Watch Video: ఒకే మనిషిని పోలిన వ్యక్తులు ఏడుగురు ఉంటారనేది నిజమేనేమో.. వైరల్ అవుతున్న వీడియో.. చూస్తే ఆశ్చర్యపోవాల్సిందే..

Pani Puri Seller

మనుషులను పోలిన మనుషులు ఏడుగురు ఉంటారంట. కొన్ని సార్లు అది నిజమే అనిపిస్తుంది కదా.. ఆ కారణంగానే మనం కొన్ని సార్లు నిజమైనవారిని గుర్తించడంలో పొరబడతాము. ఈ నేపథ్యంలోనే కోహ్లీ, సల్మాన్, అజయ్ దేవగన్ వంటి ప్రముఖులను పోలిన మనుషులకు సంబంధించిన వీడియోలు ఇప్పటికే సోషల్ మీడియాలో వైరల్ అయ్యాయి. అయితే ఇప్పుడు సోషల్ మీడియాలో వైరల్ అవుతున్న వీడియోలోని వ్యక్తి దేశంలోని ఓ అగ్రనేతలా అనిపిస్తున్నారని నెటిజన్లు భావిస్తున్నారు.  ఆ వీడియోలోని వ్యక్తి పానీపూరి అమ్ముతూ రాజకీయ నేత లాగానే ఫోజులు కూడా ఇస్తున్నాడని వారు కామెంట్లు చేస్తున్నారు. ఆ వ్యక్తి చూడడానికి అచ్చం మన దేశ ప్రధాని నరేంద్ర మోదీ లాగానే ఉన్నాడని కొందరు నెటిజన్లు కామెంట్ చేస్తుండగా.. మరికొందరు నిజానికి అలాంటి పోలికలు ఏం లేవని అంటున్నారు. ఏదిఏమైనప్పటికీ దీనికి సంబంధించిన వీడియో ప్రస్తుతం నెట్టింట వైరల్‌గా మారింది.

అయితే ఇక్కడ చెప్పుకోవలసిన మరో విషయం ఏమిటంటే.. వీడియోలోని వ్యక్తి కూడా గుజరాత్ రాష్ట్రానికి చెందినవాడే. గుజరాత్‌లోని ఆనంద్ జిల్లా వల్లభ్ విద్యానగర్‌కు చెందిన అనీల్ భాయ్ ఠక్కర్ మాట్లాడుతూ ‘ఆయన టీ అమ్ముతాడు.. నేను పానీపూరీ అమ్ముతా’నని అంటున్నాడు. ఇక eatinvadodara అనే ఇన్‌‌స్టా ఖాతా నుంచి షేర్ అయిన ఈ వీడియోలో ఠక్కర్ షాపులోని వివిధ రకాల పూరీలను మనం చూడవచ్చు. ఇక ఈ వీడియోకు ఇప్పటివరకు 6 లక్షల 11 వేల లైకులు.. 82 లక్షలకు పైగా వీక్షణలు వచ్చాయి.

మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..