Viral Video: సైకిల్ తొక్కుతూ కింద పడిపోయిన గొరిల్లా.. సీన్ కట్ చేస్తే నవ్వులే నవ్వులు..!

Gorilla

Viral Video: గొరిల్లా, చింపాంజి, కోతులు ఇవన్నీ మనుషుల పూర్వ జాతీయులని అంటారు. అందుకే వాటి ప్రవర్తన కూడా అచ్చం మనుషుల మాదిరిగానే ఉంటుంది. మనుషుల్లాగే నడవడిక కూడా ఉంటుంది. అయితే, తాజాగా గొరిల్లాకు సంబంధించిన వీడియో ఒకటి సోషల్ మీడియాలో వైరల్ అవుతోంది. ఆ వీడియో చూసి నెటిజన్లు కడుపుబ్బా నవ్వుకుంటున్నారు. ఇంతకీ అందులో ఏముందో ఒకసారి తెలుసుకుందాం..

జూపార్క్‌లో రెండు గొరిల్లాలు ఉన్నాయి. వాటిలో ఒక గొరిల్లా ఎంచక్కా సెకిలెక్కి తొక్కుతోంది. సైకిల్ రైడింగ్ చేస్తూ ఎంజయ్ చేస్తుంది. ఇంతలో అనుకోని పరిణామం చొటు చేసుకుంది. సైకిల్ తొక్కుతున్న గొరిల్లా అదుపు తప్పి కింద పడిపోయింది. ఇంకేముంది.. ఆ గొరిల్లాకు కోపం నషాలానికి అంటుకుంది. ఏయ్ నన్నే పడేస్తావా అంటూ ఆ సైకిల్ ను లేపి అవతలికి విసిరేసింది. ఈ సీన్ అంతా కొందరు రికార్డ్ చేయగా.. ఆ వీడియోను ఐఎఫ్ఎస్ అధికారి సామ్రాట్ గౌడ్ సోషల్ మీడియాలో షేర్ చేశారు. దాంతో వీడియో కాస్తా వైరల్ అవుతోంది. గొరిల్లా అల్లరి పని చూసి నెటిజన్లు ఫుల్లుగా నవ్వుకుంటున్నారు. భారీ కాయం కలిగినా.. దాని మనస్తత్వం మాత్ర చిన్న పిల్లల మాదిరిగానే ఉందంటూ కామెంట్స్ పెడుతున్నారు. ఈ వీడియోకు 56 వేలకు పైగా వ్యూస్ వచ్చాయి.