Viral Video: వార్నీ.. ఐరన్‌ మ్యాన్‌లా ఉన్నాడే.. పై నుంచి కారు వెళ్లినా.. లేచి నిల్చున్న యువకుడు

Chandigarh Hit And Run

చండీగఢ్‌లోని సెక్టార్ 26లో మెర్సిడెస్ కారు బీభత్సం సృష్టించింది. మట్టి రోడ్డులో వేగంగా దూసుకొచ్చిన ఓ కారు ఒక్కసారిగా జనాలపైకి దూసుకెళ్లింది. దీంతో అక్కడే ఉన్న స్థానికులు కారును అడ్డుకునేందుకు ప్రయత్నించగా.. సదరు కారు డ్రైవర్ తన కారును మళ్లీ రివర్స్‌లో ఆ జనాలపైకి తీసుకెళ్లాడు.. ఈ క్రమంలో అక్కడే నిల్చున్న ఓ యువకుడిపై ఏకంగా కారును ఎక్కించాడు. అనంతరం వేగంగా అక్కడి నుంచి కారుతో పారిపోయాడు. అయితే తనపై నుంచి కారు వెళ్లినప్పటికీ.. సదురు యువకుడు వెంటనే పైని లేచి కారుపై దాడి చేయడాని ప్రయత్నించాడు. ఇక స్థానికుల సమాచారంతో ఘటనపై కేసు నమోదు చేసుకున్న పోలీసులు నిందుతుల కోసం గాలింపు చేపట్టారు.

పోలీసులు తెలిపిన వివరాల ప్రకారం.. సెక్టార్ 26 లోని బాబుధామ్ కాలనీకి చెందిన అమన్‌జాత్, సెక్టార్ 44 కి చెందిన అలన్స్ ప్రీత్ శనివారం సాయంత్రం సెక్టార్ 26 లోని ఒక డిస్కో క్లబ్‌కు వెళ్లారు. వారు క్లబ్ నుండి బయటకు వస్తుండగా, వేగంగా వచ్చిన ఓ మెర్సిడెస్ కారు వారిని ఢీకొట్టింది. ఆ తర్వాత అక్కడి నుంచి పారిపోయింది. సమాచారం అందుకున్న సెక్టార్ 26 పోలీసులు ఘటనా స్థలానికి చేరుకుని, గాయపడిన ఇద్దరినీ చికిత్స నిమిత్తం GMCH-32 ఆసుపత్రికి తరలించారు.

ఘటనా స్థలంలో ఉన్న సీసీటీవీ కెమెరాల ఫుటేజీని స్వాధీనం చేసుకుని పోలీసులు దర్యాప్తు ప్రారంభించారు. కారు నంబరును, డ్రైవర్‌ను గుర్తించేందుకు సాంకేతిక ఆధారాలను కూడా సేకరిస్తున్నారు. సీసీటీవీ ఫుటేజీ, ఇతర ఆధారాల సహాయంతో నిందితుడిని త్వరలోనే గుర్తించి అరెస్టు చేస్తామని అధికారులు తెలిపారు.

It’s not the car brand’s, it’s the Indian drivers. Over-speeding Mercedes first hit two boys and then, while reversing, rammed another person in Sector 26, Chandigarh. All this happened in broad daylight yesterday. The highest number of police deployment should be in 26 IYKWIM pic.twitter.com/OFZWGFpXzN

— Nikhil saini (@iNikhilsaini) July 12, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి.