చడీచప్పుడు కాకుండా కూతురి పెళ్లి చేసిన జగపతి బాబు వీడియో
కోట్లు పోసి మరీ తమ పిల్లల పెళ్లిళ్లు చేసే సెలబ్రిటీలున్న ఈ కాలంలో మన ఫ్యామిలీ స్టార్ జగపతి బాబు మాత్రం.. తాను అలా కాదంటూ చేసి చూపించాడు. మీడియా హాడావిడి లేకుండా.. అసలెవరికీ తెలియకుండా.. చాలా సీక్రెట్గా తన రెండో కూతురి పెళ్లిని చేసేశాడు. ఆ విషయాన్ని తానే తాజాగా రివీల్ చేసి ఇప్పుడు సోషల్ మీడియాలో హాట్ టాపిక్ అవుతున్నాడు ఈ హీరో.
ఈ మధ్య కాలంలో సోషల్ మీడియాలో ఎక్కువగా యాక్టివ్గా ఉంటున్న జగపతిబాబు.. ఉన్నట్టుండి ‘ఇలా మా రెండో అమ్మాయి పెళ్లయిపోయిందోచ్’ అంటూ ఓ AI వీడియోను పోస్ట్ చేశాడు. దీంతో ఆ వీడియోను చూసిన ఆయన ఫ్యాన్స్ అండ్ ఫాలోవర్స్ జగపతి బాబును విష్ చూస్తూ కామెంట్స్ చేస్తుండగా.. మరి కొంత మంది మాత్రం.. జగ్గూ భాయ్ షేర్ చేసిన వీడియోను ప్రాంక్గా తీసుకుంటున్నారు. ఇక ఈ విషయం పక్కకు పెడితే.. తన సెకండ్ ఇన్నింగ్స్లో జెట్ స్పీడ్లో దూసుకుపోతున్నాడు జగపతిబాబు. క్యారెక్టర్ ఆర్టిస్ట్గా తన కెరీర్లో నిలిచిపోయే రోల్స్ చేస్తున్నాడు. పాన్ ఇండియా రేంజ్లో పేరు తెచ్చుకుంటున్నాడు.