వామ్మో ఇదేం పిచ్చి..! ఐదేళ్ల నుంచి ఇంటి గోడలను తింటున్న మహిళ..

Women Eat Walls: ప్రపంచంలో కొంతమంది వింత వ్యక్తులు ఉంటారు. వీరు అలవాట్లు, ప్రవర్తన చాలా వింతగా ఉంటాయి. అమెరికాలోని మిచిగాన్‌ నివాసి నికోల్‌ కూడా అలాంటి

Women

Updated on: Oct 28, 2021 | 9:19 AM

Women Eat Walls: ప్రపంచంలో కొంతమంది వింత వ్యక్తులు ఉంటారు. వీరు అలవాట్లు, ప్రవర్తన చాలా వింతగా ఉంటాయి. అమెరికాలోని మిచిగాన్‌ నివాసి నికోల్‌ కూడా అలాంటి వ్యక్తి కిందకే వస్తుంది. ఈమె గత ఐదేళ్లుగా వింతగా ప్రవర్తిస్తుంది. ఇటీవల ఆమె ఒక టీవీ ప్రోగ్రామ్ ద్వారా తన వింత వ్యసనం గురించి చెప్పింది. అది వింటే మీరు షాక్‌ అవుతారు.. అదేంటంటే ఆమె గత ఐదేళ్లుగా ఇంట్లోని గోడలని తింటుంది. ఈ అలవాటు గురించి తెలిసి ఇప్పుడు అందరు ఆశ్చర్యపోతున్నారు.

ఓ టీవీ ఇంటర్వూలో నికోల్ ఈ విధంగా చెప్పింది. పొడి గోడ సువాసన అంటే తనకు బాగా ఇష్టమని చెప్పింది. అంతేకాదు తాను ఒక వారంలో మూడు చదరపు అడుగుల గోడని తింటానని తెలిపింది. ఆమె ఒక బిడ్డకు తల్లి అయిన తర్వాత కూడా ఈ అలవాటుని మానుకోలేదు. నికోల్ తన ఇంట్లోనే కాకుండా ఇతరుల ఇళ్ల గోడలను కూడా తింటుందని అతని బంధువులు చెబుతున్నారు. ఇది వినడానికి వింతగా ఉన్నా నిజమైన విషయం. ఐదేళ్ల క్రితం నికోల్ గోడలను తినడం అలవాటు చేసుకుంది.

ఆమె తల్లి మరణించడంతో డిప్రెషన్‌కి గురై గోడలు తినడం మొదలుపెట్టింది. ఈ వ్యసనం వల్ల తాను చాలా ఇబ్బంది పడాల్సి వస్తోందని నికోల్ చెబుతోంది. కానీ గోడలను తినకుండా ఉండలేకపోతున్నానని ఆవేదన వ్యక్తం చేస్తుంది. అయితే తాజాగా నికోల్ రకరకాల గోడలను ఇష్టపడుతుంది. మందపాటి, సన్నని గోడల రుచి చాలా భిన్నంగా ఉంటుందని చెప్పింది. ఈ మహిళ గోడల ఆకృతిని, రుచిని ఎక్కువగా ఇష్టపడుతానని చెప్పింది. ఇవి తిన్నప్పుడు ఒక తెలియని అనుభూతి కలుగుతుందని వివరించింది.

అయితే నికోల్‌ ఈ అలవాటు గురించి బహిర్గతం చేయడంతో వైద్యులు ఆమెకు ఆరోగ్య హెచ్చరిక ఇస్తున్నారు. గోడలకు వేసే పెయింట్ లో హానికరమైన రసాయనాలు ఉంటాయని, వాటి వల్ల క్యాన్సర్ వంటి వ్యాధులు వస్తాయని హెచ్చరిస్తున్నారు. దీని కారణంగా వారి పేగులలో సమస్యలు ఏర్పడుతాయన్నారు. మరోవైపు ఈ వ్యసనాన్ని వదిలించుకోవాలని చాలా ప్రయత్నం చేస్తున్నప్పటికీ వదలలేకపోతున్నానని నికోల్ చెబుతుంది.