబోతుందో చూడాలి.