Largest museum of snakes: అతిపెద్ద స్నేక్ మ్యూజియం.. ఇక్కడ 70 వేల రకాల పాముల్ని చూడొచ్చు.. ఎన్నో అరుదైనవి ఎక్కడో తెలుసా..?

Largest Museum Of Snakes

పాములంటే దాదాపు అందరికీ భయమే.. అలంత దూరాన పాము ఉందని తెలిస్తే చాలే.. భయంతో పరుగులు పెడతారు. దానికి వీలైనంత దూరం పరిగెట్టి ప్రాణాలు కాపాడుకోవాలనుకుంటారు. కానీ, కొందరు పాములను ప్రేమిస్తారు. వాటితో ఆటలాడుతుంటారు. పాములను పెంపుడు జంతువులగా ఇంట్లో తమవారితో పాటుగానే పెంచుకుంటారు. వాటితో కలిసి తింటారు. తిరుగుతారు. నిద్రపోయే సమయంలో కూడా పాములను వదలకుండా చూసుకుంటారు. అయితే, జూ, జంతు ప్రదర్శన శాలలో అనేక రకాల పాములను చూస్తుంటాం.. కానీ, పూర్వకాలం నాటి పాములకు కూడా ప్రత్యేకించి మ్యూజియంలు ఉంటాయని మీకు తెలుసా..? అమెరికాలోని మిచిగాన్ విశ్వవిద్యాలయం ప్రపంచంలోనే అతిపెద్ద పాముల సేకరణకు ప్రసిద్ధి. మిచిగాన్‌ యూనివర్సిటీ స్నేక్‌ మ్యూజియం అగ్రస్థానానికి చేరుకుంది. ఒరెగాన్ స్టేట్ యూనివర్శిటీ ఇటీవల UM మ్యూజియం ఆఫ్ జువాలజీకి సరీసృపాలు, ఉభయచరాల 45,000 నమూనాలను బహుమతిగా ఇచ్చింది. వాటిలో 30,000 కంటే ఎక్కువ పాములు ఉన్నాయి. ఇప్పుడు UM మ్యూజియంలో 70 వేల పాముల రకాలు ఉన్నాయి. వీటిలో చాలా పాములు మీరు ఎప్పుడూ చూడనివి ఇక్కడ కనిపిస్తాయి.

న్యూయార్క్ పోస్ట్ నివేదిక ప్రకారం, ఈ పాముల సేకరణ సాధారణ ప్రజలకు అందుబాటులో ఉండదు. దీనిని ప్రపంచం నలుమూలల నుండి శాస్త్రవేత్తలు మాత్రమే ఉపయోగించుకోగలుగుతారు. మ్యూజియంలోని క్యూరేటర్లు మెడిసిన్‌తో నిండిన వందలాది కంటైనర్లలో పాములు, సాలమండర్ల నమూనాలను సేకరించారు. ప్రత్యేక జాడిలో సేకరించిన పాములు సజీవ పాముల వలె కనిపిస్తాయి.

క్యూరేటర్, పరిణామాత్మక జీవశాస్త్రవేత్త డాన్ రాబోవ్స్కీ మాట్లాడుతూ, ..ఇక్కడి పాముల నమూనాలు జీవసంబంధమైన ‘టైమ్ క్యాప్సూల్’ను సూచిస్తాయని చెప్పారు. ఇక్కడ పరిశోధకులు దశాబ్దాల క్రితం జంతువుల జనాభాను వాటి జన్యుశాస్త్రం, వాటి వ్యాధులు, మరిన్నింటిని అర్థం చేసుకోవడానికి అనుకూలంగా ఏర్పాటు చేశారు. జంతువుల జనాభాలో వ్యాధులు ఎలా వ్యాప్తి చెందుతాయి వంటి కాలక్రమేణా విషయాలు ఎలా మారతాయో మనం అర్థం చేసుకోవాలనుకుంటే ఈ బయోలాజికల్ టైమ్ క్యాప్సూల్స్ చాలా ముఖ్యమైన డేటాను అందజేస్తుంది.

మరిన్ని ట్రెండింగ్ న్యూస్ కోసం క్లిక్ చేయండి..