ఆధార్ కార్డుల అప్డేట్.. డిసెంబర్ 1 నుంచి కొత్త రూల్స్

ఆధార్ కార్డు భద్రత దృష్ట్యా భారత విశిష్ట గుర్తింపు ప్రాధికార సంస్థ UIDAI మరో కీలక నిర్ణయం తీసుకునేందుకు సిద్ధమవుతోంది. వ్యక్తిగత సమాచారం దుర్వినియోగం కాకుండా నిరోధించడానికి, ఆఫ్‌లైన్ ధృవీకరణను పూర్తిగా తొలగించడానికి, కార్డుదారుడి ఫోటో,QR కోడ్‌తో ఆధార్ కార్డులను జారీ చేయడాన్ని UIDAI పరిశీలిస్తోంది. ఆధార్ కోసం కొత్త యాప్‌పై OPW ఆన్‌లైన్ సమ్మిట్‌లో UIDAI CEO భువనేష్ కుమార్ ఈ మేరకు వెల్లడించారు. హోటళ్లు, ఈవెంట్ నిర్వాహకులు, ఇతర సంస్థల ద్వారా ఆఫ్‌లైన్ ధృవీకరణను తొలగించడానికి, వ్యక్తిగత గోప్యతను కాపాడుతూ ఆధార్‌ను ఉపయోగించి వయస్సు ధృవీకరణ ప్రక్రియను మెరుగుపరచడానికి డిసెంబర్‌లో కొత్త నియమాన్ని ప్రవేశపెట్టాలని పరిశీలిస్తున్నట్లు భువనేష్ కుమార్ తెలిపారు. ఆదార్ కార్డుపై ఏవైనా అదనపు వివరాలు ఇంకా పొందుపరచాలా? అనే అంశాన్ని కూడా పరిశీలిస్తున్నామని భువనేష్ కుమార్ చెప్పారు. అంతిమంగా ఆధార్ మీద ఫోటో, QR కోడ్ మాత్రమే ఉండాలని ప్రయత్నిస్తున్నట్లు తెలిపారు. ఆధార్ చట్టం ప్రకారం, ఏ వ్యక్తి ఆధార్ నంబర్ లేదా బయోమెట్రిక్ సమాచారాన్ని ఆఫ్‌లైన్ వెరిఫికేషన్ కోసం సేకరించడం, ఉపయోగించడం, నిల్వ చేయడం సాధ్యం కాదు. అయినప్పటికీ, చాలా సంస్థలు ఆధార్ కార్డుల ఫోటోకాపీలను సేకరించి నిల్వ చేస్తున్నాయి. ఆధార్ కార్డ్ కాపీలను ఉపయోగించి ఆఫ్‌లైన్ వెరిఫికేషన్‌ను తొలగించడానికి ఒక చట్టం అమలులో ఉంది. దీనిని డిసెంబర్ 1న ఆధార్ అథారిటీ పరిశీలిస్తుందని భువనేష్ కుమార్ చెప్పారు. ఇకపై ఆధార్ నంబర్, QR కోడ్ ద్వారానే అన్ని లావాదేవీలు జరిగే ఒక ఉత్తమ వ్యవస్థ రానుందని ఆయన తెలిపారు.

మరిన్ని వీడియోల కోసం ఇక్కడ క్లిక్ చేయండి

Also Watch:

మరో మోడల్‌ చుట్టూ హర్థిక్ చక్కర్లు.. అదేనంటున్న నెటిజన్లు

Nayanthara: నయనతారకు .. విఘ్నేశ్ అదిరిపోయే గిఫ్ట్..

కసిగా లవర్ దగ్గరకు వెళ్ళాడు.. ప్రేమగా కొరికి చేతిలో పెట్టింది..

అయ్యో కొడుకా.. నా కడుపున ఎందుకు పుట్టావురా !! కన్నీళ్లు పెట్టిస్తున్న వీడియో

భద్రాచలం గుడిలో ప్రసాదం దందా.. అధికారులే సూత్రధారులు