ట్యాక్సీని మినీ మార్ట్గా మార్చిన డ్రైవర్.. ప్రయాణికులకు అన్నీ ఫ్రీ..! ఇంటర్నెట్ను ఊపేస్తున్న వీడియో వైరల్..
మీరు టాక్సీలో కూర్చుని ఉండగా, సాక్సులు, టూత్బ్రష్, నీళ్లు, కాఫీ వంటివన్నీ ఉచితంగా లభిస్తే ఎలా ఉంటుందో ఊహించుకోండి? ఇలాంటి దృశ్యమే ప్రస్తుతం సోషల్ మీడియాలో విపరీతంగా వైరల్ అవుతోంది. ఒక డ్రైవర్ తన క్యాబ్ను మినీ మార్ట్గా మార్చేశాడు. అందులో ప్రయాణికులకు కావాల్సిన దాదాపు అన్ని రకాల వస్తువులు, స్నాక్స్, మంచినీళ్లు, కాఫీ, టీలను కూడా అందుబాటులో ఉంచాడు..అంతేకాదు..మీ పెంపుడు జంతువులకు కావాల్సినవి కూడా ఇక్కడ దొరుకుతాయి. ఇక్కడ మరో విశేషం ఏంటంటే.. ఇవన్నీ అతడు తన క్యాబ్లో ఎక్కిన ప్రయాణికులకు ఫ్రీగానే ఇస్తున్నాడు..పూర్తి వివరాల్లోకి వెళితే..
Updated on: Aug 25, 2026 | 12:41 PM
సాధారణంగా ట్యాక్సీలో ప్రయాణించేటప్పుడు మంచినీళ్ల బాటిల్ లభిస్తేనే గొప్ప విషయం అని భావిస్తుంటాం. కానీ, ఒక ట్యాక్సీ డ్రైవర్ ఏకంగా తన కారునే ఒక చిన్న ఉచిత సూపర్మార్కెట్లా మార్చేసి ప్రయాణికులకు ఊహించని సేవలను అందిస్తున్నాడు. థాయిలాండ్లోని బ్యాంకాక్ నగరంలో చోటుచేసుకున్న ఈ వినూత్న ఘట్టం ప్రస్తుతం సోషల్ మీడియాలో తీవ్రంగా వైరల్ అవుతోంది.
కారులో లభించే వస్తువులు ఏమిటి?:
సదరు డ్రైవర్ తన ట్యాక్సీ వెనుక సీట్ల వద్ద ప్రయాణికులకు అవసరమయ్యే దాదాపు అన్ని రకాల నిత్యావసర వస్తువులను వరుసగా అమర్చి ఉంచాడు.
టూత్బ్రష్లు, పేస్ట్
సాక్స్, చిన్న అద్దం
తాగునీరు, కాఫీ పొడి ప్యాకెట్లు
బేబీ పౌడర్, స్కిన్ కేర్ ఉత్పత్తులు
పెంపుడు జంతువుల కోసం కెట్ ఫుడ్
పని ఒత్తిడిలో లేదా అత్యవసర పరిస్థితుల్లో ఏదైనా వస్తువు మరచిపోయి ట్యాక్సీ ఎక్కిన ప్రయాణికులకు ఈ ఉచిత సేవలు కొండంత అండగా నిలుస్తున్నాయి.
రూపాయి కూడా తీసుకోడు.. టిప్స్ తోనే నిర్వహణ!
ఈ సేవలోని అసలైన విశేషం ఏమిటంటే, డ్రైవర్ ఈ వస్తువుల కోసం ప్రయాణికుల నుంచి ఒక్క రూపాయి కూడా అదనంగా వసూలు చేయడు. ప్రయాణికులు తమకు అవసరమైన వస్తువులను ఉచితంగా తీసుకోవచ్చు. అయితే, అతని దాతృత్వాన్ని, మంచి మనసును గుర్తించిన ప్రయాణికులు స్వచ్ఛందంగా ఇచ్చే టిప్స్ డబ్బులను మాత్రమే అతడు స్వీకరిస్తాడు. ఆ డబ్బులతోనే మళ్లీ కొత్త వస్తువులను కొనుగోలు చేసి కారులో రీస్టాక్ చేస్తుంటాడు.
10 ఏళ్లుగా నిరంతర సేవ!
ఇన్స్టాగ్రామ్లో @floraandnote అనే ఖాతా ద్వారా షేర్ అయిన వీడియో ప్రకారం, ఈ డ్రైవర్ గత 10 సంవత్సరాలుగా ఈ ఉచిత మినీ మార్ట్ సేవను నిరంతరాయంగా కొనసాగిస్తున్నాడు. లాభాపేక్ష లేకుండా కేవలం ప్యాసింజర్ల సౌకర్యమే ధ్యేయంగా పనిచేస్తున్న అతడి ఉదారతపై నెటిజన్లు ప్రశంసల వర్షం కురిపిస్తున్నారు.
View this post on Instagram
ఇతరులకు సహాయం చేయడానికి పెద్దగా ఆస్తులు అవసరం లేదని, మంచి మనసు ఉంటే చాలని ఈ బ్యాంకాక్ ట్యాక్సీ డ్రైవర్ నిరూపించాడు. ప్రతికూల వార్తలు ఎక్కువగా వినిపించే ఈ రోజుల్లో ఇలాంటి మానవత్వంతో కూడిన సంఘటనలు మనసును ఆహ్లాదపరుస్తున్నాయి.
మరిన్ని ట్రెండింగ్ న్యూస్ కోసం క్లిక్ చేయండి..
