Viral Video: ఉచిత బస్సులో ఇదేం దౌర్జన్యంరా బై?.. రిజర్వ్‌ సీటు కోసం మహిళపై కోపంతో రగిలిపోయిన పెద్దాయన

Free Bus Seat Fighting

ఉచిత బస్సు హామీతో అధికారంలోకి వచ్చిన తర్వాత రెండు తెలుగు రాష్ట్రాల్లో ఈ పథకం అమలవుతోంది. ప్రభుత్వం ఇచ్చిన సౌకర్యంతో మహిళలు ఆర్టీసీ బస్సుల్లో ఫ్రీగా ప్రయాణిస్తున్నారు. ఈ క్రమంలో సీటు కోసం మహిళల మధ్య ఘర్షణలకు సంబంధించిన దృశ్యాలు సోషల్‌ మీడియాలో అనేకం వైరల్‌ అవుతున్నాయి. జుట్లు జుట్లు పట్టుకుని కొట్టుకున్న సంఘటనలు కూడా ఉన్నాయి. తాజాగా వైరల్‌ అవుతోన్న ఓ వీడియోలో ఓ మహిళ, సీనియర్‌ సిటిజన్‌తో ఘర్షణ పడిన దృశ్యాలు చేసి నెటిజన్లు అవాక్కవుతున్నారు.

హైదరాబాద్ లోని పటాన్ చెరులో ఉచిత బస్సులో ఒక మహిళ సీనియర్ సిటిజన్ తో లొల్లి పెట్టుకుంది. ఈ వీడియో వైరల్ గా మారింది. పటాన్‌చెరు నుండి కోఠికి వెళ్ళే బస్సులో సీనియర్ సిటిజన్‌కు రిజర్వ్ అయిన సీటులో మహిళ కూర్చుని ఉండటం వీడియోలో కనిపిస్తుంది. అది రిజర్వ్ సీటు అని లేవాలని పెద్దాయన మహిళను అడిగాడు. ఆ మహిళ మాత్రం సీటులో నుంచి లేవడానికి ససేమిరా అంది. దీంతొ ఇద్దరి మధ్య గొడవ పెద్దదయింది. ఫ్రీ జర్నీకి ఇంత రుబాబా? అంటూ మహిళపై సీనియర్ సిటిజన్ కోపానికి రావడం వీడియోలో కనిపిస్తుంది.

కొద్ది సేపు వాగ్వాదం తర్వాత ఆ పెద్దాయన ఫోన్ కెమెరాతో మహిళను, సీటును రికార్డు చేసే ప్రయత్నం చేశాడు. దీంతో ఆ మహిళ నన్ను ఎందుకు రికార్డ్‌ చేస్తున్నావని ఆగ్రహించింది. తోటి ప్రయాణికులు సైతం మహిళలకు సపోర్ట్ చేశారు. ఆయన మరింత ఆగ్రహంతో రగిలిపోయాడు. ఆమె స్టేజీ రాగానే బస్సు దిగి వెళ్లిపోయింది. ఈ ఘటనను వెనక సీటులో కూర్చున్న కొంత మంది వీడియో తీయడంతో అది నెట్టింట చక్కర్లు కొడుతోంది.

వీడియో చూడండి: