Viral Video: చేపలు పడుతోన్న చిన్నారి.. ఎటాక్ చేసిన మొసలి.. చివర్లో ట్విస్ట్ మాములుగా లేదు!

ప్రపంచవ్యాప్తంగా చాలామంది ప్రజలు సమయం దొరికినప్పుడల్లా చేపలు పడుతుంటారు. కొన్నిసార్లు కొంతమంది ఫిషింగ్‌కు తమ వెంట పిల్లలను...

Crocodile

Updated on: Oct 06, 2021 | 1:12 PM

ప్రపంచవ్యాప్తంగా చాలామంది ప్రజలు సమయం దొరికినప్పుడల్లా చేపలు పడుతుంటారు. కొన్నిసార్లు కొంతమంది ఫిషింగ్‌కు తమ వెంట పిల్లలను సైతం తీసుకెళ్తుంటారు. చేపలు ఎలా పట్టాలో నేర్పిస్తుంటారు. ఇక ఇలాంటి ఆలోచన మెక్‌మహాన్ అనే వ్యక్తికి వచ్చింది. ఆలోచన వచ్చిందే తడువుగా తన కొడుకును కూడా చేపల వేటకు తీసుకెళ్లాడు మెక్‌మహాన్. కానీ అక్కడ వారి ఊహించని పరిణామం ఎదురైంది. ఆ తండ్రీకొడుకులు చేపలు పడుతుంటే మొసలి అనుకోని అతిధిగా వచ్చి పలకరించింది. దీనితో వారికి ఒక్కసారిగా షాక్ తగిలింది. అసలు ఆ కథేంటో ఇప్పుడు చూద్దాం..

వైరల్ వీడియో ప్రకారం.. ఓ నది ఒడ్డుకు మెక్‌మహాన్ తన 7 ఏళ్ల కుమారుడు డాసన్‌తో కలిసి చేపల వేటకు వెళ్లాడు. అక్కడ తన కొడుకు గాలం వేసి చేపల పట్టడాన్ని చూసి ముచ్చటపడిన మెక్‌మహాన్.. అదంతా వీడియో తీస్తున్నాడు. ఇక వారిద్దరికీ కూడా అక్కడ ఓ మొసలి ఉందని తెలియదు. డాసన్ గాలానికి ఓ చేప చిక్కింది. ఆ చిన్నారి ఆనందానికి అవధులు లేవు. తండ్రి సలహాలు తీసుకుంటూ గాలాన్ని తిప్పుతున్నాడు. ఆ చేపను ఒడ్డుకు లాగాడు.

అయితే అప్పుడే ఊహించని విధంగా ఓ మొసలి మెరుపు దాడికి దిగింది. ఆ చేపను తన పదునైన దవడలతో పట్టుకుని నమిలేసింది. ఇక అది చూసిన డాసన్ భయంతో గాలాన్ని అక్కడే పడేసి వెనక్కి పారిపోయాడు. కాగా, 50 సెకన్ల నిడివి కలిగిన ఈ వీడియో ప్రస్తుతం సామాజిక మాధ్యమాల్లో వైరల్ అవుతోంది. దీనిని ఇప్పటివరకు 1.99 లక్షల మంది వీక్షించారు. అలాగే ఈ వీడియో 2.7 వేల లైకులు సంపాదించింది. లేట్ ఎందుకు మీరు కూడా ఆ వీడియోపై ఓ లుక్కేయండి.