Viral video: మణికే మాగె హితే పాటకు మహిళ డ్యాన్స్‌….సూపర్బ్‌ అంటోన్న నెటిజన్లు..

'మణికే మాగె హితే'...సంగీతానికి సరిహద్దులు లేవని నిరూపించిన పాట. శ్రీలంకకు చెందిన ర్యాప్‌ సింగర్‌ యొహాని....

Bihu Dance

Basha Shek |

Updated on: Oct 22, 2021 | 11:51 AM

‘మణికే మాగె హితే’…సంగీతానికి సరిహద్దులు లేవని నిరూపించిన పాట. శ్రీలంకకు చెందిన ర్యాప్‌ సింగర్‌ యొహాని ఆలపించిన ఈ సాంగ్‌ అమితాబ్‌ బచ్చన్‌, మాధురీ దీక్షిత్‌, సోనూ నిగమ్‌ తదితర ప్రముఖుల మన్ననలు అందుకుంది. ఓ బాలీవుడ్‌ సినిమాలోనూ ఈ పాట హిందీ వెర్షన్‌ను వాడుతున్నారు. ఇక సోషల్‌ మీడియాలోనూ ఈ పాటకు ఎంతో క్రేజ్‌ ఉంది. ఒరిజనల్‌ సాంగ్‌కు తమ క్రియేటివిటీని జోడిస్తూ పలువురు నెటిజన్లు రీక్రియేషన్లు, రీమిక్స్‌లు చేస్తున్నారు. ఈ నేపథ్యంలో ఈ పాటను అనుకరిస్తూ ఓ మహిళ చేసిన డ్యాన్స్‌ ప్రస్తుతం సోషల్‌ మీడియాలో వైరల్‌గా మారింది. పసుపు చీరలో ముస్తాబైన మహిళ ఇంటి డాబాపై ఎంతో ఉత్సాహంగా కాలు కదపడం మనం వీడియోలో చూడొచ్చు. ముఖ్యంగా పాటకు అనుగుణంగా ఆమె ముఖంలో పలికించిన ఎక్స్‌ప్రెషన్స్‌ నెటిజన్లను ఆకట్టుకుంటున్నాయి. ఈ సందర్భంగా ‘మీ డ్యాన్స్‌ సూపర్బ్‌గా ఉంది. ఆమె ఎక్స్‌ ప్రెషన్స్‌ చాలా బాగున్నాయి’ అంటూ వీడియోపై లైకులు, కామెంట్ల వర్షం కురిపిస్తున్నారు. మరి నెటిజన్లను అమితంగా మెప్పిస్తోన్న ఈ వీడియోను మీరూ ఓసారి చూసేయండి.